سؤال لمدرسى الرياضيات

[haethem]

فى السؤال بتاع ارسم المنحنى التكرارى

لازم اعمل الجدول

المجموعه - التكرار - مركز المجموعه - النقطة

ولا ارسم على طول

وهل كدا الطالب هينقص فى الدرجه ولا لا ؟؟

[said_e80]

كيف يرسم التلميذبدون ايجاد مراكز للمجموعات اذا لابد من عمل الجدول ويستحسن كذلك المجموعات ثم مركز المجموعة ثم التكرار ثم الزوج المرتب الذى سيقوم التلميذ بأخذ البيانات منه ثم الرسم

[احمدصالح2010]

اعتقد لا ينقص

[صابر عبد النبى]

أخى الفاضل لابد من أيجاد مركز المجموعة وذلك لعمل زوج مرتب الذى يتم تمثيله على المحورين السينى والصادى وغير ذلك فالتمثيل غير صحيح ...... ولك تحياتى

[صابر عبد النبى]

مششششششششششششششششكككككككور

[spidermane23]

مش لازم تجيب مركز المجموعة و لو مجبتهاش مش هتنقص
لآن ممكن رسم المنحني التكراري عن طريق رسم الاعمدة البيانية ثم اخذ نقطة في منتصف كل عمود و ديه تعتبر مركز المجموعة

[haethem]

كل الطلاب بتعرف ترسمه من غير ما تجيب مركز المجموعه ولا النقطة

بس انا خايف ينقصوا فى الامتحان ودول شهادة ؟؟

[maths city teacher]

جدول ايه بس دى حاجه تعقد العيال انا عن نفسى لا باطلب منهم جداول ولا اصلا عرفتها ليهم

[عثمان سلامه]

لابد من ايجاد مركز المجموعه , لان هى المسقط الاول للنقطة

[الأستاذ / المتبولى الشناوى]

ياجماعه بطلو ا تعقدوا العيال
إنت مش عايز الرسم صح وخلاص
بمركز من غير مركز المهم يرسم صح

[teacher_2]

المشاركة الأصلية كتبت بواسطة المتبولى الشناوى2011

ياجماعه بطلو ا تعقدوا العيال

إنت مش عايز الرسم صح وخلاص

بمركز من غير مركز المهم يرسم صح

يرسم صح ازاى الا من خلال مركز المجموعة ؟
المنحنى التكرارى لازم الرسم من خلال نقاط مركز المجموعة
مينفعش نرسم من بداية المجموعة فقط ويعتبر غلط بدون مركز المجموعة

[الاستاذ شريف]

المشاركة الأصلية كتبت بواسطة المتبولى الشناوى2011

ياجماعه بطلو ا تعقدوا العيال
إنت مش عايز الرسم صح وخلاص
بمركز من غير مركز المهم يرسم صح

انا قرأت كل الردود بس لفت نظرى ردك اخى الفاضل لانك مشرف قسم رياضيات
والمفروض ان كلام زى ده ميقولوش واحد زى حضرتك
انا عايز اعرف ايه العقدة فى انك تعمل جدول وتجيب مركز المجموعه ديه يعملها واحد فى رابعة ابتدائى
وبعدين ازاى ارسم صح من غير مركز المجموعه وانا باخد الزوج المرتب من مركز المجموعه والتكرار
يا جماعه الموضوع سهل وبسيط ومش محتاج تعقيد
الطالب يعمل الجدول وبعدين يرسم وده اللى بيقوله الكتاب وده راى الشخصى وانا مع اخى العزيز said_e80 عندما قال ويستحسن كذلك المجموعات ثم مركز المجموعة ثم التكرار ثم الزوج المرتب الذى سيقوم التلميذ بأخذ البيانات منه ثم الرسم اى تقديم خانة مركز المجموعه على خانة التكرار علشان تبقى اسهل بالنسبه للطالب فى ايجاد الزوج المرتب على طول بدل ما يعكس وجزاكم الله كل خير

[ابونور]

المشكلة في الوقت

[محمود جمال درويش]

ياجماعة السنة اللى فاتت طالبة مكنشى عندها ولا غلطة وجابت 97 من 100 ولم سألتها على الجدول قالت انها معملتهوش يعنى نقصت 3 درجات بسبب الجدول

[مستراحمدحمدى]

كل اراء زمايلى المدرسين تمام
خلاصة الكلام يمكن الرسم بجدول او بدون جدول
انا عن نفسى برسم بدون جدول
ولا ينقص التلميذ اى درجات
واحنا شغالين على كده واولادنا بيحصلوا على الدرجه النهائيه