هروب جماعى لطلبة المدارس فى النيل: الرقص للبنات.. والحشيش للصبيان

[happy mino]

هروب جماعى لطلبة المدارس فى النيل: الرقص للبنات.. والحشيش للصبيان

منذ السابعة صباحاً تبدأ التجمعات، صبية وفتيات بالزى المدرسى، يتجمعون أمام مبنى الحزب الوطنى المحترق، ليس للذهاب إلى المدرسة،

بل إلى الرصيف المقابل، حيث تقف المراكب النيلية التى يستقلها الطلبة والطالبات الهاربون من المدرسة للتنزه فى رحلة نيلية يقومون فيها بالعديد من الممارسات الخاطئة.

على كورنيش النيل يقف العشرات من طلاب المدارس منذ الصباح الباكر فى دلالة واضحة على هروبهم من المدرسة، وهناك لا مجال للخوف من أحد، فالمراكب النيلية التى يستقلونها بعيدة عن أعين

المراقبين، وهو ما يدفعهم لفعل أى شىء.. ومن ممارساتهم: تدخين السجائر وتعاطى الحشيش والرقص والتحرش الجنسى أحيانا.

محمود شبيطة، أحد طلاب المرحلة الإعدادية، قال إنه تعود الهروب من المدرسة ومعه أصدقاؤه منذ بدء العام الدراسى الجديد، وذلك بسبب كرههم للمدرسة والمدرسين. يقضى «شبيطة» يومه على رصيف الكورنيش ويغادر عند انتهاء اليوم الدراسى حتى لا تشعر أسرته بأى

شىء غريب. «شبيطة» يذهب إلى مدرسته يومين فقط فى الأسبوع ويقضى بقية الأيام على الكورنيش.

إسلام عوض يبرر هروبه من المدرسة بكرهه لضرب المدرسين، وروى واقعة تعرض لها وهى أن مدرسه سأله سؤالاً فى النحو فلم يفلح فى الإجابة، فما كان من مدرسه إلا أن ضربه بعصا غليظة سببت له آلاماً شديدة فشعر بإحراج من زملائه لأنه أُهين أمامهم،

مما جعله يكره المدرسة وقرر ألا يذهب إليها إلا فى الامتحانات الشهرية فقط.

راندا صبحى، الطالبة بالصف الثانوى، قالت إنها تفضل الهروب من المدرسة لأنها تعشق الفسح والرقص، لذلك تذهب يوماً إلى المدرسة ويوماً إلى كورنيش النيل حتى لا تضطر إلى الذهاب إلى المدرسة يومياً حتى لا تشعر بالاختناق.

ورصدت «المصرى اليوم» مشهداً يعتبر من أكبر التجاوزات التى يمكن أن تحدث فى هذه الرحلات، وهو تحرش 3 صبية بـ3 فتيات على الكورنيش، والغريب فى هذا الموقف أن الفتيات كن شبه موافقات على ما يحدث، بدليل عدم صدور أى رد فعل منهن.

الرحلة اليومية التى يبدؤها طلاب وطالبات المدارس بالتجمع أمام مقر «الوطنى» المنحل، تتفكك بعد ذلك ليذهب كل طالب وطالبة إلى طريق عودته إلى منزله فى الوقت الرسمى لانتهاء اليوم الدراسى.

http://www.almasry-alyoum.com/articl...6&IssueID=2298

هل هذا هو حال التعليم فى مصر ؟

[الأستاذ أحمد راشد]

لا اله الا الله

[monna2001]

لا حول ولا قوة إلا بالله العلي العظيم
غياب الوعى الدينى و الرقابه سبب كل هذه المشكلات
اتحرج امام زملائه فبدلا من ان يذاكر هرب من المدرسه أى فكر هذا
ان لله و ان اليه راجعون

[.. New life recharge]

يالهوي
هم يبكي وهم يضحك ..

مشكور ع الخبر

[صفاء عزمى]

لابد من الطالب الذي يتجاوز مدة معينة يحرم من الامتحانات

[مرموور]

لا حول ولا قوه إلا بالله
استرها علينا يارب
صحيح اللى يعيش ياما يشوف

[T!to]

المشاركة الأصلية كتبت بواسطة monna2001

لا حول ولا قوة إلا بالله العلي العظيم
غياب الوعى الدينى و الرقابه سبب كل هذه المشكلات
اتحرج امام زملائه فبدلا من ان يذاكر هرب من المدرسه أى فكر هذا
ان لله و ان اليه راجعون

+ 1
شكرا على الخبر

[راغب السيد رويه]

لابد من عودة الانضباط فى المدارس

[آسر الصمت]

