|
#1
15-10-2011, 10:05 PM
|
|||
|
|||
رفع قضيه لضم سنوات الخبره للمنقطعين اللي رجعوا
كل اللي كانوا موجودين علي راس العمل و اتموا 3 سنين و انقطعوا بعد صدور قرار التثبيت سنة 2007 ممكن يرفعوا قضيه لضم سنوات الخبره و ياخدوا عقد معلم مساعد ... انا سالت محامي و اكد الكلام ده و ناويه اجمع عدد من المنقطعين اللي ظروفهم مماثله ليا و نرفع القضيه عاوزه اعرف اذا كان حد سبقنا و اتخذ اي اجراء لضم فترة الخبره السابقه قبل الانقطاع ؟؟؟ لان وقت صدور القرار سنة 2007 احنا كنا علي راس العمل لكن تراخي الحكومه في تنفيذه اضرنا .... 
|
|
#2
16-10-2011, 01:40 AM
|
|||
|
|||
|
طيب يا ريت نعرف التفاصيل
|
|
#3
16-10-2011, 06:29 PM
|
|||
|
|||
|
عايزين تفاصيل اكتر لو سمحتوا
|
|
#4
17-10-2011, 02:31 AM
|
|||
|
|||
|
احنا زيك بالظبط احنا معلمين منيا القمح شرقيه قوليلنا امتى المظاهرة دى واحانا معاكى مدرسى الحاسب الالى والخدمه الاجتماعيه ومدرسى الفصل الواحد ومدرسى التعليم التجارى الذى تم تحويلهم من قبل الادراة واميلى onlin7000*********** واذا ارتى رقم الموبيل بتاعى ممكن ابعتلك الرقم ومتقلقيش احنا معاكى ونويين نروح للمحافظ فى الاسبوع القادم
|
|
#6
19-11-2011, 10:52 AM
|
|||
|
|||
فعلا من حق اى احد كان يعمل و انقطعوا بعد صدور قرار التثبيت سنة 2007 ممكن يرفعوا قضيه لضم سنوات الخبره و ياخدوا عقد معلم مساعد وتم عمل عقد جديد
بس المهم انه يستلم العقد الجديد وبعد ما يوقع فى دفتر الحضور والانصراف ويكون معاه ما ثبت انه رجع مره ثانيه يروح القسم التابع ليه ويعمل محضر ضد الاداره التابع ليه بأنه اجبر على التوقيع على العقد الجديد بسبب احتياجى للعمل وعدم معرفتى بالقوانين وتعمل توكيل للمحامى ومعك مايثبت العمل فى السنوات السابقه واستغلو جهلنا القانونى وطبعا هتكون مع الشكوى التنظيم والاداره لانها صاحبة كتابة الشروط والعقد ويرفع قضيه مستعجلة فى المحكمة الاداريه حسب مناقشتى مع المستشار فى احدى المحاكم سوف يحكم لك بالاحقيه بالتثبيت لحين انتهاء الاجحراءات الخاصه بالتعيين الا هى امتحان الكادر و الا أى سى دى وتحياتى للجميع بالتوفيق
|
|
#7
20-11-2011, 12:01 AM
|
|||
|
|||
|
اقتباس:
و هل هناخد ورقة الحكم دي و ندخل بيها امتحان الكادر و لا المفروض ننتظر هم يسلمولنا عقد معلم مساعد
|
|
#8
21-11-2011, 12:05 AM
|
|||
|
|||
|
الاخت روتى
للاسف الشديد عندى خبر مش ولا بد اليوم الاحد الموافق20/11/2011 وبعد مقابلة وكيل الوزاره فى طنطا وتحويل طلبى الى الشئون القانونيه للبت فية حيث اننى كنت قد كتبت شكوى فى شهر اغسطس اطالب فيها بالعوده حيث اننى كنت اعمل لمدة اربع سنوات بعقد مميز افاجأ بــ الاتى انه ليس لى اى حق بالمطالبه باى شىء لانى انا اللى انقطعت عن العمل وكانت المفاجأة الكبره اننى قابلت احد المستشارين وقرأالعقد وكان اخر بند بيقول اشياء لايتحملها ابليس كل شىء منصب فى هذا البند حتى لو طلبت الموت مرفوض ان هذا الشرط بمثابة نهاية طريق لاى احد يريد ان يعيش حياة كريمة نهاية كل شى حتى الازلال اصبح له شروط لاينقص هذا العقد غير يقول هنضربك بالجزمه ولازم تسكت انا نفسى اعرف من كتب هذا الشرط لايمكن يكون انسان يعرف الله محال لايمكن يكون انسان له اولاد عارفه اختى ابليس نفسة يحتار فى هذا البند وطبعا ً العقد يخص ادارة شرق المحلة وللاسف انا بسحب كل كلمة قلتها لسيادتكم وارجو قبول اعتزارى فى ردى السابق حيث اننى لااعرف اننى عايش فى مصر تناسيت لحظه ورجعت لعقلى تانى واقسم بالله العظيم كان القرار تمزيق العقد واشترى كرامتى على عربية فول تقبلى تحياتى وشكرى
|
|
#9
21-11-2011, 07:52 AM
|
|||
|
|||
|
متأسف
