بأى حق تاخدوا 1500 جنيه شهريا

[أم هيما]

معلش يمكن العنوان مستفز بس كان لازم يبقى كدة عشان الاقى حد يرد عليا

باى حق اخصائى المسرح واخصائى الصحافه فى المدارس الاعدادية ياخد راتب شهرى 1500 جنيه عشان يدفع منهم كل شهر 5 جنيه يشرب بيهم شاى مبيعملشى اى حاجه فى المدرسه غير انه يشرب شاى وسجاير والله العظيم البلد دى ما هينصلح حالها غير الا اما الناس دى تشتغل
يعنى التقويم الشامل الجديد يوزع الانشطة اللاصفيه فى المرحلة الابتدائية ل مكتبات وتربيه رياضيه ومسرح وصحافة وموسيقى وكشافات وخدمه مجتمع

وفى المرحله الاعدادية مكتبات وتربيه رياضية وموسيقى بجانب المجالات العملية

طب المدارس الاعدادية اللى مليانه اخصائيين ( مسرح و صحافه ) مورهمش حاجة غير انهم يشربوا شاى وسجاير بذمتكم دا يرضى مييييييييين يا ناااااااااااااااااااااااااااااااااااااااااااس ازاى يقبلوا على نفسهم وعلى ولادهم فلوس مش تعبانين فيها خااالص خالص

99% من المدارس مفيهاش مدرس موسيقى وكل اللى فى المدارس مكتبات وتربية رياضيه وطبعا هما اللى يشيلوا الحصص
منظومه فاشلة بكل المقاييس وبكل الجوانب

[abdo-2007]

عندك حق

كذالك فى المدارس الثانوية (شرب شاى وسجاير ) فقط

[أم هيما]

والله العظيم انا النهردة قلتها لهم فى وشهم بتعملوا ايه فى المدرسة تاخدوا عليه حتى 100 جنيه فى الشهر واحد منهم زعقلى تجيى انتى يا بتاعة النهردة انا بقالى 20 سنة تقولى لى كدة قلتله ومقلكشى ليه كدة بقالك عشرين سنه بتعمل ايه قلى كدة بتشتغل ايه فضلنا نزعق مع بعض شويه والله ما كان فيه اى سبب للخناق غير كدة مقدرتش اتكلم وانا شيفاهم مبيعملوش اى اى حاجه غير انهم يشربوا شاى وسجاير ويجيبوا سيرة الناس

[masyomas]

طب ياخدو ال ياخدوه
بس ميبقوش زيينا

دول بتوع خدمة اجتماعية وكليات ملهاش لازمة

إحنا ال طلع عين أبونا في التعليم واشتغلنا بالمسابقات
وبنحضر كل يوم
وبنمسك الطباشير و نشرح ال90 دقيقة لوجه الله

نظرتهم لينا غيرة وحقد
ودي طبع صعب نغيره

[seryo]

ايه اللى بتتكلموا فيه هو 1500 جنيه اصلا مرتب
اقل مرتب يساعد على فتح البيت لايقل عن 2000 جنيه ( حد الكفاية )
3000 جنيه (حد الكفاءة )
يكفى ان تعلم ان اغلب المدرسين يستحقون الزكاة بناء على كلام مفتى البلاد !!!!!!!!!!!!!!!!!!!!!!!!!!!!!!!!!!!!!!!!!

[mohmedshraf]

سيدي الفاضل احنا عمرنا ما هتنقدم عارف لية لانه لازم كل واحد مننا يبدأ بنفسه الأول !!!!!!! أبدأ بنفسك وسيبك من الغير

[مستر بطاطا]

المشاركة الأصلية كتبت بواسطة masyomas

طب ياخدو ال ياخدوه
بس ميبقوش زيينا

دول بتوع خدمة اجتماعية وكليات ملهاش لازمة

إحنا ال طلع عين أبونا في التعليم واشتغلنا بالمسابقات
وبنحضر كل يوم
وبنمسك الطباشير و نشرح ال90 دقيقة لوجه الله

نظرتهم لينا غيرة وحقد
ودي طبع صعب نغيره

ياريت تبطل سفه وعبط وتكتم جهلك ولا تتكلم بدون علم انت وأمثالك
وواضح ان انت اللى ملكش أى لازمة

[mr.aiad]

للأسف كل واحد شايف فى قرارة نفسه أن عمله هو المهم وغيره ليس له أهمية بل ربما يكون العكس ولهذا لن نتقدم أبداً ولن نحرز أى شئ فى أى مجال من المجالات ما دمنا بهذه العقليه الجامده المتحجرة وصدقت يا ربى فيما قلت ( وهو الذي بعث فى الأميين رسولا) فسنظل أميين إلى قيام الساعه بصرف النظر عن طبيعة هذه الأميه

[محمد مدحت حسنين]

مشكووووووووووووووووووووووووووووووووووووووووووووور

[شريف منير]

أخصائى الصحافة .. يجمع أورق الاذاعة الصباحية بعد اذاعتها.
أخصائى المسرح .. ياخد الطلاب من الحصص ويذهب بهم الى مسرح الادارة.
الأخصائى النفسى ......................... اكمل الجملة السابقة .

