نصيحة لكل بنت علي الفيس بوك

[هاوى إبداع]

نصيحة لكل بنت علي الفيس بوك ياريت تقري الرسالة دي وتفهميها قوي
بالله عليك اقريها للاخر كانك بتتسلي

منار بنت عندها 16 سنة دخلت الفيس بوك بسبب اصدقائها اللي قالوا انه حلو وجميل دخلت الفيس بوك وحطت صورة رومانسية عبارة عن وردو حمراء جميلة وقررت انها مش هتضيف غير اصدقائها واقاربها وبس وفعلآ ده اللي ...حصل وبقت كل يوم بقي تحط اغانى وفيديوهات رومانسية وصور رومانسية اصلها علي كلامها بن...ت رومانسية قوي وبعد فترة كده لقت واحدة صاحبتها عملة تاج ليها علي صورتها فى رحلة كانوا مع بعض فيها ولقت تعليقات ناس اصدقائهم وناس من برة وكده المهم قالت طيب اشمعنى انا قامت بدأت في رفع صور ليها كتير جدا جدا وبدأت بقي تقبل صداقات كل الناس ولقت الشباب بدأت تعلق ايه القمر ده ايه الجمال ده بجد بسم الله ماشاء الله عليكى قمر منور الفيس بوك وكلام من اللي انتوا عارفينه وطبعا بما انها رومانسية فده كان عجبها قوي وكل ما تسمع كلام اكتر تحط صور اكتر وتلاقي كلام احلي كل يوم وبعد فترة دخلت الفيس بوك لقت بنت ضايفة الأيميل بتاعها واتكلمت معاها
وكان بينهم الحوار ده
منار .. هاي
مروة .. هاي
منار .. انتى مين
مروة .. انا مروة من مصر وانتى ؟
منار .. انا منار من القاهرة
مروة .. انا 30 سنة متزوجة وانتى
منار .. انا 16 سنة
مروة .. ياااااااااه انتى لسه صغيرة
منار ..هههههههههههه بكرة اكبر
مروة .. تعرفي يا منار انى كنت زيك كده بحط صوري وكلها حتى في البيت بس بعد فترة حصلت مصيبة
منار .. مصيبة ايه ؟
مروة .. لقيت شاب بيكلمنى وبيقولي انا لازم اقابلك قولتله انت مش محترم
قالي خلاص براحتك بس صورك دي هتبقي علي كل المنتديات وهفضحك
ولقيته بعتلي صوري فعلا عريانة وكأنها حقيقة
منار .. يانهاري طيب انا الحق اشيلهم بقي قبل ما اي حد يعمل اي حاجة
مروة .. بعد ايه بقي ما خلاص
هتقابلينى امتى يابنت انتى
وفجأة بعت ليها كل صورها وهي عريانة وكمان ايه بيكلم الناس علي اساس انه هو هي
وطبعا بما ان البنت صغيرة ومش عارفة تفكر قالتله خلاص انا هقابلك
وفعلا راحت وقابلته ولقيته انسان مش محترم خالص وطلب معاها انها تطلع معاه شقة وللأسف يا جماعة طلعت وبجد دي قصة حقيقة وكانت مكتوبة في احد الصحف المصرية ولقت معاه شباب تانيين وطبعا انتوا عارفين حصل ايه وقالتله خلاص بقي هات الصور قالها صور ايه انتى هتفضلي معانا هنا تخدمينا وفضلت لأن خوفها من اهلها كان اقوي من تفكيرها وطبعا خسرت شرفها وخافت ترجع لأهها فقررت انها تكون مع الشباب دي وبدأو الشباب اصلا بيتاجروا فيها وتحولت من مجرد فتاة فيس بوك الي فتاة ليل وكانت جريمة قوية بس الشباب اتحاكموا بس عشان الفتاة كانت قاصر بس الحقيقة انها كانت فاهمة ومدركة خطورة اللي بتعمله

وده ممكن يحصلك يمكن انتى تعرفي تتصرقي تصرف تانى بس ليه اصلا صورك علي الفيس عشان تسمعي كلمة حلوة

اه لا انتى اللي كل اللي عندك بنات بس طيب اهو بنت وطلعت ولد

لا انا معنديش غير قرايبي وبس

طيب بس اعرفي ان صورك ممكن تتاخد كوبي علي الأقل صورة البروفايل

وبعدين بقي
اوعي يغرك اسم اكونت اي شاب او حتى بنت ولا صورته ولا اي شئ واوعي تثقي في اي حد مهما كان وياريت الجملة بتاعة انت اول شاب اكلمه دي منسمعهاش ولا نقولها
ومتقوليش بجد انا معرفش انا بكلمك ليه

