إضراب الإخوان عن الإضراب مش هيفرق وبالدليل

[أحمد على فارس]

المعلمين خايفين فشل الإضراب من إعلان الأخوان إنهم لن يشاركوا
طيب نحسبها بالعقل كام نسبة الإخوان
محدش يقولى كذا فى المية
كل واحد عارف مدرسته فيها كام معلم ومعلمة بالظبط
وعارف فيه كام معلم ومعلمة تبع الإخوان برضه بالضبط
أقسم عدد معلمى ومعلمات الأخوان فى مدرستك ÷ العدد الكلى للمعلمين فى مدرستك = النسبة بالضبط
أتحدى أن النسبة ستتراوح بين 1: 7 % وكل معلم يسأل زميله فى المدارس الأخرى
وممكن كل معلم مشارك فى المنتدى يقول النسبة هنا عشان نعرف إن الإخوان مش بالخطورة اللى مصورينها للناس
وشكرا
أبدأ أنا النسة عندى بالظبط 3.5%

[m_salam]

النسبه 1./ اخوان

[لوجين20]

تقريبا ماعنديش اخوان
بس المشكلة من هما كام
المشكلة هاياثرو على كام؟

[أحمد على فارس]

المشاركة الأصلية كتبت بواسطة لوجين20

تقريبا ماعنديش اخوان
بس المشكلة من هما كام
المشكلة هاياثرو على كام؟

هيأثروا إزاى على غيرهم
أيه مصلحة أى معلم إنه ميخدش حقه

[medo-aya]

احنا مدرستنا 14 فصل فى 3 اخوان قولنا ليهم كل واحد ياخد مرحله واحد لاولى اعدادى وواحد لتانية والتالت لتالته اعدادى وخليهم ميضربوش ويشربوا المدرسة كلها واحنا وراهم والزمن طويل

[لوجين20]

المشاركة الأصلية كتبت بواسطة أحمد على فارس

هيأثروا إزاى على غيرهم
أيه مصلحة أى معلم إنه ميخدش حقه

ممكن يحرم الاضراب فى نظره ويقوله مصلحة البلد اللى بتوقع
حاجة زى كده

[essa adel]

أعلن السيد أبو المجد رئيس النقابة العامة للمعلمين تضامن نقابته العامة واللجان النقابية مع المعلمين فى إضرابهم والمتوقع أن يتم فى أول يوم للدراسة السبت القادم .
يأتى ذلك فى الوقت الذى ارتفعت فيه عدد حركات وروابط المعلمين الداعية للإضراب اعتراضاً على قيمة حوافز العاملين بالتعليم إلى 20حركة ، ويطالب المعلمون وفقا لما أعلنته النقابة المستقلة للعاملين بالتعليم بإقالة الدكتور أحمد جمال الدين موسى، وزير التربية والتعليم، من منصبه، وإبعاد مكافأة الامتحانات وبدل الكادر عن إجمالى الحوافز، وصرف الـ200%حافز إثابة، وتثبيت المعلمين المؤقتين فى جميع المحافظات، وعودة نظام تكليف خريجى كليات التربية، وزيادة قيمة مكافأة الامتحانات وإلغاء اختبارات الكادر، ووضع حد أدنى لأجر المعلم 1200 جنيه، وتعديل قانون نقابة المهن التعليمية.
وإلى جانب النقابة المستقلة سيشارك فى الإضراب كل من: حركة "معلمون ضد الفساد"، واتحاد المعلمين المصريين، ورابطة "معلمون مخلصون لمصر"، واللجنة التأسيسية لنقابة حرة للمعلمين، وحركة معلمى 25 يناير، ورابطة نهضة المعلمين، ورابطة الأخصائيين الاجتماعيين، وتجمع "معلمون صناع الغد"، ورابطة كرامة المعلم، وجمعية المعلم، وتجمع "صوت اتحاد المعلمين"، وائتلاف شباب المعلمين بكرداسة، ومعلمى شرق شبرا الخيمة والساحل، ومعلمو برج العرب بالإسكندرية ومعلمو محافظات بورسعيد والبحيرة وسوهاج

[essa adel]

معلمى كفر شكر مع الاشراف فى الاضراب

[أشرف بونو]

مدرستي كان مديرها من الاخوان اتنقل النهارده يبقي كده المدرسة 50 مدرس نسبة الاخوان فيها صفر %

[عبدالله10]

مع الف سلامة بيهم من غيرهم اضراب