محتاجة نصيحة ضرورى محتاجة نصيحة طلبة ثانوية عامة علمى رياضة ادبى

ليدى اوسكار · #1 21-10-2011, 04:19 PM

السلام عليكم و رحمة الله و بركاته
انا كنت محتاجة نصيحتكم فى حاجة مهمة اوى
انا طالبة فى اولى ثانوى ناوية ان شاء الله على اقتصاد و علوم سياسية
انا سمعت انى اقدر اخشها من علمى رياضة و انه بيبقى اسهل انا مبحبش اصم احب افهم و اعبر لكن فى الحاجات الى لازم تتحفظ اقدر احفظ لو مصطلحات تعريفات كدة بس اكون حابة المادة انا بحب مواد الادبى اكتر بس بسمع كتير انهم بيصححوا بالحرف و لازم ابقى صامة الكتاب و انا مهم اوى عندى افهم و شاطرة فى رياضة و التاريخ الفيزياء بحبها لكن فى ثانوى حستها بقت بتصعب و الكيمياء بكرهها قوى كل ما اسال حد يقوللى خسارة تششى ادبى و بيقولللى خشى احسن رياضة
فانا مش عارفة اعمل اية حد يقدر يقوللى وصف مفصل للكيمياء و الفيزياء فى ثانوية عامة
و بالنسبة للمواد الادبية هل لازم اصم الكتاب و لا لا

ارجوكم افيدونى

karimadel7 · #2 21-10-2011, 05:12 PM

في البداية كده لازم تبقي عارفه ان سياسة و اقتصاد من ادبي بتاخد مجموع اقل من علمي بحوالي 10 درجات يعني 2.5٪

انا معنديش خبرة كبيرة بالمواد الادبية
بس اللي اعرفه ان المشكلة كلها في التاريخ و ده بيبقي لوحده في تانية
في تالته الناس بتاخد علم نفس و فلسفة و اقتصادواحصاء
كلهم سهلين جدا بس بتاخدي معاهم جيولوجيا و ديه رخمة شويه حسب الكلام
بالنسبة لعلمي رياضة بتاخدي كيميا في تانية
رياضة 2 و فيزيا في تالته

لازم تبقي كويسة في الفيزيا و الرياضة عشان تبقي ضامنة نفسك
الكيميا سهلة جدا بتتظبط بسهولة
اما الفيزيا و رياضة 2 لازم يبقي فيه ميول شويه

و بصراحة مفيش حاجة اسمها خسارة ادبي او خسارة تخشي رياضة لان انتي مش هتكملي في المجال ده
مجالك بعد كده ادبي يبقي انتي استفدتي ايه من علوم ؟؟؟؟؟
بالنسبة للكيميا 9 ابواب
اول خامسة سهلين جدا
السادس مسائل عادية
السابع و التامن هما اللي تقال شويه و محتاجين فهم
التاسع هو العضوية في ناس كتير متحبهاش بس هي لذيذة و سهلة جدا مفهاش اي مشكلة
الفيزيا 5 ابواب بيتقسموا ل15 فصل
بيتناول 5 مواضيع فيزيائية مختلفة
هي اصعب من الكيميا مفيش كلام
بس بصراحة بحبها جدا هي محتاجة حبة فهم

ملحوظة اخيرة : مناهج ثانوي قصيرة بالنسبة للسنة كلها يعني حتي لو مش بتحبي مادة ممكن تيجي علي نفسك و تذاكريها و تتلم برضه

ليدى اوسكار · #3 21-10-2011, 08:37 PM

شكرا كتير على الافادة انت طمنتنى اوى طب الجلوجيا انا اعرف عنها نبذات انها كلها حفظ و كلامها تقيل خصوصا انى طول عمرى باخد العلوم بالانجلش فهل هى فعلا كدة
و الكيمياء حفظها اية خصوصا العضوية بسمع ان حفظها كتير اوى فهل فعلا دة صحيح اصل لو الموضوع اغلبه فهم مش مشكلة الخوف من الحفظ هى و الفيزياءؤ انا الفيزيا مسائلاها بحبها و بحب الرياضة اوى انما الكلام الجامد فى الفيزيا و الكيميا هما المشكلة

ahmed doula · #4 21-10-2011, 09:41 PM

طيب ماتدخلى علمى متادب؟؟؟

zamalek1 · #5 30-10-2011, 01:39 PM

واطلع ايه من علملى متادب

ahmed doula · #6 30-10-2011, 01:59 PM

اقتباس:

المشاركة الأصلية كتبت بواسطة zamalek1

واطلع ايه من علملى متادب

نفس كليات الادبى