مطحونين على الرغيف

[مدرس اللغة]

من شعري العامي قصيدة مطحونين على الرغيف
انت فين ياعم رغيف
الناس بتموت وانت مفيش!
انت فينك ياعم رغيف
لا انت كباب ولا طاووق شيش!
انت فين ياعم رغيف
لا بنطلب بانجو ولا حشيش!
عايزك انت ياحج رغيف
مقلتش صالة ولا أوضة نيش!
بدور عليك ياحج رغيف
وانت سامع وممعبرنيش!
انت فين ياعم رغيف
لا عايز أسمع هيفا ولا لميس!
أنا عايزك انت ياعم رغيف
أنا مش عايز زيادة ولا تطفيف!
انت فين ياعم رغيف
الناس بسببك صاروا حرافيش!
انت فين ياعم رغيف
من غيرك انت الناس مهابيش!
انت فين ياعم رغيف
بدور عليك ومع الناس طرابيش!
انت فين ياعم رغيف
بلاش تهينا وتقوم متجيش!
بالله تعالى ياعم رغيف
وعلى عدم وجودك متعودنيش!
مهما تذلينا ومهما أُهينا
برضو بسببك شبّعونا تلطيش!
انت فين ياعم رغيف
ورحمة خبازك متتعبنيش!