مرتبك = قيمتك ....صح ولا ايه

[حازم دهب]

شفتو ياجماعه اضراب موظفين المحاكم اللى اقل واحد فيهم مرتبه اكتر من اى مدير عندنا مش هوه ده الاضراب اللى قال عليه المفتى حرام اهو اصبح طريقه للحصول على الحقوق انا عايز اعرف ياترى احنا لنا نقابه الوقتى تطلب حقوقنا ولا هنفضل كده للابد فى اسفل السافلين راضيين بالظلم والى اللقاء فى وكسة اخرى وشكرا

[mfakhrdeen]

بصراحه انا استغرب هؤلاء واضرابهم الواحد فيهم اول تعيينه فوق الالف جنيه ومزايا لا حصر لها وبمبالغ كبيره جدا ونحن المدرسون اللى معظمنا كان متفوق لا يحصل على مرتب محترم يليق به فانا مثلا يا ساده تعيين 2002 مدرس انجليزى مرتبى الان 822 بحافز الاداء واول مرتب كان 164 جنيه بذمتكم ده مرتب وللا بدل شحاته ؟؟؟؟

[ابوالناظر]

بدل شحاته صدقنى احنا ما عندنا اى مبدء لو عندنا مبادئ كان كلنا يد واحده بس احنا عايزين 30 سنه علشان نعمل زى الوزارات التانيه

[السيدالقناياتي]

والله ما في معلم راجل ولا نقابة رجالة ولا مستقلة ولا يحزنون ولا اخوان ولا مش اخوان اقسم بالله مرتب موظف المحكمة عند التعيين 1850 انا ابن اختي لسة موظف من شهر ابريل الماضي والله العظيم لا عربي ولا انجليزي نافع كلة بيعمل لمصلحتة لازم وقفة منا

[ابوسمرة88]

بلاش تسأل على المرتب ما تزعلناش

[khaled1968]

ياخسارة لقد أثبت المعلمون وكل من يعمل بالتربية والتعليم أنهم لاكلمة لهم ولارأى لهم مش عارف حيفوقوا متى يااخونا هو انتم منتظرين احد يجيب لكم حقوقكم ان كنتم منتظرين ذلك فالقانون لايحمى المغفلين لقد اصبح من يعمل بالتربية والتعليم لاقيمة له ولامكانة اجتماعية له لأن قيمته على قد مرتبه بالله عليك تقدر تقول مرتبك قد ايه أمام عامل فى الكهرباء ولا البنك ولا الضرائب ولا البترول ولا الصحة ولا الزراعة ولا المالية ولا العدل شوفوا اين انتم من هؤلاء لقد اصبحتم فى زيل القائمة وبالتالى لاقيمة لكم من قبل الثورة ونحن نقول فوقوا ولا انتم ناويين تفوقوا الثورة القادمة لقد اصبحنا نعانى من المعيشة التى اصبح مرتبنا لايكفى لتنفس الهواء

[عصام شلبي]

لا حول ولا قوة إلا بالله