اعتصام المعلمين المتعاقدين بالشرقية

[RRRRREEE]

بيان هام من اداره جروب معلمين التعاقد فى محافظه الشرقيه
نظرا لعدم الاعتراف بنا نحن المعلمون المتعاقدون فى محافظه الشرقيه واهمال مطالبنا وحقوقنا فقد قررنا الاعتصام وعمل وقفة احتجاجية يوم 2012/1/22 امام مديرية التربية والتعليم بالزقازيق وامام مبنى محافظة الشرقية بالزقازيق ولن يتم فض اعتصامنا حتى ننال مطالبنا المشروعة فنرجوا المساندة حتى ننال مطالبنا

اولا:- لم نتسلم اى راتب شهرى منذ 2011/10/1 حتى الان
ثانيا:- تغيير الراتب الذى لا يكفى لكى نأكل عيش فقط وهو 110 جنية فقط لا غير
ثالثا :_ التثبيت

[samruosf]

معا حتى النهاية

[عادل حارو]

ياراجل حرام عليك عملنا ثماني سنوات بالعقد حتى تم تعييننا وأنتم لم تكملو 8 أسابيع وتطالبون بالتثبيت !!!!!!!!

[ا/عبد الفتاح شبانة]

ربنا ينتقم من المحافظ عزازى وانتم عارفين ليه ...............................14سنة زل ومهانة وعمل بالحصة والعقد بكافة انواعة وساوى بيننا وبين الى اشتغل اول امبارح

[هشام جيل]

ياريت نبطل نحقد على بعض 110 امبارح غير النهارده غير بكره...وكمان لسه مطلعش اي قرار بالتثبيت ولا حتى زيادة جنيه واحد لهذا الراتب المخجل اللي مايكفي حتى المواصلات ... كمان انت لما اتعينت اتعينت بملغ وقدره .............. غيرك يوم ماتعين اتعين ب300 بس
تعرف ان في ناس معاها ماجستير ولسه بالعقد ... رحمة ربنا واسعه ياخي ليه تضيقها وكأن المرتب هيطلع من جيبك ....
انت نفسك بتعترف انه ذل وما كنتش راضيه على نفسك ودلوقتي ترضاه لغيرك .... 110 دلوقتي اذاكان واحد جنب المدرسه ماتكفيش عيش وطعميه فمابالك بأسره كامله والتزامات ... فمابالك باللي بيركب مواصلتين وتلاته
كان نفسنا تقفوا جنبنا ومعانا لأنكم حسيتوا بالظلم زينا لكن احنا معانا ربنا ...
حسبي الله ونعم الوكيل

[metro55]

ماشى تتظبط مرتباتكو لعقد مميز وبعدين تفضلو كزى سنه بعدين تتثبتو لكن تثبيتكو محتاج ميزانيه كبيره جدا والبلد مفيهاش فلوس

[metro55]

وبعدين الى بجد يحرق الدم ان حتى الى رجعو فى التظلمات دبلومات راجعين معلم مساعد وواخدين مسمى وظيفى زى المؤهل العالى

[ا/عبد الفتاح شبانة]

الاستاذالمحترم هشام انا لااحقد عليك ولكن مظاهرة علشان التثبيت حرام دقنا الظلم ونشعر بكم لكن هناك اصول فرض علينا الرخصة الدولية وامتحان انجليزى ضمن امتحانات الكادر لو هيعملوكم بالمثل هتذوك الظلم الى احنا ذقنا لو هتقعد بالخمس شهور من غير قبض وكان البلد فيها فلوس مش زى دلوقت
وانا اسف ياسيدى

[metro55]

كلامك صح ياستاذ عبدالفتاح

[هشام جيل]

و مين قال ان حد قبض في إدارة غرب من 3 شهور ... هو العقد اعتمد أصلا يعني ممكن أي حد يقولنا مع السلام في أي وقت ومش كلنا دبلوم أنا خريج تربيه أساسي من 7 سنوات ومعايا دراسات عليا ومأخدناش ولا مليم من ساعة ماشتغلنا . وبنشتغل نفس شغلكم ويمكن أكتر لو واحد معندوش دخل تاني قولي حيعيش إزاي .... ؟؟؟؟؟؟؟؟؟ يعني شغالين ببلاش و في ناس سابت أشغلها بمرتبات أحسن في التعليم الخاص في ناس كانت في الخارج وسابتها عشان التظلمات وغيره...

[samir said]

سبحان الله ،، الأخ اللي مش عاجبه كلام صاحب الموضوع ؟؟؟

أنا اشتغلت اربع سنوات بالحصة وانت عارف طبعا اربع سنين الراتب بالشهر كام 40 جنيه ،

وانقطعت عن العمل اربع شهور بس من حقنا طبعا نطالب بالتثبيت أو عقد مميز لأن 110 هيعملوا ايه في الزمن ده ؟؟؟؟

[ويني الدبدوب]

السلام عليكم يا جماعة لو سمحتو انا خريجة اداب انجليزي 2011 و من الزقازيق هو انا عايزة اعرف ازاي اشتغل بالحصة مش مشكله لكن مش عارفة اقدم ازاي و لا اروح فين ممكن حد يساعدني و الله يكون في عونا عل 110 جنيه

[عوف شاذلى]

واحد ياخد 110 واحد 1000مش حرام

[ahsamy]

ماشى تتظبط مرتباتكو لعقد مميز وبعدين تفضلو كزى سنه بعدين تتثبتو لكن تثبيتكو محتاج ميزانيه كبيره جدا والبلد مفيهاش فلوس



امال جاب فلويس الاداريين منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[رهوفه]

اولا :يا جماعة استهدوا بالله انتو اشتغلتوا ب110 احنا بقى اشتغلنا ب40 وتعبنا جدا علشان نوصل للتثبيت وعلى فكرة لو ما قامت الثورة لا كونا هنتعين ولا انتم هتشتغلوا اصلا لان الرئيس المخلوع كان بيقول ما فى تثبيت البلد كلها هتشتغل تعاقد فياريت نقرأ الفاتحة لشهداء الثورة
ثانيا :بتمنى من الله انكم تتعينوا انتم كمان وما تتعبوا تعبنا ويطبق الحد الادنى للاجور علشان ما فى حد يزعل
وياريت كل واحد فينا يدعى لمصر تمر من الفترة دى على خير ويصلح حالنا جميعا