يارب قوينا

[Dr..Soha]

السلام عليكم . اذيكو ياجماعة انا عندى اقتراح واكيد فى ناس هتقول عليه انه عبيط بس ده هيفيد الناس اللى بتمل من المذاكرة بسرعة الاقتراح كالتالى النهاردة ان شاء الله الساعة 8 ونصف بعد ماكلنا نصلى العشاء هنقفل كلنا النت وهنقعد نذاكر لحد 8.30 الصبح واللى يزهق والشيطان يطلعها فى دماغه انه يسيب الكتاب يحط ادام عينه ان كتييييييييييييييييييييييييييييييييييييييير اووووووووووووووووووووووى قاعدين بيذاكره معاه وان كلها شهرين ويفرح والله ياجماعة طعم الفرح جميل وانت شايف اهلك فرحانين بيك وطبعا الحالتين اللى هيخلونا نقوم اننا نصلى التهجد ونقرا قران وصلاة الفجر واذكار الصباح بعدها وخلى المصحف جمبك وانت بتذاكر كل ساعة اقرا صفحة هتلاقى عندك طاقة جبارة وقلبك مليان بالامان ومتفائل لابعد الحدود . كله يشاااااااارك . واللى معايا فى الاقتراح يدخل يسجل ويقولى . فى رعاية الله . بالتوفيق.

[ثانويه1]

ربنا يوفقك يارب
جزاكِ الله خيرا علي حرصك واهتمامك بالغير
وان شاء الله كل ده في ميزان حسناتك

[Dr..Soha]

المشاركة الأصلية كتبت بواسطة صلي علي الحبيب المصطفي

ربنا يوفقك يارب
جزاكِ الله خيرا علي حرصك واهتمامك بالغير
وان شاء الله كل ده في ميزان حسناتك

جزانا واياكى ياجميل .
وان شاء الله كل ده في ميزان حسناتك[/quote]
اللهم آمين

[محمود ابو عيشة]

جزاكي الله خيرا علي مجهودك
وهنحاول ان شاء الله بس بيتهيأ لي ان الوقت طويل جدا وغير كده نعمل اية في دروسنا تاني يوم

ع العموم شكرا علي الفكره وانا فاهم قصدك من الفكره

[Dr..Soha]

المشاركة الأصلية كتبت بواسطة محمود ابو عيشة

جزاكي الله خيرا علي مجهودك
وهنحاول ان شاء الله بس بيتهيأ لي ان الوقت طويل جدا وغير كده نعمل اية في دروسنا تاني يوم

ع العموم شكرا علي الفكره وانا فاهم قصدك من الفكره

معلش احنا نضغط على نفسنا يوم واليوم ده ممكن ننجز فيه حاجات كتير وهتحس ان نفسيتك ارتاحت الى حد ما . لو كل اسبوع عاملنا الحكاية دى مرتين وياجماعة مرتين مش كتير الامتحان فاضل عليه شهرين وبكرة نشبع نوم ونت فى الاجازة .

[درة الفردوس]

والله فكره حلوه بيبقى الجو هادى وجميل ومفيش اى حاجه تعطلك او تزعجك وفعلا الواحد لما يقعد يذاكر شويه باليل بينجز فيهم كتير بس بصراحه عمرى ما قعدت الفتره دى كلها بس احاول اجربها ان شاء الله وان جابت معايا نتيجه اكررها بس زى ما حضرتك بتقول مره او 2 بس فى الاسبوع اصلى تقريبا عندى كل يوم درس الساعه 6 ونص الصبح مفيش غير يوم الجمعه اصل دروسى كلها بتبقى الصبح
فان شاء الله احاول اعمل كده يوم الخميس واشوف النتيجه واشوف هقعد اد ايه وربنا يسهل
وربنا معانا ويوفقنا جميعا

[نسمة الدنيا]

اولا شكرا ليكي يا سها علي اقتراحك لافادتنا عشان المذاكرة
بس مش شايفة ان ده صعب اننا نذاكر 12 ساعة متواصلة,,,وكمان السهر بالليل كتير بيسبب صداع جامد
وده هيأثر علي تحصيلنا في المذاكرة وخاصة ان الدكاترة قالوا ان النوم بالليل بيريح الجهاز العصبي عند الانسان ...وكمان انتي نسيتي الدروس هنعمل فيها ايه كلها بتبدأ من بعد الظهر يعني مش هنلحق ننام فترة كافية قبل الدرس
أنا من رأيي ان النوم يكون الساعة 12بالليل ونصحي علي الفجر نصلي ونبدأ المذاكرة لغاية الظهروبعدين فترة الدروس وبعد ما نلخص دروس تنامي حوالي ساعة عشان تستريحي وكمان عشان تقدري تواصلي انك تسهري بالليل وبعدين تصحي وتبدأي مذاكرة لغاية الساعة 12وهكذا
ده اللي انا بحاول اعمله الفترة دي,,,وكل واحد وعلي حسب طبيعته هوة بيذاكر ازاي
ومرة تانية شكراااااا يا سها علي اقتراحك

