مشاعر‏ ‏للبيع‏..!!‏

[abomokhtar]

للبيع‏:‏ عمري‏ ‏برضه‏ ‏لسه‏ ‏باقي هاخده‏ ‏بكرة وأعرضه‏ ‏في‏ ‏سوق‏ ‏البواقي واللي‏ ‏عاوز‏ ‏يشتريه بلاش‏ ‏يفاصل‏ ‏أو‏ ‏يباقي
التمن‏ ‏نص‏ ‏ابتسامة
أو‏ ‏يرحب‏ ‏باشتياقي
ما‏ ‏إنتو‏ ‏سبتوا‏ ‏الدنيا‏ ‏ضاقت
وإنتو‏ ‏ناسيين‏ ‏التلاقي‏!‏
عادة‏:‏

عودت‏ ‏قلبي‏ ‏علي‏ ‏السكات
عودني‏ ‏قلبي‏ ‏علي‏ ‏البكا
وبكيت‏ ‏معاه‏ ‏علي‏ ‏اللي‏ ‏فات
لحد‏ ‏ما‏ ‏الدمع‏ ‏اشتكي

يا‏ ‏خسارة‏ ‏اللي‏ ‏يضيع‏ ‏هواه
وهو‏ ‏مستني‏ ‏اللقا
لا‏ ‏يبقي‏ ‏عارف‏ ‏الابتسام
ولا‏ ‏يبقي‏ ‏قادر‏ ‏ع‏ ‏البكا
سوق‏:‏
البشر‏ ‏من‏ ‏غير‏ ‏وجوه
والزحام
زي‏ ‏الزكام

والسواقي‏ ‏بيرها‏ ‏ناشف
والشجر‏ ‏من‏ ‏غير‏ ‏غصون
والعصافير‏ ‏والبلابل
أصبحت‏ ‏من‏ ‏غير‏ ‏عيون
هيه‏ ‏ليه‏ ‏الدنيا‏ ‏ضاقت
واحنا‏ ‏نقطة‏ ‏جوة‏ ‏كون؟‏!‏

سؤال‏:‏
أحمد‏ ‏سألني‏ ‏سؤال
بعدك‏ ‏هنعمل‏ ‏إيه؟
ما‏ ‏لقيت‏ ‏كلام‏ ‏ينقال
ما‏ ‏عرفت‏ ‏أرد‏ ‏عليه‏..‏
والدمع‏ ‏مني‏ ‏سال
ومفيش‏ ‏بحار‏ ‏تكفيه
أحمد‏ ‏ضحك‏ ‏لي‏ ‏وقال‏:‏
دنيا‏ ‏يا‏ ‏ابن‏ ‏الإيه‏!‏

حياة‏:‏
الحزن‏ ‏ليه‏ ‏قاعد
والفرح‏ ‏ليه‏ ‏بيروح؟
وأما‏ ‏بنفرح‏ ‏يوم
يبقي‏ ‏بطلوع‏ ‏الروح‏..‏
وأما‏ ‏يجينا‏ ‏الحب

يلقي‏ ‏الفؤاد‏ ‏مجروح
طب‏ ‏ايه‏ ‏لزوم‏ ‏الحياة
واحنا‏ ‏جروح‏ ‏ف‏ ‏جروح؟‏!‏
سبب‏:‏
علشان‏ ‏حبك‏ ‏يوم‏ ‏ودعني
وياما‏ ‏ناديت‏ ‏ولا‏ ‏مرة‏ ‏سمعني
علشان‏ ‏قلبك‏ ‏أصلا‏ ‏باعني
قلبي‏ ‏خلاص‏..‏
مابقاش‏ ‏يوجعني‏!‏

خوف‏:‏
خاف‏ ‏من‏ ‏هدومك
واللي‏ ‏تحت‏ ‏الجلد
خاف‏ ‏من‏ ‏عيونك
لما‏ ‏الأمل‏ ‏يتهد
خاف‏ ‏من‏ ‏حبايبك
لما‏ ‏يفوتوا‏ ‏عليك
وانت‏ ‏تمد‏ ‏ايديك
ما‏ ‏يدوا‏ ‏حتي‏ ‏الرد‏..‏

خاف‏ ‏من‏ ‏حبيبتك
لما‏ ‏تجيب‏ ‏لها‏ ‏ورد
وتضحك‏ ‏لها‏ ‏بفرحة
تلقي‏ ‏في‏ ‏إيديها‏ ‏البرد‏..‏


معروف‏:‏
نزعت‏ ‏قلبي‏ ‏من‏ ‏صدري
شقيته‏ ‏بالسكين
نضفته‏ ‏من‏ ‏سيرتك
وزرعته‏ ‏بالياسمين
واللي‏ ‏طلع‏ ‏منه

لقيته‏ ‏طفل‏ ‏حزين
نزلته‏ ‏نهر‏ ‏الورد‏ ‏والفل‏ ‏والرياحين
يا‏ ‏خسارة‏ ‏علي‏ ‏طفلي
غسلته‏ ‏عشان‏ ‏ينضف
ويعوصني‏ ‏هوه‏ ‏طين‏..!‏
رصيد
تيجي‏ ‏بنات
وتروح‏ ‏بنات
فاكريني‏ ‏يعني‏ ‏سكر‏ ‏نبات

