احنا مش مدرسين والله

[اميمة طه]

السلام عليكم ورحمة الله وبركاته احبتى فى الله
********************************
**********************
طبعا احنا كمدرسين ومدرسات فى ظروف لا نحسد عليها
كلنا فرحنا بالحد الادنى للاجور وانا كنت ارد واقول اللى فرحان فرحان ليه
ده الحد الادنى ده معمول للدبلومات انما احنا كليات وفى اللى معاه ماجستير ودكتوراه
اكيييييييييييييييد هنعدى بمراحل
وتاتى الصدمة
ملناش فى الحد الادنى
برغم التصريحات من الوزير والمالية
المهم
شوية تانية 200%
فرجت خلاص ....قشطة مش مهم الحد الادنى الرقم جميل وراضيين
صدمة تانية
ملناش عشان الكادر
يادى المصيبة
الوزارات كلها تصرف عشان رمضان والعيد ووزارتنا كمان الا المعلمييييييييييييين
ممكن مش هنعيد او مش حسبنا مسلمين الله اعلم
250 بتوع المشير
ولا الهوا ملناش فيهم الا المعلمين
ايه اللى بيحصل يا جماعة هو احنا المغضوب عليهم
واللى يغيظ تصريحات الحكومة بان التعليم على قائمة اولوياتنا
بس يظهر القائمة مش بتاعة السنة دى او ممكن تكون القائمة اللى احنا فيها وقعت
سيبك من كل ده
الناس الجهلة بس اللى متعرفش قيمة المدرس
االمدرس يا جماعة مش واحد ماسك طباشيرة وخلاص حتى والله لو بيدى دروس خصوصية
شوف اللى حصل من يوم الاضراب
*************
المدرس مش بس طباشيرة
والناس اللى تقول يعنى المدرس بيعمل ايه طول السنة
انا اقولك بيعمل ايه وياريت الناس تشارك معايا
1- طبعا التدريس ..........وان كانت فى رايى هى اقل الاعمال اهمية
2- نصح وارشاد التلاميذ
3- اداة وصل بين اولياء الامور والمدرسة
4- حماية المدرسة
5- حماية التلاميذ داخل المدرسة
6- تشجيع المتفوقين على الاستزادة
7-حل المشاكل العامة والتى قد تصل للاسرية للتلاميذ
حاجات كثيرة من هذا القبيل
بالاضافة الى 1- عمل لجان من المدرسين لتسليم الكتب
2- لجان من المدرسين للاشراف على نظافة المدرسة
3- لجان لكتابة السجلات والقوائم
هاتلى واحد فى اى مصلحة تانية او وزارة بيكتب او بيعمل اللى بنعمله
هل الدكتور مشرف نظافة فى المستشفى
ممكن يقعد يكتب كشوف الحضور والانصراف
وما خفى كان اعظم
عيب على الناس اللى مستكترة على المدرس يعيش عيشة كريمة
المدرس ده اللى هيخلى ابنك احسن منه
هيخليه دكتور وعالم وبتاع بترول وكهرباء
يعنى هيوصله للمرتبات اللى المدرس نفسه مش قادر يوصل لهل

[اميمة طه]

عاوزة اقول حاجة كمان
الناس فى مصر بتبقى عاوزة الاستاذ يفتح دماغ العيال ويحط المنهج فيه وكل حاجة مسئوليته
بالنسبة للدروس
الناس اللى بتودى ولادها ياخدوا دروس
مش عشان المدرس معندهوش ضمير
لالالالالالالالالالالالالالالالالالالالالالا
عشان الاهالى مش عارفة تتابع ولادها فحبت تقول قال يعنى عملوا اللى عليهم وودوهم للاستاذ
اذن استاذ الدرس مش للشرح انما للمتابعة

[mr jemmy]

نسيت البوابة والاشراف والذل والمهانة

[اميمة طه]

المشاركة الأصلية كتبت بواسطة mr jemmy

نسيت البوابة والاشراف والذل والمهانة

ايوه والله
ازاااااااااااااااااااااااااااااى
يقعد على البوابة
ميجيبوا افراد امن للمدارس
شوفتوا بقا المدرس مش للتدريس وبس
وفى الاخر يقولك ايه يعنى ما بيدى دروس
مش جايز الناس اللى بتدى دروس دى حالة من الاسقاط على المجتمع بالاضافة للحاجة
كرامة المعلم المصرى لن تستقيم الا بالمرتب الذى يعينه على الحياة الكريمة

[اميمة طه]

انا غيرت العنوان
لانى للحظة بجد حسيت اننا فعلا اكبر من اننا نكون مدرسين
عارفين امتى احسب نفسى مدرسة
لما ابقى رايحة لهدف التدريس وبس
ومترميش عليا الولد نجح ولا لاء
استوعب ولا لاء
اكتسب مهارات ولا لاء
متشغلنيش بمشاكل الولاد فى المدرسة والبيت
متحملنيش مسئولية نسبة المدرسة وانها لو وحشة يبقا انا معملتش اللى عليا

لما اخرج من بيتى زى دكتور الجامعة واركب عربيتى
معيش كشكولى ولا علبة الطباشير ولا كشف الدرجات
مش مرتبطة بحصة
محترمة على كل الاصعدة والمستويات فى المجتمع
لما اعدى دكتور الجامعة
ابقى مدرسة
يا جماعة الهرم التعليمى بالمقلوب

[eshak2009]

مــــــــــــصـــــــــرفـــــــــــــــــــوق الجمــــــــــــــــــــيع

[mohammed ahmed25]

مصر و التعليم فوق الجميع

[اميمة طه]

up
up
up

[ابن الأكرمين]

الحمد لله أن حضرتك وضحتي النقاط الإيجابية للمعلم علشان الناس تعرف وتعترف بقيمته فهو أساس هذا المجتمع لايختلف دوره عن الطبيب والمهندس .........الخ

لازم يستمر الإضراب حتى تحقيق المطالب وعود أحمد