أخر مهزلة : أولياء الأمور يعتدون على المعلمين بالسويس بسبب الإضراب

[هيما2011]

أولياء الأمور يعتدون على المعلمين بالسويس بسبب الإضراب

الثلاثاء، 20 سبتمبر 2011 - 16:48

إضراب المعلمين
السويس – رأفت إدوار

فوجئ المعلمون فى عدة مدارس بمحافظة السويس بأولياء أمور التلاميذ تدخل مدارسهم وتعتدى عليهم بالضرب والسب رافضين إضرابهم عن العمل.

وقام ولى أمر تلميذ اليوم بمدرسة سامى البارودى الابتدائية بالاعتداء على مدير المدرسة وأصابه بعدة جروح وقام مدير المدرسة بتحرير محضر بالواقعة رقم 5682 لسنة 2011 جنح الأربعين.

كما شهدت مدرسة كبريت الابتدائية نفس المشهد وأصيب معلم لغة عربية وتم تحرير محضر بالواقعة بقسم شرطة الجناين، وفى مدرسة أحمد شوقى الابتدائية تم التعدى على وكيل المدرسة من أحد أولياء الأمور بعد أن قام بسب المعلمين بالمدرسة وتحرر محضر بالواقعة بقسم شرطة الأربعين تمت إحالة كل محضر للنيابة العامة لمباشرة التحقيق.
http://www.youm7.com/News.asp?NewsID=496416&

[ريرى عثمان]

ما هو احنا بقينا ملطشة

[عادل السيد احمد]

وعملتوا ايه مع الاطباء/عموما هذا سيزيد المعلمين اصرارا وثبات ولن يتراجع المعلمون/لقد انتهى زمن الخوف

[هاملت1]

هذا نتاج تحريض الوزير القزر

حسبنا الله ونعم الوكيل

[هاملت1]

أطرق بمطرقك الرؤوس إذا حرمتك من مرادك
واحصـد بمنجلك الرقــاب إذا تمادت في عنادك
واحكم بأمرك فـي بـلادك ولا تُغرَّب عن بـلادك
أنت الذي زرع الحياة فمن شريكك في حصادك

[الهيثم2011]

اعتقد ده تحريض من جماعة الإخوان ده اسلوبهم عملوه قبل كده في اليمن في المعاهد العلمية مع اللى يخالفهم الرأى ومعروف السويس فيها نسبة كتيرة اخوان

[ريرى عثمان]

ومعلشى يا جماعة ده شئ متوقع ------- عندنا فى السويس كذا واقعة تعدى وضرب من اولياء الامور للطلاب --- والمديرية مزنقة علينا جامد وعاملة لنا الانصراف من الساعة 2ونص الى الساعة الثالثة بالرغم من ان الحصة الثامنة بتنتهى الساعة 2وعشرة --- وبالرغم ان ما فيش حصص اصلا بسبب الاضراب بنقعد فى المدرسة من 8 صباحا الى الثالثة مساءا ---- والله على قلبنا زى العسل وبنقول معلشى --- اللى اخذ موقف عليه ان يتحمل ضريبة هذا الموقف للنهاية --- ومن ضريبة موقفنا رد فعل اولياء الامور --- غلطان اللى يتوقع انهم يستقبلونا بالورود مثلا -- هما بردوا قاعدين قدام التليفزيون وسامعين اننا بنقبض 2000 و4000 وكلام فارغ --- الثبات يا جماعة ارجوكم
حسبى الله ونعم الوكيل

[الهيثم2011]

اقترح علي كل المعلمين غير المضربين و من خلال النقابة اواى ائتلاف حر للمعلمين رفع مذكرة تأييد لمطالب المعلمين الى وزارة التربية والتعليم يؤيدفيها غير المضربين اخوانهم من المعلمين المضربين ويحذرون فيها الحكومة من تخوين المضربين لأنهم في النهاية مصريين ويستنكرون بعض تجاوزات الإعلام فى تحريض الرأى العام وإلا سوف ينضمون الى ركب الإضراب وهذه الخطوة ستبين مدى وحدة صف المعلمين وتوزع المذكرة على جميع المدارس حتى يوقع عيها كافة المعلمين عموما بعض المدارس عملت كده

[كتكوت الامير 10]

