اكذب ثم اكذب حتى يصدقك الناس

[روميو]

الناس بتحب اللي يكذب عليها وتصدقه ويبقى عندها حاجة كبيرة ومثل
أعلى وقول زي ما تقول من صفات جميلة .
لكن اللي يصارحك بحقيقتك زي ما هي بدون اي رتوش ده يبقى
انسان سليط اللسان وبيكرهك ويحقد عليك وليه اغراض تانيه
وزي ما تقول قول من صفات زي الزفت .
فيه ناس ما تحب تسمع الا الكلمة اللي ترضي غرورها واوهامها
حتى لو متأكدة انها مش هي الحقيقة لكن بتضحك على نفسها
وناس عايزة تسمع الحقيقة لكن باسلوب شيك وجنتلمان وومن
طيب عايز حد يفهمني , نحل المعادلة دي ازاي يا اخوانا ؟
ماهو يا نتوكل على ربنا ونقول اللي يخلص ضميرنا من ربنا وطظ في
الكلام اللي ممكن نسمعه بسبب صراحتنا
يا نسكت ونتنيل على عنينا وبلاش نزعل الناس , لكن بكده نبقى والعياذ بالله
" شيطان أخرس " !
كده بقى جنان ومروستان رسمي يعني نموت نفسنا عشان نريح ونستريح !
وعنوان المقال بتاعنا " اكذب ثم اكذب حتى يصدقك الناس " ده كلمة مشهورة
لوزير الدعاية في العهد الناس " جوبلز " يعني مش اختراع ولا حاجة ولا حكمة
سمعناها وبنرددها والسلام , الالمان ايام هتلر عرفوا ان اسلم طريقة لكسب
تأييد الشعب الالماني وارهاب الاعداء بسلاح واحد وهو الكذب , لكن نهايتهم
كانت سودة والكل عرف بلاويهم .
وفي العالم العربي نعشق اللي يكدب علينا , والامثلة حاضرة وعمرها ما تموت
هزايم ونقلبها انتصارات وافراح وليالي ملاح , اعتقالات ومصادرات وحكم مؤبد
ونقول ديمقراطية والصحف تهلل وتطبل على الخيبة اللي احنا فيها !
مطربين نص كم وبيطلقوا عليهم القاب تودي اللومان ونجوم كورة ولا يساووا حاجة
في سوق الاحتراف وكل يوم خناقة عليهم من الاندية وباسعار تأكل اسر غلابة
وناس يا دوب لسه بتتعلم ازاي تمسك القلم وقلنا فيهم قصايد شعر عن ابداعهم
وفكرهم اللي ولا جه ولا هييجي زيه في القرون اللي جايه !
يقولونا على البيطخ عنب ونصدق , بكرة احلى من النهاردة ونصدق , احنا احسن من غيرنا
ونصدق , كنا فين وبقينا فين ونصدق , احنا الصح والتانيين غلط ونصدق ..
حاجة تغيظ

[عاشقـــ الانمى ـــة]

عندك حق الكدب ماشى مكان الصدق اليومين دول