(تضامناً مع مطالب المعلمين )

[محمدابوشهد]

وردية ف كبارية
شعر:ماهرمهران
(تضامناً مع مطالب المعلمين )
أنا مش داخـــــــــل فصل أنا مش هاشـــرح كلمة
ولاعاطى حقن ولا مصل خلّى السـنة دى ضلمة !!
...
بعد ما أعلنت مطالـــــبى بطريقة حضارية مسالمة
قفل وزيـــــــــــرنا الباب وطنّـــــــــــــــشنا بالجملة

وسمع كلام أبوســــــريع اللى عمل ميـــــــة عملة
القطرالمجرى الســــريع اللى بيحــــــــــفركالنملة

أنا مش داخــــــــل فصل وهادخـــل فصل إزاى ؟
وأنا أقـــــــــــــــــــل فئة من الفئـــــــات العاملة ؟

أنا اللى بانى عقـــــــول بقيت مش لاقى الفـــول
ياقيــــــــــادة تبع الفلول فين القوانيـــن العادلة ؟

هو وكاست المستشارين يهبشوا بالملاييـــــــن
وأحنا الشقيـــــــــــــانين أشتهيـــــــــــنا العملة !!

وسبت اللى هتفوا لعزمى كمال سليــمان ورمزى
شحتنا على ناصية عدلى بسبب قراراتكو الهبلة !!!

وعشان نعيـــــــــش يابيه رُحنا وردية ف كبارية
تقدر تقـــــــول ناقص أيه عشـــــان نحلّ المعادلة ؟!