لو كنت وزير تعليم ..ايه اهم قراراتك؟؟

[روتي حبي]

انا شايفه ان كل واحد فينا له امال معينه من ناحية الوظيفه و العمليه التعليميه
و اكيد كل واحد له رؤيه خاصه عن العمليه التعليميه
عاوزين نعرف كل واحد فينا لو كان وزير تعليم ايه هيا اهم قراراته؟؟

[روتي حبي]

هبدا انا
اولا / ليه الطلبه بيكرهوا المدرسه و خصوصا طلاب الثانويه العامه اللي مبيرحوش علشان مفيش اعمال سنه ؟و ايه اللي بيحببهم في الدروس الخصوصيه غير اهتمام المدرس الخصوصي بالماده؟؟
الاجابه
1- الروتين اللي في المدارس و نظام اليوم الكامل الاجباري اللي نصه حصص تافهه بالنسبه للطالب .و مدرسين غايبين طبعا حصص المجالات مش تافهه بس الطالب في المرحله دي بيكون عملي اكتر و محتاج لدراسة المواد الاساسيه علشان يجمع درجات و كل المجالات حصتين و بين كل حصه و التانيه خمس دقايق طبعا وقت كتير بيضيع اذن وقت اليوم الدراسي عاوز اعادة هيكله ايه الحل ؟؟
المواد الاساسيه تكون مدة الحصه ساعه و اليوم الدراسي كله يبقي 4 ساعات بس ويتقسم المواد الاساسيه علي مدار الاسبوع و حضور حصص المجالات يكون اختياري للطلبه
2- الاهتمام بالمدرس من ناحية رفع الاجور ورفع معنوياته وتامين حياه كريمه له و لاسرته
و بعد كده تجريم الدروس
3-بالنسبه للعماله المؤقته ثبيت جميع المؤقتين حاليا و بدأ صفحه جديده في طريقة اختيار المعلمين بعد كده
وتتم عن طريق سنة التخرج و بعدين السن و تتلغي العقود ويكون تثبيت علطول لان التعليم مفسدش غير بعد موضوع العقود دي و بسببها انتشرت الدروس الخصوصيه علشان المعلمين يحسنوا احوالهم الماليه
و يقولك تعاقد لسد العجز و ينتهي العقد بانتهاء الدراسه طيب و السنه اللي بعدها مين هيسد العجز ؟؟ اكيد تعاقد تاني و يا ريت يبطلوا امور اللف و الدوران و الاجراءات الخايبه اللي بيخترعوها علشان يعزبوا الناس و يهلكوا صحتهم و فلوسهم و فلوس البلد في امتحانات كادر و غيره
طبعا اللي كتبته من وجهة نظري و جزء من منظومة العمليه التعليميه

[biba200577]

والله ياروتى انت لمست نقاط هامة جدا فى التعليم فى مصر وياريت تضيفى عليها بأة تعديل عقود المعلمين المساعدين حسب تخصصاتهم ومراحلهم الفعلية مش نبدأ حياتنا واحنا بنشتغل فى مجال احنا لادرسناه ولا حبناه طيب بالله عليكم ازاى هنشتغل بضمير ونعطى بإخلاص يعنى عليه العوض فى أربع سنين قضيناها فى كليات التربية وطلع عنينا فيهم وحصلنا فيها على تقديرات جيد جدا وامتياز وفى الأخر يعينوا ناس مكان ناس والله قمة الظلم وده برضه بسبب الروتين العقيم وكل واحد عاوز أمر من اللى فوقه واللى فوقه عاوز أمر من اللى فوقه ..........زززوهكذا ندور فى حلقة مغلقة
اللهم ولى أمورنا من يصلح وأفرغ علينا صبرا
وشكرا لكى روتى أدينا فضفضنا شوية ونفسنا عن الكبت اللى احنا فيه

[m_salam]

هادخل فى 100 لجنه واكتب اسمى فى كل كشوف الماليه واهبش اللى اقدر عليه وهبتسم للمعلمين واسكنهم فى درجات الكادر فى الترب واربى شنبى

[saracat92]

عوده التكليف لخريجى كليات التربيه

[فداك يارسول الله]

التكليف

الحد الادنى 1500

[محمد حسين الشربينى]

تغيير المناهــــج

[حاتم تاج الدين]

هلف علي المدراس واعمل شغل في الاعلام واتصيد الاخطاء وهبش شوية ملايين واجري اقابل اي زائر في المطار