ارفع راسك فوق انت معلم

[اييمى]

ده شعار المعلمين النهارده فى وقفة المعلمين

انا لسه راجعه حالا من هناك

مش قادرة اوصف سعادتى بالمشاركة النهارده والله انا نزلت وانا مريضة جدا لكن يكفينى شرف النزول مع زملائى ومساندتهم


اليوم جميل جدا ومنظم جدا ومعظم المحافطات كانت حاضرة النهارده وبجد منتهى الاحترام والادب والنظام


لكل معلم مصرى ارفع راسك فوق انت معلم

احنا مش عايزين فلوس وخلاص ولا احنا انتهازيين احنا عايزين نهضة للتعليم بكل فروعه

[أخصائى مكتبات]

المشاركة الأصلية كتبت بواسطة اييمى

ده شعار المعلمين النهارده فى وقفة المعلمين

انا لسه راجعه حالا من هناك

مش قادرة اوصف سعادتى بالمشاركة النهارده والله انا نزلت وانا مريضة جدا لكن يكفينى شرف النزول مع زملائى ومساندتهم


اليوم جميل جدا ومنظم جدا ومعظم المحافطات كانت حاضرة النهارده وبجد منتهى الاحترام والادب والنظام


لكل معلم مصرى ارفع راسك فوق انت معلم

احنا مش عايزين فلوس وخلاص ولا احنا انتهازيين احنا عايزين نهضة للتعليم بكل فروعه

ربنا معانا باذن الله..

[محمدرخا]

الف سلامة عليكى بس كنا عايزين نعرف حجم الاعداد المشاركة

[اييمى]

ان شاء الله خير

الله يسلمك

الاعداد تقدر بالالاف وفى تزايد مستمر ومنظمين جدا ومن كل الفئات والاعمار والمحافظات المختلفة

اول مرة احس اننا متحدين

ربنا يوفقنا للخير

[heronet2500]

الله اكبر الله اكبر

[mr jemmy]

على فكرة انسوا مافيش حد هيعبرنا وهيريحونا باى كلام وخلاص ولما تبدا الدراسة هيطنشوا وافتكروا كلامى ده وهتقولوا عندك حق يا جيمى

[mr jemmy]

شكلك كنتى بتحلمى اصحى وفوقى انتى فى مصر وبرده مافيش فايدة ولا عايدة

[SAMY8]

يا اساذجيمى انت بتلف على كل الصفحات عشان تقول نفس الراى متوفر رايك لنفسك خلاص عرفنا اننا مش هنعمل حاجه يكفينا شرف المحاولة واننا مقعدناش زى الولايا نثبط فى الهمم لكن السؤال لو احنا حققنا مكاسب الن تستفد منها فعلا يقوم بالثورة جرئ ويجنى ثمارها جبان

[ayman3body]

يا اساذجيمى انت بتلف على كل الصفحات عشان تقول نفس الراى متوفر رايك لنفسك خلاص عرفنا اننا مش هنعمل حاجه يكفينا شرف المحاولة واننا مقعدناش زى الولايا نثبط فى الهمم لكن السؤال لو احنا حققنا مكاسب الن تستفد منها فعلا يقوم بالثورة جرئ ويجنى ثمارها جبان

الله عليك يا أستاذ
أخرصت لسانه

[mr jemmy]

انا ماحدش يقدر يخرس لسانى انا مدرس زيكوا وحاسس بالى انتوا حاسيين بيه بس انا اتعودت على كدة انا نفسى اخلص اليوم الدراسى واروح بيتى واقعد مع اسرتى بس لو فى مرتب كويس يعنى بلا دروس وشكرا يا اخ ايمن انت فعلا محترم واضح من تعليقك انك فى البلوزة وعجبى على مدرس احمق يعلم الحماقة للتلاميذ

[mr jemmy]

با استاذ سامى اتمنى ان ربنا يهدى الوزارة للحق ويعرفوا ان المدرس هو اساس التعليم انا اول ما سمعت بالوقفة نصحت كل المدرسين الى اعرفهم بان لازم نشارك ولاغيت كل شغلى ورحت واشتركت يعنى انا معاكوا وزيكوا شكرا

[SAMY8]

المشاركة الأصلية كتبت بواسطة mr jemmy

با استاذ سامى اتمنى ان ربنا يهدى الوزارة للحق ويعرفوا ان المدرس هو اساس التعليم انا اول ما سمعت بالوقفة نصحت كل المدرسين الى اعرفهم بان لازم نشارك ولاغيت كل شغلى ورحت واشتركت يعنى انا معاكوا وزيكوا شكرا

يا عم جيمى طب ما انت معانا اهو امال قاعد تعقد فينا ليه ثم ان الوزارة مش هتتهدى الا تخت ضغط وهو فى حق بيتاحد بدون ضعط حتى لو ما حققناش حاجة قدام نفسنا مش هنكون ماثرين لكن مع ذلك احنا نجحنا ويكفى الاهتمام الاعلامى الهائل بما حدث امس سعيد بمعرفة حضرتك وفى النهايه كلنا مدرسين والهدف واحد حتى صديقى الا من المنيا وما بيشاركش خالص

[إسماعيل قناوى]

ياريت لا تكونوا مثبطين للهمم شكرا للرجالة اللى شرفونا بالحضور فى المليونية ويكفى أنها أولا ردت على الوزير الذى أكد فشلها والحمد لله لم يتم ذلك ثانيا أصبح هناك من يدافع عنا و لديهم من التنظيم والقدرة على مراوغة الشيطان قصدى الوزير يعنى مش لازم تكون الاستفادة مادية فى حاجات معنوية لو تمت مين عارف ممكن تكون أفضل وكله فى علم الله ومرة أخرى شكرا للرجالة ( و الزميلات طبعا ) الذين رفعوا رؤوسنا عاليا حتى ناطحت الجبال وظهرت هذه الفئة بشكل حضارى يتناسب مع ما تقدمه للمجتمع.

[meslmat]

شكرا للرجالة