وأنا‏.. ‏ضعيف
ولا‏ ‏حيلتي‏ ‏حاجة
وجيبي‏ ‏نضيف
ولا‏ ‏شكلي‏ ‏حلو
ولا‏ ‏مليونير
أنا‏ ‏فقير

ورصيدي‏ ‏كله‏ ‏حبة‏ ‏مشاعر
وقلبي‏ ‏شاعر
مش‏ ‏زي‏ ‏غيري
وغيري‏ ‏يكسب‏ ‏كل‏ ‏البنات
بس‏ ‏لا‏ ‏يمكن‏ ‏يكون‏ ‏في‏ ‏يوم‏ ‏سكر‏ ‏نبات

قلب‏:‏
اهربي‏ ‏مني‏ ‏ولفي‏ ‏الكون
غيري‏ ‏جلدك‏ ‏مليون‏ ‏لون
وانسي‏ ‏وعودك‏ ‏مهما‏ ‏تكون
حطي‏ ‏في‏ ‏قلبك‏ ‏رمل‏ ‏وصخر
وارمي‏ ‏عليا‏ ‏الشوق‏ ‏والهجر

وخلي‏ ‏الكحل‏ ‏في‏ ‏عينك‏ ‏غدر
وابعدي‏ ‏عني‏ ‏مليون‏ ‏ميل
برضه‏ ‏لغيرك‏ ‏مش‏ ‏راح‏ ‏أميل
ومهما‏ ‏تعيدي‏ ‏ومهما‏ ‏أقول
مش‏ ‏هتلاقي‏ ‏بين‏ ‏الناس
غيري‏ ‏لوحدي‏ ‏قلب‏ ‏حنون

رد‏ ‏فعل‏:‏
لسه‏ ‏جاي‏ ‏قلبك‏ ‏يفكر
لسة‏ ‏فاكر‏ ‏لي‏ ‏الحنين‏..‏
بعد‏ ‏ما‏ ‏عاش‏ ‏عمر‏ ‏يهجر
جاي‏ ‏يطبطب‏ ‏عالحزين
صدقيني‏ ‏قلبي‏ ‏مات
في‏ ‏انتظارك‏ ‏من‏ ‏سنين‏!‏

رسالة‏:‏
أرسلت‏ ‏لك‏ ‏قلبي
يمكن‏ ‏يعود‏ ‏لي‏ ‏سعيد
وفضلت‏ ‏مستني
يرجع‏ ‏لي‏ ‏يوم‏ ‏العيد
وفضلت‏ ‏مستني
جوايا‏ ‏نار‏ ‏بتزيد
وفضلت‏ ‏مستني

ماجاني‏ ‏منك‏ ‏رد
وفجأة‏ ‏في‏ ‏الضلمة
رجع‏ ‏لي‏ ‏قلبي‏ ‏وحيد‏..!!‏
خلاص‏:‏

خلاص‏..‏
نسيتي‏ ‏خلاص‏..‏
وبقيتي‏ ‏زي‏ ‏الناس‏..‏
وتعبتي‏ ‏قلبك‏ ‏معاك
مش‏ ‏عاجبك‏ ‏الإخلاص‏..‏
أنا‏ ‏كمان‏ ‏هانساك
وها‏ ‏حرق‏ ‏الإحساس
وأما‏ ‏يجيني‏ ‏هواك

هيلاقي‏ ‏كل‏ ‏الصد‏..‏
عشان‏ ‏أنا‏ ‏ف‏ ‏البعد
هاكون‏ ‏نسيته‏ ‏خلاص‏..‏
ما‏ ‏انت‏ ‏نسيتي‏ ‏خلاص
وبقيتي‏ ‏زي‏ ‏الناس‏..‏
عادي‏:‏
قلنا‏ ‏نبية
وصدقناك
كنت‏ ‏معانا
وكنا‏ ‏معاك

كنا‏ ‏نبيع‏ ‏الدنيا‏ ‏بحالها
علشان‏ ‏خاطرك
كنا‏ ‏نخاف‏ ‏واحنا‏ ‏في‏ ‏قربك
تجرح‏ ‏كلمة‏ ‏بعض‏ ‏مشاعرك
كنا‏ ‏نحس‏ ‏بقلبك‏ ‏وانت
بتحضري‏ ‏كل‏ ‏السكاكين
علشان‏ ‏مين؟
علشان‏ ‏قلبي‏ ‏كله‏ ‏حنين
علشان‏ ‏احنا‏ ‏صدقناك

وقلنا‏ ‏نبية
لأ‏ ‏يا‏ ‏حبيبتي
انت‏ ‏خلاص
أصبحت‏ ‏عادية
وشك‏ ‏عادي
وشكلك‏ ‏عادي
لما‏ ‏غيابك‏ ‏زي‏ ‏حضورك‏ ‏أصبح‏ ‏عادي
ولما‏ ‏فؤادك‏ ‏يبقي‏ ‏ينادي

وانت‏ ‏لوحدك
مش‏ ‏هيلاقي‏ ‏قلبي‏ ‏يدادي
علشان‏ ‏انت‏ ‏بقيت‏ ‏عادية
واحدة‏ ‏عادية
ووشك‏ ‏عادي‏!!‏
http://nisfeldunia.ahram.org.eg/Inne...=11&issueid=91