ساعتها تأكدي انك منومة مغناطيسيآ وحتى ان كان الشاب محترم انتى بتديله مجال انه يتحول

حافظى علي نفسك عشان انتى جوهرة ولازم تصونيها
قبل ما تتحولي زي منار

[((محبه عائشه))]

جزاك الله كل خير

[nurahn]

روووووووعه

[fajr_zwaal_2009]

لا اله الا الله

جزاك الله كل خير

[scream angle]

جمييييييييييييييييييييل

ربنا يهدى شباب وبنات المسلمين ويحفظهم

[نور فى قلبى]

بجد تحفة جزاك الله الف خير

[مرموور]

انا لست مقتنعه بهذا الشئ الذى يدعى الفيس بوك
ولا احترم اى فتاه لها اكونت على الفيس بوك وتضع صورا لها
مهمها كانت صوره شخصيه او مع اصدقائها
وهذه وجهه نظرى
شكرا لهذا الموضوع
وربنا يحمى جميع بنات المسلمين
ويهدى جميع الشباب يارب

[♥روميســـاء♥]

جزاك-الله-خيراً
متفقة-مع-حضرتك

ربنا-يهدي-بنات-المسلمين-ويرزقهم-العفاف

[*تائبة فى رحاب الله*]

انا مع الاخت مرمور ايه الفيس بوك دوة انا مش مقتنعة به اصلا نفسى اعرف ايه لازمته يقولوا عشان نعرف اخر الاخبار مالاخبار موجوده على النت فى مواقع الصحف والمجلات ويعنى ايه بنت تعمل ليها كونت على الفيس بوك هتعمل به ايه هتكلم قرايبها بنات زمايلها ممكن اى حد يطلع على الكلام اللى بنهم على حسب ماسمعت يعنى وده حرام ومش موجود فى دينا نساء الرسول والصحابة كانوا محصنات عفيفات لايتحدثوا مع احد الا منوراء حجاب وكلام محدد جمل بسيطة جدا وبعدين البنت اللى على الفيس بوك دية اى شاب ممكن يقولها كلمة حلوة ترد عليه بكلمة حلوة يبقى هية من النساء التى لاترد يد لامس وعندما جاء رجل الى رسول الله وقال له يارسول الله امراتى لاترد يد لامس فقال له الحبيب المصطفى طلقها ومعنى لاترد يد لامس اى ترد على كلام الرجال لها بكلام طيب عذب او غير ذلك وجزاكى الله يا اختى كل خير

[رونا رون]

حياتي التي أعيشها .. كالقهوة التي أشربها .. على كثر ما هي مرة فيها حلاوة ..

[مناجاةُ النجاةَََِ]

المشاركة الأصلية كتبت بواسطة رفيدة الانصارية

انا مع الاخت مرمور ايه الفيس بوك دوة انا مش مقتنعة به اصلا نفسى اعرف ايه لازمته يقولوا عشان نعرف اخر الاخبار مالاخبار موجوده على النت فى مواقع الصحف والمجلات ويعنى ايه بنت تعمل ليها كونت على الفيس بوك هتعمل به ايه هتكلم قرايبها بنات زمايلها ممكن اى حد يطلع على الكلام اللى بنهم على حسب ماسمعت يعنى وده حرام ومش موجود فى دينا نساء الرسول والصحابة كانوا محصنات عفيفات لايتحدثوا مع احد الا منوراء حجاب وكلام محدد جمل بسيطة جدا وبعدين البنت اللى على الفيس بوك دية اى شاب ممكن يقولها كلمة حلوة ترد عليه بكلمة حلوة يبقى هية من النساء التى لاترد يد لامس وعندما جاء رجل الى رسول الله وقال له يارسول الله امراتى لاترد يد لامس فقال له الحبيب المصطفى طلقها ومعنى لاترد يد لامس اى ترد على كلام الرجال لها بكلام طيب عذب او غير ذلك وجزاكى الله يا اختى كل خير

بارك الله فيكي يا "رفيدة" انا مكنتش اعرف حكاية الرجل و زوجته دي
جزاك الله خيرا