|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
15-03-2008, 12:41 PM
|
||||
|
||||
مشكلتي هي ............ساعدوني
من غير مقدمات عارفين ايه مشكلتي مشكلتي اني مشيت علي مبادئي اللي عمري ما هتخلي عنها مشكلتي اني مسايرتش الناس ومشيت علي هواهم مشكلتي هي اني دلوقتي في تالته ثانوي علمي علوم ومأخدتش ولا درس في حياتي غير الاسبوع اللي فات ابتديت درس فيزياء هتقولولي ايه المشكله ؟ لا المشكله كبيره اوي المشكله اني تهت مش عارفه اعمل ايه متأخره في المنهج ومش عارفه هخلص مناهج امتي واراجع امتي مشكلتي الاحباط اللي صابني لما عرفت اني لوحدي اللي كده صدقوني بكلامي ده مش بحبط اللي عايزين يكملوا ثانويه من غير دروس لا بالعكس النجاح بيبقي ليه طعم تاني خالص بسسسسس اللي يستحمل الضغوط سواء عتاب او اي حاجه تاني انا جايبه 96.3 السنه اللي فاتت ونفسي ادخل صيدله او اسنان او علاج طبيعي ان شاء الله متستغربوش اوي هو ده فعلا هدفي بعيييييد مش كده ؟ لكن مادام ربنا معايا مش خايفه من اللي جاي طبعا دلوقتي كلكو بتسألوا انتو بأيدكوا ايه تعملوه صح ؟ بجد عايزاكوا توجهوني المفروض اخلص مناهج امتي واحل نماذج وامتحانات امتي مش عايزه حد يقوللي ليه كملتي علوم دي رغبتي وانا اللي هتحمل نتيجتها عايزه فعلا توجيه منكوا وخصوصا من اللي اكبر مني ساعدووووووووني بجددد مستنيه مساعدتكم يا اخواني في الله متفكرش قبل ما تكتب رد تقوللي فيه اعمل ايه اختكم في الله الزهراء
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#2
15-03-2008, 12:54 PM
|
||||
|
||||
|
اولا يا زهراء انتى مش بعيده عن هدفك ولا حاجه
متفكريش فى انك خدتى درس او لا فكرى فى الوقت اللى جاى انتى واخده احياء ولا كيمياء فى تالته؟ لو واخده احياء النماذج فيها مش ضرورى بس الكيمياء النماذج فيها مهمه و طبعا باقى المواد باستثناء الانجليزى بصى فى النماذج برده انتى تبدأى تراجعى كده واحده واحده باب باب و تحلى عليه من النماذج او من الكتاب اللى شغاله بيه لو متأخره فى العربى دلوقتى مش مشكله العشر ايام اللى قبل العربى كويسين اهم حاجه تكونى مظبطه النحو كويس ركزى على الفيزياء والاحياء او الكيمياء الانجليزى برده ظبطى الجرامر بس دلوقتى لو متأخره معاكى اقتصاد و احصاء؟ انا عن نفسى الاحصاء دخلت مذاكر قوانين و حالل سؤالين تلاته على كل قانون بس الاقتصاد اهتمى بيه شويه المستوى الرفيع هيفرق فى حالتك جدا لو ليه نص يوم زى حالتى ونا فى تالته ظبطيه دلوقتى انا اعرف حاب ليه كانو جايبين 94.5 و 95 فى تانيه و جابو فى تالته 99 و 99.5 و انتى مش اقل منهم و لحقو صيدله و رحنا كلنا صيدله بنى سويف حد ادنى بس مش مشكله سنه و حولنا كلنا يعنى مش صعب ولا حاجه اتكلى على الله بس و شدى حيلك و متوهميش نفسك ان مفيش امل و سيبك من النت شويه و ان شاء الله كله هيبقى خير
__________________
نفسى دنيتى تبقى واحده..نفسى مبقاش عايش فى دنيتين..انتو شايفين ايه الدنيا اللى تستاهل اكمل فيها؟؟ 
|
|
#3
15-03-2008, 01:00 PM
|
|||
|
|||
|
حبيبتى انتى جايبة مجموع حلو الحمد لله
فلازم تحفظى عليه ولازم تهدى والمنهج هيخلص هيخلص متخافيش........... بس بجد اهم حاجة لازم تعمليها دلوقتى انك مش تتوترى ابدااااااا ولا تحبطى ولا تحسى اى حاجة من دول وخليكى شجاعة وهتعدى هتعدى كلنا لها وادعى ربنا انه يساعدك على المزاكرة وان شاء الله ربنا مش هيسيبك ابداااااا (واذا سألك عبادى عنى فأنى قريب اجيب دعوة الداعى اذا دعانى) بجد ادعى ربنا بقلب صافى وباخلاص وان شاء الله محدش هيسعدك غيره
__________________
 laugh at the time when people wait ur tears
|
|
#4
15-03-2008, 01:26 PM
|
||||
|
||||
|
اقتباس:
إنتى كده جاوبتى على نفسك فى موضوعك
بدام معاكى ربنا خايفه من إيه شايله هم إيه بسم الله الرحمن الرحيم "و قل إعملوا فسير الله أعمالكم و المومنون".صدق الله العظيم ومن جد وجد ومن زرع حصد وإن ما شاء الله عليكى زرعتى الأرض خير مش معقول هتحصدى محصولك شوك توكلى على الله وإن شاء الله ربنا معاكى اللى إنتى فيه ده فتره لازم هتعدى عليكى وإن شاء الله هتتغلبى عليها بقراءه القرآن والصلاه والدعاء وإستمرى فى المذاكره لاتقل يارب عندي هم كبير .. ولكن قل: ياهم لي رب كبيــــــــــر
__________________
 Always remember two things Don’t' take any decision when you are Angry Don’t' make any promises when you are Happy
