|
#1
31-10-2011, 07:58 PM
|
|||
|
|||
صــــديقـي ......
صـــديقـي سكون تام الفوضي تعم ارجاء الغرفة ... ليس هناك شيء في مكانة كان يغط في نومة العميق رغم هذا الصوت المرتفع القادم من مذياع المقهي اسفل المنزل سكون تام حتي مع تلك الاغاني التي يعرضها التلفاز الذي يبدو انه نسية منذ البارحة التلفاز يعرض بعض الاغاني الهندية من قناتة المفضلة المتخصصة في عرض الافلام الهندية ... عشقة للافلام الهندية لا ينافسة فيه الا شيئان حبة لممارسة الرياضة وحبة لصديق طفولتة فجأة رن الهاتف اخذ يتقلب في فراشة وعلامات التعب والارهاق تبدو علي وجهة رنين الهاتف مستمر تململ قليلاً في فراشة اخذت علامات الضيق والانزعاج تحل محل التعب والارهاق رفع الهاتف الي اذنة _ايه يابني... مش بترد ليه... هو انتا لسه نايم ... شكلك نسيت ميعاد المدرب في النادي ... مش قالنا تعالوا بدري شوية قبل ما الفريق يحضر تدريبة ... بعدين ينشغل ومش هيفضي لينا . خلاص خلاص ... هو انتا هتحكيلي قصه حياتك قالها وهو يتثائب _ انا ربع ساعه وهعدي عليك _اوكي بعد مرور ربع ساعة جرس الباب يدق صباح الخير يا ابو حميد ... هو هيما لسه نايم _ اهو متلقح في الاوضة عندك _ كابتن هيما بحاله بتقول علية متلقح _ اجري كده من قدامي ...انت والكابتن الفاشل بتاعك قالها وهو يحمل حقيبتة ضاحكاً ... يلا انا رايح الشغل ... عاوز حاجة _ شكرًا ياعم يا نهارك اسود .. قالها وهو مازال يمسك بمقبض الباب هو انتا لسه نايم رذاذ الماء المنهمر علي وجهه أ فزعه مد يده الي كوب الماء ينزعه منه قائلاً _ بطل غلاسه علي الصبح .. يا رخم _ وانتا خم نوم .. يابني انا مش لسه متصل بيك من شوية وقولتلك اجهز بسرعة قبل ما الكابتن ينشغل في التدريب مع الفرقة ويلطعنا في النادي زي امبارح _ انا تعبان يعم ... حاسس ان جسمي متكسر _ من اول يوم تدريب ... اجري كده فضحتنا ... انتا لاعب سلة فاشل اصلاً _ حد يقول لكابتن هيما فاشل _ ده راي احمد اخوك مش رأيي _ انت واحمد الي فشلة زي بعض ... استنا يا فاشل هاخد شاور علي السريع بعد مرور نصف ساعة انا مش قولتلكم تيجو بدري شوية عشان تتمرنوا قبل مايجي الفريق معلش يا كابتن اصل هيما كان تعبان شوية _ايوه يا كابتن انا سهرت شويه امبارح _ ايوه يا كابتن اصله مدمن شاروخان ارتفعت ضحكات الثلاثة مرت ساعه في الجيم حملا حقائبهم وتوجهوا الي بوابة النادي هيما ... هيما نظراً خلفهم كان المدرب هو صاحب الصوت ... هما بالرجوع الي الخلف _ ايوة يا كابتن حضرتك عاوز حاجه _ ثواني ياهيما عاوزك في كلمتين _ نظر هيما الي صديقة وهو يمد شفتة السفلي الي الامام ... رمقة حودة بابتسامة _معاك يا كابتن _ اسمع يا هيما انا هكون صريح معاك ... لعبة السلة تشترط ان يكون اللاعب طويل القامة كما تعلم ... وانت طولك مناسب ... بس المشكلة في صديقك هو اقصر منك بكتير ... بصراحة مش هينفع في اللعبة بلع ريقه بصعوبة وهو يتمتم قائلاً _ لكني لم اتعود ان افعل شيء بدون صديقي الوحيد ... مفيش حل ؟ _ اديلو شويه من طولك ... قالها المدرب وهو ينصرف ضاحكاً شعر بغصة بداخلة ... رغم انني احببت تلك اللعبة ولكن اي شيء في العالم ليس له طعم وصديقي لا يشاطرني اياه ... قالها وتكاد عينية تغرورق بدموعهما . اخذا يتسابقان كالعادة _ هييييييييييييييه اول مرة اسبقك ... عشان بس تعرف ان طولك زي قلتة ... فرحان اوي بطولك ياخويا _ ابتسم وهو يحاول يكتم حزنة قائلاً ... الطول فخراً لو كان من خشب وامسك الخشب ياد توقفا امام بائع الدرة _ اخذا يأكلاها كالعادة وهما يتسابقان ... نظر حودة لصديقة قائلاً _ مالك يا كابتن ايه الي مضايقك _ مفيش السهر والتدريب هدو حيلي _طيب يلا بينا نعدي الناحية التانية قالها وهو يلتفت ناحية اليمين واليسار عبرا الشارع مسرعين ... سقطت حقيبة هيما الرياضية من علي كتفة هم بالتقاطها من الشارع وكادت سيارة مسرعة ان تصدمة جذبة صديقة سريعا وهو يصرخ _ مش تخلي بالك يا مجنون ... كده كنت هتموت ... من ساعة خروجنا من النادي وانتا مش معايا خالص ... مش بقولك في حاجة مضيقاك . _ بصراحة انا مش لاقي نفسي في لعبة السلة دي ... حاسس اني مش هنفع فيها _ وهو ده الي مضايقك ... انا كمان مش لاقي نفسي فيها ... بس قولت نجربها زي ما جربنا العاب كتير قبلها _ طيب والحل ... احنا لفينا علي كل الالعاب ولا لعبة عجبتنا _ خليك مع حودة تكسب ... احنا هنقدم في منتخب البلي ارتفعت ضحكاتهم حتي سقطا علي رصيف الشارع ... التفت صديقة ناحيتة قائلاً _ مش هتقولي الكابتن كان عاوزك ليه _ كان بيقولي وزنك تقيل ولازم تخفة شوية ... قالها وقد علت وجهه ابتسامة بس لقيتها ... احنا نسافر اليابان ونقدم في مصارعة السومو استلقيا علي الرصيف ضاحكين... وقد غطت ضحكاتهم علي اصوات السيارات المارة امامهم ........ محمود
|
|
#2
31-10-2011, 08:10 PM
|
||||
|
||||
|
موضوعاتك دائما رائعة ومتميزة
يامستر محمود تحياتى لقلمك الذى لايمل ولايسأم شكرا جزيلا .
__________________
======= من يمتلك مؤهلات العقل والاحساس سأكون أمامه كالكتاب المفتوح وعليه أن يحسن الاختيار ========
|
|
#3
31-10-2011, 08:28 PM
|
||||
|
||||
|
ايه خفت الدم دى اللى فى الموضوع
ههه احلى تحيه لاحلى اصحاب بجد مشاعر كتير الواحد حس بيها حزن وضيق وفرح الله عليك بتنقلنا ازاى بين المشاعر دى بالحروف البسيطة دى ؟
__________________
ان صمتي لا يعني جهلي بما يدور حولي
|
|
#4
31-10-2011, 09:06 PM
|
||||
|
||||
|
ههههههههههههههههههههههههه
هههههههههههههههههههههه بجد يامحمود دمك ذى السكر والقصه رائعه جداً بس مش هيما بس اللى مدمن zee aflam وانا كمااااااااااااااااااااان وبموت فى شاروخان وسلمان خان وامير خان ابيشك ****ان هريتك روشان اكشاى كومار ايشواريا راى وغيرهم كتيرررررررررررررررر والظاهر كده انها ظاهره طبيعيه جدا اصلى كنت فاكره نفسى مجنونه بس الحمد لله فى غيرى اجن محمود بجد عايزه كل مادخل المنتدى الاقيك سايب ابداع من ابداعاتك ومش تغيب كتير ده طلب جماهيرى
__________________
النار لاتحرق الا رجل واطيها اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:59 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
