وزارة التربية والتعليم تقرر اليوم الاستغناء عن جميع الإداريين والفنين والعمال

[الاستاذ شفيق عجاج]

بسم الله الرحمن الرحيم

الحمد لله رب العالمين

والصلاة والسلام على أشرف المرسلين

سيدنا محمد وعلى أهله وصحبه أجمعين

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

نظرا لحالة الحقد من الإداريين على المدرسين
وعدم عمل الإداريين بالمدرسة وكذلك الفنيين والعمال وعدم أحقيتهم فى أى زيادة لأنهم إداريين وفنيين مع العلم اغلبهم مؤهلات عليا .
( وهذا من كلام ومواضيع المدرسين نفسهم )

وهذه عينه

اضحك شوف الاداريين عايزين ايه

أصدرت وزارة التربية والتعليم قرارا اليوم الاستغناء عن جميع الإداريين والفنين والعمال من وزارة التربية والتعليم
ونقلهم إلى وزارة البترول ووزارة المالية ووزارة الكهرباء
وسوف يتولى المدرسون جميع أعمال الإداريين والفنيين والعمال بالمدارس والإدارات والديوان العام بالوزارة
وسوف يسرى هذا القرار
من يوم السبت 8/10/2011
وعلى الجميع تحمل المسؤولية .

ما رائيك فى هذا القرار لو تم بالفعل وسوف نقسم العمل بيننا
كمدرسين هنشوف الإداريين والعمال لهم فائدة كبيرة جدا فى العملية التعليمية
أو أى جهة يعملون بها أم هم عمالة زائدة لا جدوى منهم ويجب الاستغناء عنهم .

هل يستطيع الطبيب الدخول إلى غرفة العماليات إلا بعد تنظيفها وتعقيمها من العمال

هل العملية الجراحية تنجح إلا بصف تمريض ماهر ومدرب لمعاونة الطبيب

هل المدرسون الوحيدون الذي فهموا بأن الإداريين والعمال لا قيمية لهم وباقى الوزارات فى جميع أنحاء الجمهورية لم يفهموا إلى الان بل فى جميع دول العالم يوجد إداريين وعمال

كيف نسير فى الشارع بعد الاستغناء عن عمال النظافة بالوحدات المحلية .

كفاء استهزاء وتعالى على عباد الله مع العلم الإدارى والعامل أبى وأبيك وآخى وأخيك ويعلم أولادة أفضل من مؤهلاتنا وتعليمنا.

ممكن سؤال بسيط ماذا اخسر من مرتبى إذا تساوى مع زميلى العامل ؟

إذا أردنا إصلاح أى شيء يجب أن نطهر قلوبنا
ونتواضع على عباد الله لأنه يوجد منهم أفضل منا مليون مرة .

منتظر تقسيم العمل بيننا ونشوف هنقدر نشتغل أم نحن فى
أشد الحاجة إلى العمال قبل الإداريين والفنيين .

على فكرة لا يوجد ملائكة تمشى على الأرض
إذا يوجد بكل قطاع الصالح والطالح

تقبلوا التحية والاحترام
وهذه وجهه نظر تصيب وتخطأ

والسلام عليكم ورحمة الله وبركاته

[ناجى صلاح25]

هو الطبيب اجره مثل العامل او الادارى ده عندنا الاداريين محدش يعرف يكلمهم والله معظم اعمالهم
المدرسين بيقوموا بيها حتى الغياب التلاميذ بيوصلوه للفصول

[توفيق رفعت عجيز]

بارك الله فيك
ان الله لا يغير ما بقوم حتي يغيروا ما بانفسهم.

[elkahateeb]

انا شخصيا فى مدرستى الاداريين لا يقوموا باى عمل سوع احضار الكتب ونحن نقوم بتوزيعها

[sobhy333]

اى مسئول ينزل محافظة البحيرة وهيشوف اغلب المدارس ( الاداريون ) فى حجرات كل واحد معاه سبحة ومصحف حجم صغير بسوسته وسخان شاى وسجادة صلاة ولا يفعل شىء سوى ذلك ولو تقابلت معه اثناء رفع اذان المغرب او العشاء وقلت له تعالى نصلى العشا يرد يقولك الليل كله عشا وطول وقت العمل الرسمى يصلوا اشى الصبح واشى الضحى واشى ركعتين رواتب قبل الظهر واشى اتنين سنه واشى استخارة ( ياناس كلنا مسلمون ونشهد ان لا اله الا الله وان محمدا رسول الله ونصلى ونصوم ونذكى مين قال ان العقيده كده ومين اللى قال ان ولى الامر الغلبان يستنى الادارى لما يصلى وطبعا ميقدرشى يفتح بقه بكلمه علشان دى صلاه محدش هيتكلم الا يتهم بانه مش مسلم .