نسيت اقول انك ماتقدريش ترفعى قضية لانك وقعتى على العقد والعقد شريعة المتعاقدين ولا يحكم لكى بأى شىء وسوف تخسرى القضية بكل تأكيد بسبب البند العاشر اى الاخير الذى كتبة ابليس من اباليس الحكومه كالعادة مع العلم فى العقد بيقول انك ممكن نفصلك فى اى لحظة خلال الثلاث سنوات وده طبعا فى ايد السيد الاستاذ المحترم والكبير مدير المدرسه اللى هتستلمى فيها وممكن كمان يجعلك تدرسى 24 حصه ومكن كمان تكون ماده ليست بتخصصك يعنى بللاش
|
|
#10
21-11-2011, 02:33 PM
|
|||
|
|||
|
اللي فهمته ان حضرتك كنت عقد مميز 4 سنين انا كنت عقد مؤقت 5 سنين و انقطعت 2008 و قدمت التظلم و رجعت 4 اكتوبر 2011 بس ايه البند العاشر اللي في العقد المميز ده و هل حضرتك رجعت بعد التظلمات و لا لا
احنا اداة ديرب نجم و منتظرين العقود الجديده و قالوا مفيش عقود جديده لحين البت في الشكاوي اللي المتظلمين مقدمينها في النيابه الاداريه طبعا اقصد اللي انقطعوا بعد قرار 2007 و قبل التثبيت لان القرار اتاخر في التنفيذ احنا محافظة الشرقيه
|
|
#11
21-11-2011, 05:45 PM
|
|||
|
|||
|
اقتباس:
الاخت روتى انا كنت عقد مميز مؤقت مثلك 4 سنوات وانقطعت مثلك 2008 وكنت من 2004فى العمل وقدمتتظلم مثلك فى شهر مايو منفردا اى لوحدى بتظلم من انى كنت بالعقد طول الفتره السابقه وتم تعيين زملائى من امضو ثلاث سنوان تم تحويل طلبى الى الشئون القانونيه وتم التحقيق معى وتم ارسال طلبى الى التنظيم والاداره واتركن هناك حتى فى 15/7/2001 اعلنت التربية والتعليم عودت كل من كان يعمل وترك العمل لشى ما ونهاية تلقى الطلبات كان فى 1/8/2011 بعد ما وافقوا على العوده ذهبت الى ادارة شرق المحله واستلمت سبع عقود وذهبت الى المدرسة المتوزع عليها سابقا تبعد 15 كيلو من بيتى ورجعت الى طنطا لمقابلة السيد وكيل الوزاره واتظلم وللاسف كما شرحت لك سابقا ً ودى بنود العقد لشروط اللى فى العقد ( عقد عمل مؤقت مكافأه شامله ) 1 - سريان العقد من 16/11/2011 حتى 00000000 2 -يستحق الطرف الثانى نظير عمله مكافاه شهريه مقطوعه (130و 75 ) 2 - لابد من العمل بدقه وأماه 4 - يستحق فى السنه التعاقديه الاجازات الاتيه 000000000 5 - اذا رغب الطرف الثانى فى الاشتراك فى الصناديق المنشأه للرعاية الاجتماعية والصحيه يتقد بطلب بذلك ويسدد الاشتراكات 6 -فى حالة خروج الطرف الثانى فى مقتضيات الواجب الوظيفى يجازا تأديبيا 7 - الجزاءات التأديبيه الانزار الخصم من الاجر فى مده لاتتجاوز فى شهرين من السنه انهاء التعاقد 8- يحق للطرف الاول لاسباب يقدرها فسخ العقد قبل انتهاء المده دون ان يكون اى طرف للثانى اى تعويض ولو غاب 15 يوم يفصل تلقائى ولو 30 يوم فى السنه يفسخ العقد 9- اذا طلب الطرف الثانى انهاء العقد يسلم العهده 10 - يقر الطرف الثانى ان هذا العقد علاقه جديده مبيتة الصله بما قبلها وليس له الحق فى المطالبه باى حوافز او بدلات خلال ثلاث سنواتدة هذا العقد ولا يحق له المطالبه بأى مدد عمل سابقه فى التربيه والتعليم وليس له الحق اللجوء للقضاء لايجراء اى تسويات تتعلق بمددة سابقه للعمل او الطعن على العقود الساريه بأى صور من الصور وانه يقبل العمل بالوظيفه المحدده بالعقد وفقا لاحتياجات الادارة التعليمية فى اماكن العجز
|
|
#14
21-11-2011, 06:53 PM
|
|||
|
|||
|
اقتباس:
للاسف لقيت المكان المختار لعربية الفول اخذه البلطجى منى
|
|
#15
22-11-2011, 01:16 AM
|
|||
|
|||
|
ههههههههههههههههههههه و الله العظيم هم يضحك و هم يبكي ايه الافترا دا انا مش مصدقه انا مت من الضحك و انا بقرأ البند ده طبعا مش استهزاء بحضرتك بس من استهزاء البلد بينا مش ممممممممممممممممكن
دا حد دارس احنا ممكن نعمل ايه و عارف ان لينا الحق اننا نتثبت ف بيشترط علينا ان لو عايزين تشتغلوا تاني اشتغلوا بس انسوا اللي فات بيريحوا دماغهم يعني من الصداع بتاعنا الله يكون في عونك هتلاقيها من البلد اللي ضيعت تعب السنين و لا من البلطجيه اللي اخدت عربية الفول
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:54 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
