دعوه لتحويل عقود المكافاه الشامله 115 جنيه الى عقود مميزه

[العبد الفقير الى الله]

يا جماعه هل يعقل ان يكون راتب المدرس بعقد المكافاه الشامله 115 جنيه او اكثر قليلا
على حسب كل محافظه

ارجو فى هذا الموضوع من جميع اصحاب هذه العقود الاتحاد حتى نتحول الى عقود مميزه
وذلك من خلال توصيل اصواتنا الى الوزير والنقابات التعليميه التى لا تهتم بنا على الاطلاق

وتوصيل اصواتنا الى نواب الامه فارجو الاتحاد

115 جنيه!!!!!!!!!!!حرام

[fayoumy2020]

يا ريت واي حد يجمعنا علي ملتقي واحد علي الفيس بوك ويعرفنا بنفسه ومحافظته عشان نعرف هنعمل ايه ؟

[Amr 82]

اى حد معاه تربوى والرخصة الدولية لقيادة الكمبيوتر المفروض يدخل امتحان الكادر على طول

[مصطفى العبادى]

لا يوجد جديد حتى الان

[e emy]

المشاركة الأصلية كتبت بواسطة amr 82

اى حد معاه تربوى والرخصة الدولية لقيادة الكمبيوتر المفروض يدخل امتحان الكادر على طول

ازاى هما قايلين المعلم المساعد الى قبل 31/10/2009 هو دة الى هيدخل كادر شهر 2
انا معلم مساعد من 1/7/2011
وتربية ومعايا اى سى دى ال هينفع ادخل امتحان كادر شهر 2 ؟؟ وهما قايلين لازم يعدى سنة ع الاقل عليا وانا معلم مساعد؟؟
ارجو التوضيح

[محمد سلامة فهمى محمد]

سلام عليكم والله حرام اكبر حرام الوزبر جاب سيرنتا فى اى حاجة اساسا لازم نقف معا بعض لازم نطالب بالتثبيت ممكن او عقود مميزة حاجة محترمة ومافيش اى امتحانات فى الاكاديمية زى ماالوزير قال وبيقوله الرخصة الدولية اتلغت والوزبر يقول اللى معاه تربوى ورخصة دولية ومش حقيقى الكلام ده الوزير يجب ان ينظر الينا ولازم نقف معا بعض ........

[هشام جيل]

ادارة جروب المعلمين المنقطعين بالشرقيه
رسالة لكل معلم متعاقد 110 جنيه وعائد من التظلمات
شارك في الإعتصام والوقفة الإحتجاجية يوم الأحد 22 يناير 2012 م الساعة 9 صباحا أمام مديرية التربية والتعليم بالزقازيق
لماذا ستشارك ولن تكون سلبيا وتنتظر في المنزل أن يأتي إليك التثبيت أو العقد المميز ؟
أنا سأشارك للأسباب الآتية :
> أستاذي الفاضل يقولون عنك في المديرية والإدارة بأنك عائد من التظلمات فهل رفعوا الظلم
عنك حتى الآن
> أستاذي الفاضل كنت تعمل منذ عشر سنوات أو أكثر أو أقل بمرتب 110 جنيه فهل تقبل أن
تعمل به الآن؟
>أستاذي الفاضل الدولة تستطيع وبكل سهولة تدبير موارد لتحويل العقد إلى مميز أو تثبيت؟
> أستاذي الفاضل الدولة والحكومة والوزير والمجلس العسكري لا يعلمون عنا شيئا حتى الآن ؟
> أستاذي الفاضل المحافظ ووكيل الوزارة قالوها لنا صريحة ليس لكم تثبيت أو مرتب أكثر
من 110 جنيه واحمدوا ربنا إنكم رجعتم الشغل
> أستاذي الفاضل لقد تركت عملك وعدت لتأخذ حقك كاملا وأنت الآن ليس لك مصدر دخل آخر
فهل ستصبر ثلاث سنوات حتى تثبت أو يتحول عقدك إلى مميز ؟
> أستاذي الفاضل المحافظ قام بزيادة حوافز الإداريين إلى 250% ورفض زيادة راتب
العقد 110 جنيه بحجة عدم وجود موارد
أنا سأشارك لأني أريد الحصول على حقي كاملا لقد ظلمت قبل ذلك ولن أقبل بأقل من حقي كاملا

شارك معنا يوم الأحد 22 يناير 2012 ولا تكن سلبيا ولا تجلس في المنزل وتقول من سيذهب يكفي لن يسمع صوتنا ولن يصل للمسؤولين إلا بإتحادنا جميعا

[راهب الصمت]

جروب معلمون ثائرون على الفيس بوك

[omda22100]

انا اضحك عليا يارجاله انا الشيك اللى جالى 114 و نص فين النص جنية التانى و لازم نعمل وققة احتجاجية فى الغربية

[القلوب النيره]

وايه اخر اخبار مدرسى الحصة بالدقهليه

[mahmoudelgamily]

ادينا مستنين الفرج

[مصطفى العبادى]

المشاركة الأصلية كتبت بواسطة mahmoudelgamily

ادينا مستنين الفرج

ان شاء الله الفرج قريب بس الناس تتحرك ولا يضيع حق وراءه مطالب

[wash2004]

أنا شغال من شهر 10 في قنا على المكافأة الشاملة ومش باخد أي مرتب ومش عارف مرتبي كام ناس تقول 200جنيه و10 قروش تخيلوا وعشر قروش والموجه بتاعي يقولي لأ انت مرتبك 243 جنية و60 قرش يعني لازم يكون فيه كسور أما 10 أو 60 قرش . وسمعت عن عقود جاية للمكافأة الشاملة مش عارف مميزة يعني تبدأ من 317 إلى 600 جنيه أو عقود عادية يعني ب 243 جنيه و60 قرش
أرجو الإفادة وأنا معاكم في أي مظاهرة

[e emy]

ياجماعة العقد العادى ب 420ج
ومعتش فى عقود مميزة اتلغت
بقا العقد العادى يكمل 3 سنين يتثت على معلم مساعد كانه عقد مميز بس تثبيت مش تعاقد
واالتثبيت على معلم مساعد او عقد مميز ب 580ج

[العبد الفقير الى الله]

يا جماعه كل محافظه ولها مرتب خاص بها وذلك لانها عقود المكافاه الشامله
لاتاخذ من وزاره الماليه وانما تاخذ من ميزانيه المحافظه وذلك على حد علمى والله اعلم
فمثلا فى محافظه الغربيه قيمه عقد المكافاه الشامله 115 جنيه