|
|
#5
15-03-2008, 06:58 PM
|
||||
|
||||
|
حبيبتى انا تقريبا زيك و مش باخد دروووووووووووس بس انا مخلصة المناهج كلها من كام شهر بس مش تقلقى خالص انا دلوقتى براجع عمالة اراجع فى المنهج هو هو
فانتى استمرى عادى بس زودى شوية المجهود و اعرفى انك قادرة تخلصى باقى المنهج فى كل المواد فى شهر صدقينى مش ببالغ بس انا مخلص ة العربى اللى هو يعتبر اكبر حاجة فى اول11 صدقينى شدى حيلك و مش تسمعى كلام حد خاصة فى الناس اللى بتحبط عشان مش بتخدى دروس بصى اقولك ع حاجة انا اساسا رافضة مبدا الدروس نهائى بس السنة دى مافيش مدرس احياء فى المدرسة او تقدرى تقولى انها مدرسة بتقول حاجات غلط عادى و مش اتحبطت خلصت المنهج فى 12 قبل الدروس اللى عندنا كلها و البنات لحد دلوقتى عمالين يحبطونى انهم مقربين يخلصو المنهج و انا سايباهم يتكلمو عادى بس دلوقتى هضطر اخد درس لان الاسئلة اللى انا مش عارفاها كتير فلازم درس عشان تتحل الاسئلة انا مش بقولك ع الحاجات اللى انا مخلصاها عشان تتعقدى بس احنا تقريبا زى بعض مش بناخد دروس و المجموع حلو و ع فكرة و الله انا مش بذاكر كتير يعنى انتى لو زودتى المذاكرة او بمعنى اخر زودتى التركيز هتخلصى و بسرعة كمان ........صدقينى مش تخافى من اى حاجة و فوضى امرك لله و ما تخافيش من اى حاجة معلش حبيبتى طولت عليكى بس ياريت اكون قدرت افيدك
|
|
#6
16-03-2008, 03:26 AM
|
||||
|
||||
|
ياروح قلبي متخفيش انا واحده باخد دروس في كل المواد ومكنتش بزاكر خالص يعني لو زاكرت يبقي قرأءه مش مزاكره ورغم ده كله عندي امل في ربنا كبيييييييييييييييييييييير اوي انت ماشاء الله ربنا يبارك لك مجموع السنه اللي فاتت كويس فشدي حيلك هانت خالص ان شاء الله ..... اختك في الله الزهراء .
__________________
التوقيع مخالف مشرف Policy
|
|
#7
16-03-2008, 06:45 AM
|
||||
|
||||
|
اقتباس:
متشكره لاهتمام حضرتك ومرور حضرتك اللي شجعني وان شاء الله هسيبني من النت خاااااااالص مش شويه لاني فعلا بضيع وقت كتير عليه ادعولي
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#8
16-03-2008, 06:47 AM
|
||||
|
||||
|
اقتباس:
واكيد طبعا بدعي ربنا دايما لكن محتاجه دعواكم انتو شكرا لاهتمامك يا ملك
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#9
16-03-2008, 06:49 AM
|
||||
|
||||
|
اقتباس:
يارب ان شاء الله تعدي الازمه دي علي خير والله بعمل كل اللي عليا والباقي علي ربنا اسفه بس الايه اللي حضرتك كاتبها ياريت تراجعها تاني عشان هي فيها كلمه ناقصه اسفه علي التعديل بس ده كتاب ربنا لازم نخلي بالنا من الاقتباس منه
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
آخر تعديل بواسطة SENDRILLA ، 16-03-2008 الساعة 06:52 AM سبب آخر: لاحظت ان الايه القرانيه فيها خطأ
|
|
#10
16-03-2008, 06:53 AM
|
||||
|
||||
|
اقتباس:
ان شاء الله عندي امل اخلص في الاسبوعين اللي جايين دول ردك مش احبطني بالعكس ده شجعني جداااااا اني احاول اخلص مذاكرة المنهج دلوقتي شكرا لاهتمامك حبيبتي
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#11
16-03-2008, 06:55 AM
|
||||
|
||||
|
اقتباس:
ربنا معاكي ومعايا ومع كل الطلبه انتي كمان اسمك الزهراء ؟
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#12
17-05-2009, 05:27 AM
|
|||
|
|||
|
بجد هاااااااايله ربنا يكتر من امثالك واستمرى فى مبادئك
|
|
#13
17-05-2009, 02:01 PM
|
||||
|
||||
|
سندريلا
أنا بتهيألى انا لسه فاكر الاسم ده من ايام زمان معرفش هى برده حضرتك ولا لا على كل انتى مش بعيدة عن هدفك ولا حاجة بالعكس انتى قريبة منه أوى وان شاء الله هتحققى حلمك ومش المشكلة انك تاخدى دروس ولا لا لان المدرس مش هيذاكرلك المهم يكون عندك الارادة والنية والثقة فى النفس توكلى على الله وان شاء الله هتحققى هدفك وصدقينى اليوم الواحد تقدرى تعملى فيه كتير اوى متبصيش بقا للى فاتك بصى شوفى انت هتقدرى تنجزى ايه فى الوقت اللى جاى وان شاء الله ربنا معاكى وان شاء الله تطمنينا قريب
__________________
يا رب
|
|
#14
18-05-2009, 08:38 AM
|
|||
|
|||
|
اقتباس:
الموضوع من شهر 3 / 2008
يعنى السنة اللى فاتت وسندريلا دلوقتى ف طب بيطرى الحمد لله ربنا يوفقها ويكرمها يااا رب 
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:26 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
