|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
||||
|
||||
![]()
مصراوي- كتب: هاني السيد- تنوعت الأخبار التي قام زوار مصراوي بالتعليق عليها خلال الأسبوع الماضي، لكن حصلت الأخبار المتعلقة بأزمة حارس مرمي النادي الأهلي ومنتخب مصر عصام الحضري علي نصيب الأسد من هذه التعليقات، نظرا للمفاجأة التي فجرها اللاعب بالسفر دون أذن ناديه ولأهمية الحضري بالنسبة للكرة المصرية.
كما لاقت التعليقات المتعلقة بالرسوم المسيئة نصيبا كبيرا من التعليقات، وكذلك حادث استشهاد فتاة مصرية برصاص اسرائيلي علي الحدود، ناهيك عن الأخبار الأخري في مجالات متنوعة ما بين فنية وسياسية واجتماعية. وتنوعت التعليقات علي خبر بعنوان"أول أغسطس..لوحات جديدة للسيارات لا يمكن تزويرها وإلغاء إسم المحافظة"، لكن معظمها أجمع علي أهمية النظر أولا إلي مشكلات المرور واعتبرت الاهتمام بموضوع اللوحات قضية فرعية. من أبرز التعليقات تعليق ل"الخديوي" قال فيه:"نضع نظام جديد لتنظيم وسيولة المرور اولا بعدين نعمل نظام جديد للوحات السيارات". وشاركه في الرأي معلقون أخرون. واقترح معلق أخر أطلق علي نفسه اسم دكتور طارق الرشيدي وأدعي أنه مشرف بموقع مصراوي"ان المرور يعمل مزاد علي النمر الصغيرة وحصيلتها تستخدم في تطوير وتحسين الخدمة المرورية لرفع العباء عن الموازنة العامة للدولة". الاساءة للرسول الكريم لاقت اعادة نشر الرسوم المسيئة للنبي محمد صلي الله عليه وسلم ردود فعل غاضبة في العالم، وبطبيعة الحال تلقي موقع مصراوي تعليقات كثيرة علي الأخبار المتعلقة بالأزمة. نشر موقع مصراوي خبرا بعنوان "بسبب الاساءة للرسول الكريم: مصر ترفض اللعب مع الدنمارك وديا" وقد حصل علي الكثير من التعليقات. وبعنوان " ليس غريبا علينا" كتب د. عزت عليوة يقول:"لم يكن غريبا على الكابتن ربيع صاحب الخلق العالى وحتى لوبدون الكابتن ربيع المصريين شعب مؤمن وهذا أقل ماينبغى لكن هذا وسعنا وربنا يوفقنا جميعا وينتقم من شاتمى النبى صلى الله عليه وسلم". وقال" المعلم" في تعليق أخر بعنوان "رأي":"يا جماعة الخير أنا من أكتوبر سنة 2000 و أنا مقاطع البضائع الأمريكية، يعني بقالي سبع سنين و بالتالي مقاطعة البضائع الدنماركية بالنسبة لي شيء سهل جدا، مش عارفايه الصعوبة في مقاطعة البضائع الدنماركية و الاستمرار في ذلك لفترة طويلة. همه أصلا كل منتجاتهم يا اما منتجات البان و جبن و زبدة - و ده طبعا ليه مليون بديل - يا اما أدوية، مش عارف ايه الصعوبة يعني فيالمقاطعة. همه خسروا كتير قوي المرة اللي فاتت، بس المرة دي كل جرائدهم - وفي قول آخر 17 جريدة بس - نشرت الرسوم، يعني بيتحدونا و بيقولولنا هنقف ضدكم وقفة رجل واحد. لازم نرد عليهم و نقاطعهممقاطعة اقوى و أطول من المرة اللي فاتت و الموضوع مش محتاج تشنج مننا علشان ما نديهومشي أكبر من حجمهم، ايه الدنمارك ديه أصلا ... انتوا لو شفتوا الملكة بتاعتهم اللي كانت بتشتم المسلمين حتى قبل نشر الرسوم. الموضوع سهل و بسيط ان شاء الله و ياريت المتشائمين يسكتوا عننا شوية. ده أقل حاجة نقدر نعملها دفاعا عن الرسول صلى الله عليه و سلم، و