المشاركة الأصلية كتبت بواسطة الهيثم2011

اعتقد ده تحريض من جماعة الإخوان ده اسلوبهم عملوه قبل كده في اليمن في المعاهد العلمية مع اللى يخالفهم الرأى ومعروف السويس فيها نسبة كتيرة اخوان

الاخوان اخذوا اوامر من المرشد بتعهم بعمل ذلك وايضا التحريض من قبل رئيس الوزراء وايضا الفلول وايضا وزير التعليم والمستشارين وكل ذلك دليل علي نجاح الاضراب وان المعلمين سوف يحصلوان على حقهم وكرامتهم والله مع المظلومين والمعلمين مذلولين مدرس راكب توك توك عشان مش عارف يأكل اولاده ويركب معه الطالب عشان يوصله ويمدله جنيه وثاني يوم يقف في الفصل عشان يعلمه اين الحق واين الظلم

[سيف سالم]

ولي الامر غبي
بعد ما ضرب المدرس
هل المدرس حيعلم ابنه
يبقى يقباني

[مدحت أبوجهاد]

وهو ده المطلوب معلم في مواجهة ولي أمر وسلملي علي وزارة التعليم

[heronet2500]

خلي الوزير يفرح

[khaled1968]

اقول لهؤلاء اولياء الأمور ان انتم كالانعام وانتم سفلة وعديمى الأدب والتربية روحوا اشطروا على الوزارة القذرة التى جعلتكم تصرفوا على الدروس فى السنة بالالاف على اولادكم بسبب اهمال الوزارة للمدرس بدل ماتعتدوا على المدرسين قفوا معهم وطالبوا الوزارة القذرة بتحسين اوضاع المعلم واعطاؤه مرتب مثل زملائه فى الضرائب والبنوك والبترول وامنع الدروس والله ابنك لن يحتاج الى مدرس خصوصى ويوفر عليك الاف كل عام واليوم جيين تعتدوا عليهم يعنى اصبح المدرس فى هذه البلد المعفنه لاقيمة له عند حكومته ولا قيمة له بين طلابه كل عام وانتم بخير على مصر واقول لهلاء الاولياء اللى عاملين رجالة والله ماتقدر تعتدى على عسكرى ى قسم لأنك لو اعتديت على اى عسكرى والله سوف تضرب بالجزمة وتشتم باقبح الالفاظ وممكن يعملوا فيك ................؟
ايها المدرسون انتم فى بلد مش قادر اوصفها

[farstar]

انا اعتقد يا جماعة ان ده كله بسبب تحريض الحكومة لأن اليوم فى خبر بيقول صرف الحوافز للمعلمين بأثر رجعى وطبعا ولى الأمر ميعرفش ان الحوافز المقصودة فى الخبر هى اللى مش راضيين عنها المعلمون وهى اصلا سبب الاضراب وانا اول مقرأت الخبر قلت أكيد اولياء الامور هيعتدوا على المعلمين لان الخبر معناه ان الحكومة نفذت طلبات المعلمين ( الطماعين) و لسة بردو عاملين اضراب وحسبنا الله ونعم الوكيل والله العظيم ما فيش حاجة اتغيرت فى مصر.

[elmester3]

المشاركة الأصلية كتبت بواسطة khaled1968

اقول لهؤلاء اولياء الأمور ان انتم كالانعام وانتم سفلة وعديمى الأدب والتربية روحوا اشطروا على الوزارة القذرة التى جعلتكم تصرفوا على الدروس فى السنة بالالاف على اولادكم بسبب اهمال الوزارة للمدرس بدل ماتعتدوا على المدرسين قفوا معهم وطالبوا الوزارة القذرة بتحسين اوضاع المعلم واعطاؤه مرتب مثل زملائه فى الضرائب والبنوك والبترول وامنع الدروس والله ابنك لن يحتاج الى مدرس خصوصى ويوفر عليك الاف كل عام واليوم جيين تعتدوا عليهم يعنى اصبح المدرس فى هذه البلد المعفنه لاقيمة له عند حكومته ولا قيمة له بين طلابه كل عام وانتم بخير على مصر واقول لهلاء الاولياء اللى عاملين رجالة والله ماتقدر تعتدى على عسكرى ى قسم لأنك لو اعتديت على اى عسكرى والله سوف تضرب بالجزمة وتشتم باقبح الالفاظ وممكن يعملوا فيك ................؟
ايها المدرسون انتم فى بلد مش قادر اوصفها

أثلجت صدرى وقولت اللى نفسى اقولة