[maro_zaid]

ونسيتوا نصبة الشاى والاكل التى لا يخلو مكتب ادارى منها ده غير البوتيكات المتنقلة اللى بيسمها السبوبة ورزالتهم على المعلمين ده طبعاً غير اهم مهامهم وهى النميمة على المدرسين وكل خلق الله والله ده من واقع ما رأيت وسمعت فى مدرستى

[صفوت حمادة]

الادارى في المدرسة سلطان زمانه ... المرفه الوحيد في المدرسة شغال بمزاجه يصرف المرتبات وقت ما يحب وغيره

[CAMELA]

لم نقل انهم عديمى الفائده
ولكن عملهم لا يرقى باى حال من الاحوال لا من حيث الفائده ولا المجهود لعمل المعلم
وبالتالى لا يحق لهم المطالبة بالمساواه
هناك فرق تعليمى ووظيفى بينهم وبين المعلمين

[gihanegypt]

وهل يتساوى مجهود المعلم مع مجهودالادارى ؟ حتى نتساوى فى الاجور و بغض النظر عن المؤهل وبرغم ذلك لاانكر
فائدتهم

[الهيثم2011]

ارجو ان تعرف ان المدرسة لا يعمل بها المدرسون فقط بل الباقون لهم دور مهم في المدرسة وحقهم رواتبهم تكفيهم وارجو من السادة المدرسين بلاش نقول عن عمل كل احد بيعمل ايه لأن حتى المعلمين شغلهم عليه كلام خصوصا اللى بينتقدوا الإداريين - كل انسان ممكن يشتغل وممكن يبلطج -على فكرة انا معلم وبساعد الزملاء الإداريين في عملهم واذا كان فيه مدرسة فيها زيادة في الإداريين فيه الف مرسة بتعانى من عجز في الإداريين واللى بيطالب الحكومه ياخد حقه -مالهش دخل في حق الآخرين - اذا كنت انت مربي اجيال وعندك الحقد ده امال تلاميذك هايكون حقدهم ايه ( كفانا الله شر الحاقدين )

[ازهرى حالى]

مصر ضاعت لما مستوي فكر المعلم بالطريقه دي لان هذة منظمة متكامله لو فشل عضو فشلت المنظمة
ولكل عامل فيها حق بالمساواة لان لكلاهما عمله المحدد
فيجب عليك ان تتأمل خلية النحل لتأخذ منها عظة
فلو فكر المعلم بهذا الجحود لضاع جيل كامل يقتدى بة
لك الله يا مصر

[محمدمحمد123]

لاحول ولاقوة الا بالله االعلي العظيم ايه الافكار الجهنمية اللي بتجبوها دي ومنيين العامل والاداري والمعلم والطبيب والزبال كلهم منظومة واحدة تروووس في منظومة واحدة لو انكسر ترس تعطلت المنظومة كل انسان في المجتمع المصري له قيمته وفايدته لكن للاسف معندناش قيادات بتفكر ازاي نستفاد من طاقات المجتمع فاصبح المجتمع متخبط او كسلان او تايه المشكلة مش في المعلم والاداري والعامل وغيرهم المشكلة في سوء التخطيط وعدم شموليته واستقراره علي هدف معين ومن ثم استعلال كل فرد وكفاءته لا الله الا الله لك الله يامصر يارب استرها وخرجنا من المحنة دي علي خير فوضييييييييييييييييييييييييييي حتي في الكلام مع بعضنا

[محمدمحمد123]

علي فكرة انا مش اداري انا معلم اول ا ووكيل مدرسة وبدخل الفصول وبدرس

[مجرد حلم]

الادارى بلطجى فى مدرسته

[alipapa]

اعمل استبيان عن عمل الاداريين بالمدارس سوف ترى ان 90 % لا يعملون على الاطلاق او اعمال سنوية وطوال العام فاضيين او اعمال شهرية والله على ما اقول شهيد انا عملت فى مدارس كثيرة جدا والنسبة لصالح الاداريين لانه ربما يخرج الاستبيان اعلى من ذلك