موضوع مهم

[Abdelrahman Mousa]

كيفية التعامل مع موجه متسلط لايعجبه اى شىء ويهن المعلم ويهدد دئما بنقل المعلم وخصوصا اننا متعاقديين, وهل التقرير الفنى ضروى للمعلم ؟

[Observer]

مرة موجه بيهزر معايا برخامة فبيقولى انت متعاقد واسمك معرفش ايه وجو الرخامة ده قلتله تصدق انتو كرهتونا فى الشغلانة دى واوعدك اول ما اتثبت مش شغال نهائى ولا ماسك طباشيرة، عزيزى مستر اسلام متشغلش نفسك بحد هوايته هى المريسة على خلق الله وحاول تتجاهله بكل الاساليب ولو اهانك مره هينه مرتين واديله فوق دماغه لان مفيش حد احسن من حد، اما التقرير الفنى فاعتقد انه ملوش اى لازمة عمليا بس الاهم تراعى ربنا فى شغلك وده اهم شئ.

[مهندصلاح]

مااكثر الموجهين الرخما فاهمين ان احنا شغالين في وسية ابوهم

[أ/مصطفى محمود]

يا بني ده الفرق بين موجهين التربية و التعليم المتعاونين والفاهمين
و موجهين الازهر عديمي القيمه لا شغله ولا شغلانه
ويا ما ضحكت على الموجه واثبت له انه بطيخه كبيره
لو عايز يقول عليك تمام الموجه اذا كان فاهم معنى التوجيه اصلا
خلي الاولاد في الفصل عندك تسأله سؤال بحكم خبرته الكبيرة والعتيقه في مجال التغليس أقصد التدريس
او اكتب له مثال أو سؤال تخليه يلف حولين نفسه
و ساعتها هيكره ميدخل عندك
ده اللي بعمله بحكم تخصصي
وخصوصا لو كان موجه شرعي أو مش متخصص ويدخل يتفلسف عليا مش برحمه بخلي الاولاد تضحك عليه
لانه يستاهل كده

[أبوخيرى]

رأى مثل رأى المستر حاول تسأله أسئلة تربكه عشان تحسسه إنه ...............ولا حاجه

[ياسر محمد المقدم]

أولا احب اطمنك ان تقرير الموجه حاليا للمتعاقد مالهوش اى فايدة لان الاوراق الخاصة بالتثبيت خلاص سافرت للقاهرة كما انه لن يطلب التقرير الفنى لاوراق التثبيت
الشئ الثانى ان المدرسين كانوا بيهتموا بالتقرير الفنى ده زمان لما كان فيه اعارات اما الان فان الاعارات اصبحت قليلة وشبه معدومة
الشئ الثالث هو ان الموجه اذا قام بنقلك بدون تقصير منك فبامكانك انك تقرفه وابعت شكاوى مسجلة بعلم الوصول للمحافظ واشتكيه فى النيابة الادارية لانه نقلك تعسفياً
واخيرا اقول للموجهين الغلسين الرخمين المنفوخين على الفاضى هانت المتعاقدين قربوا يتثبتوا وابقوا ورونا ازاى هتقرفوهم بعد كده ياناس يا تييت
ملحوظة كلمة تييت هو صوت الصفارة التى توضع فى البرامج التليفزيونية لحجب الشتائم عن اسماع المشاهدين

[احمدميدو35]

انا رأى عامل الموجه بمثل معاملته ان كان محتلام عامله كويس وان كان غير محتلام فقلل من احترامه وعامله وحش ولا يهمك منه لانه مش هيقدر يعملك حاجة وساعة الجد حتلاقى ناس من الادارة تقف معاك لانها مش بتحب الاذى

[حمدي النقير]

السلام عليكم ورحمة الله وبركاته
اخواني أخوكم مدرس متعاقد تخصص حاسب آلي مرة جاني موجه لا علاقة له بالكمبيوتر
وأقسم بالله العظيم قاللي هوا الجهاز بيشتغل منين
وهو اصلا خريج علوم وأخدوه كده علشان يكملوا العدد ...................... وعجبي

[mohamedmolahiz]

http://www.facebook.com/groups/142322852510836/
ادخل على هذا الراربط لتكوين اكبر تكتل لمتعاقدى الأزهر

[مصطفى جمال 1984]

ياما دقت على الراس طبول والواحد كالاسد لية لانة بيستحمل

[مستر محمود عبد العاطى]

والله المشكله دى كبيرة ومحتاجه وقفه منا جميعا يد واحده

[حسن الامين على]

المشاركة الأصلية كتبت بواسطة اسلام امير

كيفية التعامل مع موجه متسلط لايعجبه اى شىء ويهن المعلم ويهدد دئما بنقل المعلم وخصوصا اننا متعاقديين, وهل التقرير الفنى ضروى للمعلم ؟

الاخ اسلام
كل موظف فى الدولة له حقوق وعليه واجبات وله حدود
فليس معنى انه موجه انه مسموح له بان يهين المدرس ولا تنسى ان الموجه ووكيل المعهد وشيخ المعهد ووكلاء المناطق ومدير المنطقة والمستشارون كل هؤلاء موظفين يعنى يمكن التحقيق معهم ومجازاتهم فى حالة الخطأ

وانصحك اذا كنت على حق وهو كما قلت ان تتصيد له خطأ او كلمة فيها اهانة او كلمة تهديد ويكون معك شهود سواء من الطلبة او من المدرسين وارفع مذكرة فى هذا الموجه الى المنطقة الازهرية واذكر فيها ما حدث بالتفصيل وتاكد انه سوف ينقل او يجازى
واذا لم تعطيك المنطقة الازهرية حقك فتوجه الى النيابة الادارية واتفرج عليه
ولكن اذكرك اخى اسلام لاتكتب فى المذكرة الا ما حدث ولا تكتب شيئا لم يحدث من اجل الانتقام .......وتوكل على الله فان الله سينصرك ان شاء الله

اخى اسلام لا تسمح لاى شخص مهما كانت وظيفته ان يهينك ولكن المهم قبل ذلك ا ن تؤدى عملك على اكمل وجه
ويكون دفتر التحضير كامل والعنوان والتاريخ مكتوب على السبورة

واعلم يا اخى ان الاشخاص الذين يجترأون علينا ذلك ليس شجاعة منهم وانما نحن نعطيهم الفرصة بسكوتنا على تطاولهم

[احمد وائل رفيع]

والله الموجه عندى لما جاب التقصير على وحاولت افهمه ان الطلبه مش بتذاكر نهائى وكل شئ يقول عليه اقوله عملت كده وقعدت اناقشه اعطانى تقدير جيد جدا
ولما بعد كده قلت له الطلبه شاطرين وشغالين وكل ما يقول شئ اقول عملته اعطانى تقدير ممتاز
الناس دى عايزة اللى ياخدها على قد عقلها
وربنا يشفيهم