اشطة
العيال خلاص ضاعت
بانجو وحشيش ونخلف عقلى وذهنى وممارسات جنسية .. دا حال أغلب مدارس الثانوى فى مصر

[T!to]

بعد كده لما يطبقوا العلمانية والليبرالية يقولوا ده حرية شخصية

[آسر الصمت]

المشاركة الأصلية كتبت بواسطة T!to

بعد كده لما يطبقوا العلمانية والليبرالية يقولوا ده حرية شخصية

ليبرالية ايه يا عم طاهر
دا على كده لما القاتل يقتل .. ويسئلوه فى المحكمة انت قتلت ليه هيقولهم والنبى أصلا انا ليبرالى ودى حرية شخصية

والنبى بلاش نخلط الامور ببعضيها وعن قصد وتعمد ... محدش قال عايزين ليبرالية غربية

واللى بتعمله العيال الصغيرة دى اسمه قلة أدب .. موش حرية .. ولا غيره

تحياتى

اتمنى انك تكون مبسوط فى جامعة عين شمس

شكلك حلو على فكرة

[الأستاذة / أم أمل]

لا حول ولا قوة الا بالله

أين الأهل ؟

لو كل ولى أمر سأل عن أبنه او بنته مرة كل شهر

والمدرسة لو تفعل الغياب ؟

يعنى كل الطالب غاب ثلاث ايام او اسبوع ترسل انزار لولى الأمر

لو الضمير يصحى شويه يمكن الحاجات دى متكنشى موجود

صرخة لكل اب بيجرى وراء لقمة العيش ابنك او بنتك هما الثروة الحقيقيه

صرخة لكل مدرس اتقى الله ويوجد وسائل اخرى غير الضرب

خذ الطالب على جنب وحسسه انك مثل ابوه

اين القدوة ؟

اللهم ارحمنا يا ارحم الراحمين

[nasser.morsy]

كلكم راع وكل راع مسئول عن رعيته--- لابد للمعلم أن يصاحب طلابه ويغدق عليهم من فيض عطائه -عند ذلك لن نجد طلابا شاردين كارهين للمعلمين وللمدرسة--يجب ألا ننتقد فقط ولكن كل معلم منا يؤدى دوره المطلوب منه وزياده --لأننا كلنا محاسبون أمام الله وليس لنا عذر

[T!to]

المشاركة الأصلية كتبت بواسطة آسر الصمت

ليبرالية ايه يا عم طاهر
دا على كده لما القاتل يقتل .. ويسئلوه فى المحكمة انت قتلت ليه هيقولهم والنبى أصلا انا ليبرالى ودى حرية شخصية

والنبى بلاش نخلط الامور ببعضيها وعن قصد وتعمد ... محدش قال عايزين ليبرالية غربية

واللى بتعمله العيال الصغيرة دى اسمه قلة أدب .. موش حرية .. ولا غيره

تحياتى

اتمنى انك تكون مبسوط فى جامعة عين شمس

شكلك حلو على فكرة

اهلاااا
مش قولتلك كده من الاول
بلاش انتا تخلط ياهانى
القاتل له قانون يعاقب عليه
انما لما تيجى تكلم واحد زى ده
هتقوله ليه بتعمل كده
هيقولك انا ليبرالى وده حريتى انا ضايقتك فى حاجة
+
لوروحت هناك هعمل معالك احلى واجب

[آسر الصمت]

المشاركة الأصلية كتبت بواسطة T!to

اهلاااا
مش قولتلك كده من الاول
بلاش انتا تخلط ياهانى
القاتل له قانون يعاقب عليه
انما لما تيجى تكلم واحد زى ده
هتقوله ليه بتعمل كده
هيقولك انا ليبرالى وده حريتى انا ضايقتك فى حاجة
+
لوروحت هناك هعمل معالك احلى واجب

ههههههه يا راجل حرام عليك
دا موش ليبرالى دا قليل الأدب .. عفوا يعنى
وبعدين اه طبعا ترد عليه وتقولى دايقتنى وتعديت على حريتى وحريات المجتمع .. لأن دى اداب عامة يجب مراعتها من قبل الشعب كله صغير وكبير .. وأنا اتحداك اذا كانت العيال الهبلة دى تعرف يعنى ايه ليبرالية أساسا .. لأ ولو اتكلمت معاهم تلاقى الواحد فيهم أفكاره أصعب من أفكار بن لادن والزرقاوى


لو ... لو روحت هناك
انت قديم اوى على فكرة
لو عايز توصلنى .. اسئل عليا .. وهتلاقينى
يا ابنى انت بتتكلم عن علم من اعلام الجامعة أساسا