اضراب داخل المعاهد لحين وصول الاسماء رسميا

[John.thmith]

ارجوا من اخوانى المتعاقدين انهم لا يسكتوا لمجرد
قرار نزل فى جريدة او حتة ورقة ف منطقة ازهرية
كل هذا مجرب من قبل وكلنا عارفين كدا كويس والكلام ده مش جديد علينا
فأرجو من كل متعاقد عايز حقه ان يذهب الى معهده ولا يمارس عمله داخل الفصل
لحين وصول الاسماء فعلا كما وعدونا انها يوم الاحد 2/10
وادينا انهارده 5/10
ومفيش اسم واحد وصل اى منطقة ومفيش جديد
يارجالة الموضوع عايز وقفة والله احنا مش بنقول نعمل اعتصام او شغب
ببساطة عندما نمتنع عن دخول الفصول المعاهد هتبلغ المناطق
والمناطق تبلغ المشيخة وبالتالى يسارعوا ف موضوع الاسماء لان هذا هو الدليل على التثبيت
لا عبرة بالورق ولا الجرايد ولا النت ان ماكنتش تشوف اسمك فى منطقتك وتعمل مباشرة عمل
فأنت مازلت عقد ان لم تمر بالاجراءات السابقة فأنت مازلت عقد
فياريت يكون هناك اضراب داخل المعاهد علشان نستعجلهم شوية فى ارسال الاسماء

[sebeh_sebeh]

انسي ياعمرو*قصدي يأبوخلاوي *روح اعتصم لحالك

[ياسر محمد المقدم]

المشاركة الأصلية كتبت بواسطة john.thmith

ا
لا عبرة بالورق ولا الجرايد ولا النت ان ماكنتش تشوف اسمك فى منطقتك وتعمل مباشرة عمل
فأنت مازلت عقد ان لم تمر بالاجراءات السابقة فأنت مازلت عقد

كلامك هذا صحيح وياريت المتعاقدين يتحكوا شوية

[hassanheby]

انا معاك فى الاعتصام حتي وصول الاسماء واقالة شيخ الازهر

[مونومونو]

شيخ الأزهر فى موقف محرج جداً بعد بيان الاسبوع الماضى
وقد مر أسبوع دون وصول الكشوف

[sebeh_sebeh]

حتي يقضي الله أمرا كان مفعولا؟؟؟أنت تريد وأنا أريد ولكن الله يفعل مايريد*

[sebeh_sebeh]

وما تشأون إلا أن يشاءالله رب العالمين

[مستر محمود عبد العاطى]

هو مش فى دماغه شى

[hassanheby]

يا اساتذه لما هم بيكذبوا ليه عشان خائفين منا

[Step By Step]

فيه كشوفات واسماء وصلت منطقة الجيزة

والصور معانا

بالاسماء

[samiro returning]

ربنا يقدم اللى فيه الخير يا جماعه بجد الواحد زهق وجاب اخره من الموضوع ده

[عمر محمد رمضان]

واللة يا أخى انت كلامك صح عمرهم مهم عملين حاجة لابد يبقى فية واقفة بجد دا احنا بناكل وبنشرب من الكلام دة فوق ال30 سنة.اخوك عمر محمد رمضان .مدرس لغة فرنسية. منشأة بطاش .تمى الامديد.الدقهلية

[John.thmith]

ناس مصر فاهمين ومبيخيلش عليهم تصريحات كبار المسؤلين
انما الصعيد كله تخبط ومفيش اتفاق فى الرأى كل واحد عامل نفسه صح
والباقى غلط

[مدحت عمر]

يا جماعة انا مضرب حتى الان ولكن هفض اضرابى يوم الاحد القادم لعدم الجدية من المتعاقدين وعدم رغبتهم فى التثبيت وهذا ما اكده الكثير من المتعاقدين حتى بعد علمهم الاكيد بان ما كان من اخبار عن التثبيت فهى كذب وتم التأكيد على ذلك وهم يعلمون تمام العلم بذلك وبالنسبة للجيزة فما حدث من قرار او كشوف او غير ذلك فقد كذبه متعاقدي الجيزة بانفسهم على الفيس بوك وعلى هذا المنتدى وتم تكذيبه من ان هناك اسماء او كشوف او قرارات صحيحة وانما هى قرارات مضروبة ولا تمت الى التثبيت باى شئ وعلى ذلك فاننى انادى المعلمين المتعاقدين الشرفاء بالاتفاق على موعد لعمل اضراب شامل فى جميع الجمهورية وفى خلال هذه الفترة التى تسبق الموعد المتفق عليه نقوم بنشر الخبر و التفيذ و شحذ الهمم ومضاعفة الاعداد حتى تكون ثورة شاملة ووقفة للجميع

[عبدالله1983]

السلام عليكم اولا"
اعلن متعاقدي الازهر الشريف في محافظة الشرقيه انهم سيدخلون في اضراب مفتوح بدءا" من 11/10/2011
وذلك في المعاهد الاتيه
1-معهد واحد الصالحيه
2-معهد سبعة بحر البقر
3-معهد بنين2بحر البقر
4-معهد فتيات بحر البقر
-معهدبنين 6 بحر البقر
معهدفتيات 6 بحر البقر
معهد ابتدائي6
معهد ابتدائي7
وذالك للمطالبه بالمسواه بيننا وبين ذملائنا في التريه والتعليم بالاختصار في كل شيء
والله الموفق