حتى لو مجبشي نتيجة معاهم هنبقى على الأقل عملنا اللي علينا قدام ربنا، والله أعلم طبعا". أزمة عصام الحضري اختلفت الأراء ما بين مؤيد ومعارض لموقف عصام الحضري من السفر إلي سويسرا والتعاقد مع سيون دون موافقة ناديه ثم عودته بعد ذلك. والطريف أن كثير من المعلقين من مشجعي نادي الزمالك عبروا عن حبهم لعصام الحضري وأسفهم علي ما فعل. كتبت سوزان تقول:"انا كل اللى مزعلنى فى كابتن عصام الحضرى المبلغ اللى عرضه النادى السويسرى لايليق بقيمة وتاريخ احسن حارس بافريقياوعراقة ناديه القلعة الحمراءبصراحة المفروض الحضرى يروح برشلونه مشسويسراوالمفروض كمان يطلب اللى هو عوزه ويضع قدم على قدم ده احد احفاد الفراعنة اللى روضوه الاسود وقطعوا زلومة الافيال على ايد المعلم حسن شحاته لكن ربنا يوفقه الحضرى ولازم برضه ياخد فرصته فى الاحتراف". بينما كتب اسامة حسام معاتبا القراء:"عصام الحضري احد ابناء مصر المخلصين واحد جنودها داخل الملعب الذين احرزوا لها عدة بطولات وبلاش الكلام الفاضي اللي انتوا عمالين تقولوه ده واحترافه خارج مصر اكيد هيكون فيه فايدة كبيرة وربنا يوفقه وانا متهيألي ان فيه حاجات احنا مش عارفينها فالصبر جميل ياجماعة وماحدش يغلط في الراجل". وذكر أنه "زملكاوي بيحبك ياحضري.. وارقص ياحضري". ورأت هبة عادل أن الحضري " هو الخسران" وكتبت تقول:"اولا عصام الحضرى له تاريخ كبير وانجازات رائعه بس ده مايغفرلوش الى عمله هرب من النادى الى عمله اسم بس هو الانسان كده بطبعه الطمع بس مشاى انسان طبعا الانسان الضعيف ده حتى والده مايعرفش الى حصل يعنى كمان مالوش خير فى اهله وكنت بترقص ياحضرى لما بتكسب الاهلى ومصر بس طلع كل ده كدب وماكنتش فرحه حقيقيه وعلى فكره انت الخسران كفايه ان اتقال عليك فى بلدك انك هارب وهتفضل هارب على طول". ورحب العديد من المعلقين بعودة الحضري: جهاد سعد عبر عن مشاعره قائلا"وحشتنا يااااحضرى" وكتب يقول:" الكام يوم اللى غبتهم عن مصر كانت مصر مضلمة". وقدمت سوما تهنئتها بعودته وقالت:"حمدالله على السلامة ياحضرى ونتمنى بقاءك فى الاهلى وزوال الغمه عن قريب واتمنى من الشعب المصرى وجمهور الاهلى انه يحتضن الحضرى ويسامحه ومننساش كل الحاجات اللى قدمها ". ودافع البعض عنه أيضا: ايهاب صلاح كتب في رده علي تعليق تضمن هجوما علي الحضري:"انا كمان انتقدت موضوع هروب الحضرى وانه قدم تنازلات ... لكن مش من حققك ولا من حق اى انسان فى الدنيا انه يحاسب الحضرى او يحاسب مراته على انها كانت خالعه الحجاب ... ربنا الى بيحاسبنا كلنا ... وبيحاسب الحضرى ..". وشاركهم في الترحيب بعودته حسام الدين:"بالرغم انى كنت ضد قرارك بالسفر الى سويسرا الا انك اثبت للكل باعتذارك لناديك وجماهيرك انك اصيل ابن اصيل وكبير ابن كبير وعاشق لناديك وجماهيره 0 فانت لم تتنكر لناديك وجماهيرك فى الغربة بل بالعكس كنت تردد دائما انتمائك الاول والاخير الى مصر وناديك الاهلى0 كل هذا يشفع لك عندنا وكلنا نخطا فى حياتنا0 لقد كبرت اكثر فى نظرى يابطل وباقولك انت احسن من انجبت مصرنا لحبيبة فى تاريخ حراس مرماها. لكن أخرين لم يرحبوا بهذه العودة.."