[ahmed_rian]

يا اخواني لية نسفة بعض ونحقد علي بعض كل انسان لية لازمة لو عمل شغلة اخصائي معلم اداري فراش كل واحد له دور مهم وان كنا نري ان تعين معلمين ناس متخصة اهم من الاخصائي دي اشياء بديهية لكن لو المدارس مش فيها عجز فوجود الاخصائين بكثر مش عيب وخاصة لو متعاونين

[doodydrhazem]

على فكرة يا جماعه كل واحد له شغل موجود في اللئحة لكن احنا بنفقد الوظيفة اهميتها وعلى فكرة الوظائف دي مهمة جدا لانها فعلا بتنمي مواهب الطلاب وهي سبب مجيئهم للمدرسة انا مدرس كيمياء ثانوي لما الطلبة بيشوفون يالصبح لبيبقو عاوزين يخرجوا من المدرسة لان طبعا الاولى كيميا
لكن المدرسين دول مهمين لانهم بجد بينموا امواهب
بكل حيادية اتمكنى وكل انا ناس بنفهم يعني
ندخل على مهام الاخصائي يف اي دولة اوروبيه او يسال قريبه واولادهم يف فرنسا او انجلترا او ايطاليا بتعملو ايه في المدارس
بصراحة
انا كنت مبعوث لجامعة سانت جونز بنيو يورك 2000م كل واحد بيقوم بمهمته على اكمل وجه
احنا مدرسين مواد ثقافية المعلومة موجودة في الكتاب وفي النت زمن المدرس ابو طباشيرة وقلم للاسف اختفى في كل مكان ما عدا مصر والسودان واريتيريا
المدرس الثقافي زينا بتاع الكيمياء والفيزياء والرياضياء والانجليزي والفرنساوي وظيفته
مدير للحصة
انا عارف انا الكلام دا ممكن يكون فيه زملاء او لمرة يسمعوه يا جماعه الكلام دا برا من 20 سنه واكثر.
يا ريت بلاش نهاجم حد بردوا بس الصح ان كل واحد يشتغل شغله على اكمل وجه عشان يبقى فيه بركة وبعدين العقد شريعة المتعاقدين.
فيه بنت استشارتني وهي اخصائية نفسية في نفس المدرسة الثانوزي احول مدرسة قولتها لا
لان التدري سوالله مهنه متعبه يكفي اننا بنتعامل مع البشر عارفين لو بنتعامل مع الات بيكون اسها او حيوانات حتى بيكون اسهل لكن البشر دول تعبوا لانبياء والرسل ربنا سبحانه وتعالى الخالق غضب على الببشر اكثر من مرة. يا ريت نشوف الامل ولامستقبل ونحاول نساعد الناس دي تشتغل بقدر المكان وكمان بلاش الطباشير عشان بيبقى المدرس زي بتاع البويات

[msh835]

وياريت عاجبهم

[السلطان الحائر]

يا سيدتي انتي لاتعرفين قيمية المسرح عموما والمسرح المدرسي خاصة حين تعرفين تكلامي بعلم ولا تعميمي

[Moataz_ezo_2007]

اولا : مرتبي 820 وتخصصي أخصائي صحافة
ثانيا : أخصائي الصحافة له جدول حصص في المراحل الثانوية
ثالثا : إذا علمت ما يطلبه التوجيه من أخصائي الصحافة شهريا لخجلت ان تكتب هذا الموضوع ، فعدة شهور لا تكفيه لينتهي من أداء المطلوب منه شهريا ، فأرجوك لا تكتب موضوع بجهل وقلة علم.
رابعا : لا تعلم ماذا يعمله أخصائي الصحافة كي يأخذ كل معلم حقه سواء على النت ، سواء في الاضرابات ، سواء في الوقفات الاحتجاجية ، وأسألك : لماذا لم تتحدث عن بعض مدرسي الرياضيات واللغة الانجليزية الذين يعطون دروس خصوصية؟
خامسا : احنا عاوزيين نحل ولا نولع البلد ........... شايف ان ده موضوع مش للحذف فقط بل للحرق ايضا
..............
أخيرا :على الوزير يتخيل أن هل يستطيع المدرس ان يزوج ابن او ابنه له؟ ولكننا لا نريد ذلك ولكن المعلمين يريدون مرتبات لكي يأكلوا ويعيشوا الحد الأدنى من المعيشة