ضروري جدا ياجماعه........................................... ...........

[adam hrb]

اولا\
الي كل من يعمل معلم بمصرنا الحبيبه ارجو منكم التكاتف معانا والتبرع لمدة سنه ب 5 جنيهات شهريا من المرتب وذلك للتبرع لمصرنا الحبيبه لكي نبتعد عن المعونه اللي امريكا زلانا بيها وعلشان انت يا معلم يا مصري اكيد حريص علي مصرنا الحبيبه المفروض تساعد في هذه المشكله والا احنا عايزين ناخد بس من مصر حببتي ولما تكون في موقف زي كده منسالش الا علي حقوقنا (ناخد ومنديش)
ثانيا\
ارجو من الاستاذ الفاضل شريف حسن مشرف المنتدي انه يساعدنا في الموضوع بجد

والله الموفق,


اهداء الي مصر حببتي,

[شريف حسن .]

اولا جزاك الله خيرا واكثر الله من امثالك

ثانيا انا تحت امر الجميع فى اى مساهمة منى تطلبونها لهذه الفكرة الجميلة

ثالثا النهاردة اعلنت وزارة التربية والتعليم عن فتح باب التبرع الاختيارى لدعم الاقتصاد المصرى

وذلك عن طريق الادارات المختلفة فى انحاء الجمهورية عن طريق حساب رقم 25/1/2011.

فاعتقد يوم من اجرك ثم خمسة جنيه شهريا اى 60 جنيه فى السنة اعتقد باذن الله سهلة

جزاك الله خيرا اخى الفاضل استاذ ادم ولسيادتك جزيل الشكر

سيتم تثبيت الموضوع لفترة لكل من يحب ان يشارك

[شريف حسن .]

وافق الأستاذ جمال العربى وزير التربية والتعليم على إطلاق حملة تبرع اختيارى للعاملين بالوزارة والجهات التابعة لها، بأجر يوم من الراتب لدعم الاقتصاد المصرى، مساهمة فى الحملة القومية للتبرع لعلاج عجز الموازنة العامة للدولة.

وأوضح الوزير، أن التبرع اختيارى لكافة العاملين بالوزارة، سواء بالديوان العام أو المديريات التعليمية أو المؤسسات التربوية التابعة لها، تحت إشراف إدارات الشئون المالية بالوزارة والمديريات التعليمية، ويكون التبرع بالموافقة على التبرع بأجر يوم من الراتب، دون جمع أموال نقدية مباشرة، وتقوم الوزارة والمديريات والجهات التابعة بالسداد مباشرة لحساب وزارة المالية لدى البنك المركزى رقم 25/1/2011.

وأكد، أن الحملة تأتى انطلاقاً من المسئولية القومية لوزارة التربية والتعليم، وتفعيلاً لدورها الوطنى فى دعم الرؤى الإصلاحية للمجتمع المصرى بما يحقق الصالح العام، واستجابة لما تم عرضه من العاملين بديوان عام الوزارة والمديريات التعليمية والعاملين بالمؤسسات التربوية التابعة للوزارة، والذين مثلوا القوة الدافعة للتطور على مر العصور فى شتى المجالات.

المصدر هناااااااااااااااااااااااااااااااااااااااااااااااا اااااااااااااااااااااااا

[مدرس وخلاص]

معكم فى التبرع ولكن هل يعقل من يتبرع هو من يأخذ راتبه لا يكفية طوال شهرة وهناك من يأخذ الملايين اين الحد الأقصى لو سألنا أنفسنا لماذا لم يطبق ألم يكن هذا كفيل بما نجمعة الأن ؟؟ راتب المستشارين والقضاة وكل هؤلاء والكهرباء والبترول وغيرها عفوااااااا لن ادعم هذة المبادرة فهناك من يأكلون حقوقنا ولكنى معكم براتبى كلة عندما أشعر ان لاأحد يتعدى على حقى أين الحكومة من كل هذا ؟؟

[mostafa_basha]

ونتبرع لية اذا كان فلوسنا هتروح للحرامية هو احنا دايما اللى نتبهدل ونشيل الشيلة وناس ياخدوا بالملايين اسف مش هتبرع بحاجة انا اولى بفلوسى انا اديها لواحد غلبان او مسكين احسن م اديها لناس مش عارف الفلوس دى هتروح فين وبعدين المعونة دى عمرنا م استفدنا بيها يبقى كانها لم تكن والحكومة لو مش قادرة تشيل شيلة البلد تسيبها للى يقدروا

[adam hrb]

يا جماعه احنا مش عايزين نقلبها سياسه وعايزين فعلا نقتنع ان مصر حبيبتنا في ازمه احنا عايزين نبعد عن المعونه اللعينه وبعدين ليه عندنا صفة الاخذ وليس لدينا صفة العطاء اناشدكم علشان امنا وحببتنا مصر ليها علينا حق من غير اي كلام وبعدين عايزين نخلي للمعلم دور لكل ازمه تكون فيها مصرنا الحببيبه ,دورمشرف يفخر بيه كل معلم ,ونبعد شويه عن مشاكل المعلم اللي مش بتخلص
حفظكي الله يا حببتي يا مصر

[mostafa_basha]

دلوقتى خلى للمعلم دور من امتى والمعلم الحكومات كلها بتحتقرة اول موظف بيروح للشغل 7 ونص والباقى بشوات بيروحوا براحتهم وبيدونا مرتبات غير ادمية ماتكفيش طقم لبسويدوا لمستشاين واللى فى البنوك والضرايب فلوس بالكوم ولا حد بيعبرنا ولما يفهعلوا ازمات مع امريكا وصراعات سياسية علشان دور البطولة وفى الاخر احنا اللى نشيل الليلة اسف فلوسى انا اولى بيها ولما احب اساعد بلدى اديها لحد محتاجها مش ادفعها علشان تروح لجيوب الحرامية

[دينا و محمد]

انا موافقه على المبادره ولكن لشهر واحد

[sherenkishk]

نتبرع لمين للمجلس العسكرى ولا لشوية الحرامية اللى فى البلد.............مصر مش محتاجة معونة أمريكية كانت بتتوزع فلوسها على الكبار اللى ماسكين البلد مصر محتاجة انها تدار صح لأن فيها خير كتير لكن للاسف بيتسرق زى المعونة المصرية ماحتتسرق..............