شيمو" كتبت تقول:"مع انى احب اشوفك فى بلدك ووسط محبيك ياحضرى الا ان رجعوك وتصريحاتك ديه هى اللى غيرت راى فيك وعلى اد مكنت متعاطف معاك ويمكن حبى وتعاطفى ليك زاد بعد الى عمله الاهلى معاك الاانك نزلت من نظرى بكلامك لما قولت انك مش هاتسيب الاهلى ومش هاتسافر الا برضاهم طب سافرت ليه من الاول يافالح ولامكنتش عامل حسابك انك هاترجع". فيدو ديدو عبر عن حيرته:"صراحة انا مش عارف اقولك حمد لله على سلامتك ولا اقولك جيت ليه"؟. استشهاد فتاة مصرية عبر غالبية زوار مصراوي من المعلقين عن غضبهم ازاء وفاة فتاة مصرية برصاص اسرائيلي علي الحدود المصرية، وقالوا إنها ليست المرة الأولي ولا الأخيرة لأنها من نظرهم أصبحت أمرا اعتياديا نظرا لضعف الموقف المصري تجاه اسرائيل. "منوفي روش" قال:"دول بيحترموش عدواا ضعيف واحنا العدو الضعيف والضعيف هوا من لة حق ولايصر على حقة واحنا لينا عندهم الف حق وحق وما كنا بامة ضعيفة بل كنا خير امة اخرجت للناس سيقولون ها نحن ابناء عم سيقولون جأناك كى تحقن الدم كن يا امير الحكم قل لهم انهم لم يراعو العمومة فى من هللك واغرس السيف فى جبهة الصحراء الى ان تجيب عليك الجماجم والجثث كيف تخطو على جثة شهيد وكيف تصير المليك على من حكموك كيف تنظر فى عينيى امرأة انت تعرف انك لاتستطيع حمايتها ...كيف تنظر فى عينيى امراة انت تعرف انك لاتستطيع حمايتهاولو كان لحبات الرمال فى سيناء ان تتكلم لما استطعت انت ان تستمع ربنا يرحمها ويرحم كل من سقط على رمل سيناء". وعبر جابر عن رأي مختلف في كلمات قليلة:"يا جماعه انتم موشفهمين الاسرائليين كانوا بيحتفول بوصول الغاز المصرى الى اسرائيل فاثناء الاحتفال رصاصة اختارة فتاه مصرية ليه عشان الغاز مصرى ابن مصرى". وكتب محمد في تعليق بعنوان"مش دى مصر اللى نعرفها":"مش دى مصر اللى نعرفها . مصر بلد الكرامة والعزة . لقد كسرت شوكة مصر .والسؤال الى متى سوف نقف مكتوفين الايدى . تخيل لو أختك حصل لها ما حصل . هل سوف تكتب تعليق ام ماذا سوف تفعل ؟؟؟؟؟؟؟؟؟؟؟؟؟؟؟؟؟...". وعبر ابراهيم عن مشاعر الغضب بداخله لكن بطريقة ساخرة:"بيان من الخارجية المصرية: نرفض بشدة ونشجب وندين الحادث الأليم ولن نتكلم الا بعد انتهاء فريق التحقيق من عمله. وطبعا عمره ما هينتهي من عمله وضاعت البنت علي كدا". ولم يخف فضل التعبير عن أحزانه العميقة بكلمات بليغة:" يا فتاة مصرية معذرة ومثلي ليس يعتذر,مالي يد في ما جرى فالامر ما امروا. لو ان ارباب الحمى حجر, لحملت فأسا دونها القدر لكن حكامنا اصناما بشر . الغدر منهم خاءف حذر والمكر يشكو الضعف ان مكروا". |
#2
|
||||
|
||||
![]()
شكرا يا لغالى...
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ ![]() |
#3
|
||||
|
||||
![]()
الموضوع دة ...... مع احترامي لحضرتك .... فائدته ايه ؟؟؟؟
جزاك الله خيرا |
#4
|
|||
|
|||
![]()
الموضوع دة طويل جدا ........
وبصراحه معتقدش ان حد هيقراه .. نصيحه منى اكتب مواضيع مفيدة وقصيره ((فخير الكلام ما قل ودل))
__________________
سبحان الله و بحمده .. سبحان الله العظيم
|
العلامات المرجعية |
|
|