هل انا ليا امتحان كادر ولا مفيش قبل سنتين ؟؟

[Mr...Ahmed]

انا اتعينت ف الازهر بحكم قضائى معلم درجة ثالثة ف شهر يونيو الماضى.. هل انا ليا امتحان كادر مع العلم انى ممعاييش لا كود معلم ولا باسوورد
مسعد سعداوى قالى ملكش قبل سنتين بس ايه راى حضراتكم عشان انا مبثقش ف رأى بتوع المناطق دول؟؟

[أبو أنس محمد علي]

يا اخي اذهب للمنطقة الازهرية وقدم اواراقك مباشرة

[Mr...Ahmed]

ماهو انا رحت المنطقة يا ابو انس وقاللى تعالى بعد سنتين قبل ما تقدر تدخل كادر فمش عارف هو بيقول اى كلام ولا الكلام ده مضبوط عشان زملائى ف التربية والتعليم اللى كانو بالحصة واتعينو داخلين امتحان الكادر خلال الاسبوع المقبل

[أ/مصطفى محمود]

هذا الكلام غير منطقي
ما دام تم تعيينك يحق لك دخول الكادر
قم بعمل شكوى في ديوان المظالم
كما ان اختبارات الكادر يشترط لدخولها
1- مرور 6 اشهر فقط.ةهذا يكون بجواب من معهدك انك على رأس عملك
2- مؤهل تربوي أو ما يعادله كالدبلوم العام
3- شهادة icdl أو اقرار على نفسك بأنك ستحضر الشهادة
وبعض الاوراق الاخرى
بالتوفيقـ

[السيد احمد عبد الجواد]

لازم يمر عليك سنتين على الاقل تى تتقدم لامتحان الكادر
فى مدرسين فى معهدى مثبتين بقرار ضم مثلك وحاولوا مع بتوع المنطقة علشان يمتحنوا الكادر فقالوا اهم الكلام دة

[الاستاذ عوض على]

جزاكم الله خيرا
وزملائى فى المعهد مر على تعينهم 7 شهور فقط
ودخلوا امتحان الكادر الأخير

[منتصر النقراشى]

انا نفس موضوعك اتصل بيي وكلمني عشان اقوللك ازاي تحل مشكلتك رقمي 0109...........
اسمي احمد يوسف

رجاءا من صاحب المشاركة مراسلة صاحب الرد...
لانه يمنع وضع اي ارقام محمول أو خاصه على الملأ حفاظا على خصوصيتك ( مشرف القسم )

[مصطفى كوته]

كل واحد بيفتى فى الازهر اتصل بشئون العاملين بالازهر واسال مسؤلى الاكاديمية يمكن يفيدوك

[أبو أنس محمد علي]

السلام عليكم
صدق الأستاذ الجليل عوض على وخير دليل على ذلك أنا شخصيا تعيين معاهد ضم في 14/11/2010ودخلت الكادر الأخير 7/2/2012
والآن ننتظر النتيجة
فعليك أخي الكريم الذهاب إلى القاهرة لإدارة الأزهر بالحسين
ولا تنتظر أن يقدم لك إداريو المعهد أو المنطقة شيئًا
والله المستعان على ما يصفون ويفعلون
أنا مش عارف أحنا كمدرسين هننظر لمناهجنا وتدريسنا وطلابنا وأبنائنا ولا هندور على حلول لمشاكلنا
حسبي الله ونعم الوكيل

[Mr...Ahmed]

جزاكم الله كل خير اخوتى فى الله