[Dr..Soha]

المشاركة الأصلية كتبت بواسطة نسمة الدنيا

اولا شكرا ليكي يا سها علي اقتراحك لافادتنا عشان المذاكرة
بس مش شايفة ان ده صعب اننا نذاكر 12 ساعة متواصلة,,,وكمان السهر بالليل كتير بيسبب صداع جامد
وده هيأثر علي تحصيلنا في المذاكرة وخاصة ان الدكاترة قالوا ان النوم بالليل بيريح الجهاز العصبي عند الانسان ...وكمان انتي نسيتي الدروس هنعمل فيها ايه كلها بتبدأ من بعد الظهر يعني مش هنلحق ننام فترة كافية قبل الدرس
أنا من رأيي ان النوم يكون الساعة 12بالليل ونصحي علي الفجر نصلي ونبدأ المذاكرة لغاية الظهروبعدين فترة الدروس وبعد ما نلخص دروس تنامي حوالي ساعة عشان تستريحي وكمان عشان تقدري تواصلي انك تسهري بالليل وبعدين تصحي وتبدأي مذاكرة لغاية الساعة 12وهكذا
ده اللي انا بحاول اعمله الفترة دي,,,وكل واحد وعلي حسب طبيعته هوة بيذاكر ازاي
ومرة تانية شكراااااا يا سها علي اقتراحك

ياجماعة انا هدفى غير كدة انا هدفى ان كلنا نبقى قاعدين نذاكر فى وقت واحد علشان نشجع بعض والحكاية دى هتجيب نتيجة وهتحسى انك انجزتى ومستريحة جدا وخصوصا ان الصيف جه والمذاكرة بالليل بتبقى متعة .

[*تائبة فى رحاب الله*]

اولا شكرا على الموضوع وثانيا انتى قولتى فى الموضوع الناس اللى بتمل بالمذاكرة تقومى تقولى 12 ساعة مرة واحدة انا من الناس اللى بتمل من المذاكرة بسرعة جداجداجدا مبعرفش اقعد اكتر من نصف ساعة بس الحمد لله انا لسة فى اولى ثانوى ربنا معاكم

[خالد مصطفـى]

8:30 مساءاً لـ 8:30 صباحاً ..
يآه گل ده ..

صصعبة صصعبة چداً /-

[Dr..Soha]

المشاركة الأصلية كتبت بواسطة خالد مصطفـى

8:30 مساءاً لـ 8:30 صباحاً ..
يآه گل ده ..

صصعبة صصعبة چداً /-

ياجماعة كل ساعة افصلو 5 دقايق وبعدين مش كلهم مذاكرة نظرى اكيد هنحل فيهم . حاول وخلاص ده لمصلحتك .

[Dr..Soha]

المشاركة الأصلية كتبت بواسطة *تائبة فى رحاب الله*

اولا شكرا على الموضوع وثانيا انتى قولتى فى الموضوع الناس اللى بتمل بالمذاكرة تقومى تقولى 12 ساعة مرة واحدة انا من الناس اللى بتمل من المذاكرة بسرعة جداجداجدا مبعرفش اقعد اكتر من نصف ساعة بس الحمد لله انا لسة فى اولى ثانوى ربنا معاكم

الموضوع للناس اللى بتمل من المذاكرة علشان ميحسوش انهم لوحدهم وان فى حد بيذاكر معاهم وده يبقى دافع ليهم انهم يقعدوا عالكتاب فترة طويلة . عالعموم خدى راحتك فى اولى علشان هتبداى الحرب العالمية التالتة السنة الجاية . بالتوفيق.

[هالة محمد 2]

بجد والله فكرة جميلة انا هبدا اعمل الفكرة دى
جزاكى الله كل خير

[أنين الأنين]

فكرة جمييييلة تخلينا نشد حيلنا شوية
جزاااك الله كل خير على حرصك

[Dr..Soha]

المشاركة الأصلية كتبت بواسطة هالة55

بجد والله فكرة جميلة انا هبدا اعمل الفكرة دى
جزاكى الله كل خير

ايوة كدة عاوزين تشجييييييييييع ربنا يوفقك يا هالة .