|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
05-09-2011, 07:17 PM
|
|||
|
|||
نقاش حول الأسلوب الأمثل للتعامل مع الطلاب المقصرين والمخطئين
السلام عليكم
كثيرا ما يحدث تقصير وأخطاء من بعض الطلاب في الفصل مثل : تقصيرأو أهمال الطالب في عمل الواجبات المدرسية أو أستيعابه في فهم الدروس علي أفتراض أن المدرس يقوم بجهد كبير في شرح المقررات الدراسية وأيضا سلوك الطالب داخل الفصل من مشاجرات مع زملائه داخل الفصل أثناء غياب المدرس عن الحصة لظرف طارئ أو الطلبة كثيري المشاغبات داخل الفصل أو تحدثه مع المدرس بأسلوب غير لائق وأنا أريد النقاش حول كيفية التعامل مع هؤلاء الطلاب مع مراعاة أختلاف تلاميذ المرحلة الأبتدائية عن طلاب المرحلة الأعدادية والثانوية وأيضا الأختلاف بين البنين والبنات هل تعاقبهم بالطرد من الفصل أو تعريف الطالب بأنك أنقصت منه درجات في أعمال السنة أو ارساله الي الأخصائي الاجتماعي للتصرف معه أو استدعاء ولي أمره أو توبيخ الطالب أوتذنبيه أو حتي هناك بعض المدرسين الذين يضربون الطلبة المخطئين وغير ذلك من وسائل التعامل والعقاب مع هؤلاء الطلبة فأرجو التفاعل والمشاركة من كل عضو حسب وجهة نظره مع مراعاة أختلاف المراحل الدراسية المختلفة من أبتدائية واعدادية وثانوية وكذلك أذا كانوا طلبة أو طالبات وتقبلوا تحياتي |
|
#2
06-09-2011, 12:24 AM
|
||||
|
||||
|
اقتباس:
موضوع مهم والله انا عن نفسى عمرى مش بستعمل اسلوب الضرب ابدا فى حياتى مع الطلبة وبالتالى عمرى ما ضربت تلميذ معملش الواجب كمان فكرة الاخصائى الاجتماعى بالمدرسة دى طبعا غير فعالة ابدا لعدم مساعدتهم معانا هم كفاية عليهم يطلعوا فلوس للفقراء وهدايا للمتفوقين ويعملوا شغل على الورق دور الاخصائى الاجتماعى بجد بيبان فى الاعدادى والثانوى كتير وده من واقع عملى وزميلاتى بالمدارس الابتدائية المختلفة اما ولى الامر صعب اه بيجى ممكن بس ممكن لا يفيد الضرب مش حل انا اعتبره تعقيد للطالب بس الترهيب له نتائج فعالة بمعنى انا بتبع اسلوب الضرب ومش ضرب؟!!! بمعنى انا بدخل الفصل من اول يوم كده اعرف الطلبة (رابعة او خامسة او سادسة ابتدائى) اللى عليهم لى واللى عليا تجاههم من توزيع درجات وكده واؤكد على ان الضرب ده للحيوانات ويوم ما ميس..... تضرب تعرفوا ان اللى اضرب ده حيوان مش انسان(ورغم انهم بيضربوا فى العادى كل يوم من مدرسين اخرين الا انا عندى واستوب) وده علفكرة عقاب نفسى وبيجيب نتائج فعالة جدا وبعدين بعرفهم انى فى شنطتى عصاية للحيوانات اللى ممكن تضرب مع مرور الايام طبعا ممكن اضطر اعلى صوتى وازعق بالفصل واهدد بالعصاية وفعلا حصل فى سنة من السنين ان ولد قل فى ادبه جدا وطبعا لان التلاميذ مش بيشوفوا العصاية فقالوا الميس بتهوش المهم انا حذرته مرتين وفى الثالثة قولتلهم احنا قولنا اللى بيضرب بالعصاية حيوان وانا اسفه يا على(اسم الطالب) انك بقيت حيوان وفعلا طلعت العصاية من الشنطة وسط ذهول الطلبة والولد نفسه وضربته عصايتين مكنوش جامدين على أد ما دمروه نفسيا ومن يومها وباقى السنين التلاميذ عارفين ان فى الشنطة عصاية بس مش بتطلع غير للحيوانات وطبعا مش فى كل الوقت العصاية بتبقى معى  بس خلاص فكره وتناقلت بين الفصول وطبعا اسلوب المكافات له اكبر اثر مجرد توزيع بونبون او مستيكة علمجتهدين بيأثر فعليا على الطلبة انا عن نفسى اما بعمل الامتحانات والتقويمات والله بخصص حصتين احتياطى اوزع فيهم الهدايا واقول الدرجات علنى واخطاء التلاميذ علنيا صحيح بيبقى موقف محرج للساقطين بس درجاتهم بترتفع قليلة بعد ذلك وطبعا انا بزق وارفع فى درجاتهم بكل طريقه لاشعرهم انهم بجد بيعملوا حاجة اما التلميذ الضعيف اللى مافى امل فيه بخليه يساعدنى مكتبيا وياخد درجات ملف الانجاز على عمله ده واخليه ادامى يعمل نشاط على ورق كراسة ويلونه واديله الدرجة كاملة للنشاط والله اما فى امتحان اخر العام معه الله اما ملف الانجاز انا اعتقد ان عيب على مدرس يسقط عيل فيه مهما كان مستواه اديله الحد الادنى واعمل اللى عليك لكن تسقطه وتقول هو ضعيف معلش مع احترامى ليك كمدرس اضعف منه وعشان بياخد عند المدرس الفلانى بينجح وبتقدير كمان وده يطلع بملحق ويذاكر بالصيف انتا كمعلم نجحه فى ملف الانجاز ده اللى يخصك وهو ونصيبه بقى فى الامتحان الاكاديمى اخر العام او بنصف العام وعذرا للاطالة مشكور للموضوع التلاميذ الان عاوزين اللى يتكلم معاهم يفهمهم اللى ليهم واللى عليهم مش يفرض كلامه عليهم ويأمرهم باطاعته وبس مشكور لطرح الموضوع
__________________
ما تحسَّر أهل الجنة على شيء كما تحسروا على ساعة لم يذكروا فيها اسم الله
http://www.thanwya.com/vb/forumdisplay.php?s=&daysprune=-1&f=995 ارجو الدعاء والمشاركةالفعالة |
|
#3
06-09-2011, 01:08 AM
|
|||
|
|||
|
احييى طارح الموضوع احمد على الفكرة لان من خلال مناقشتها نعرف خبرات كل واحد داخل الفصل والمشكلات وطرق الحل واشكر ايمان على توضيح طريقتها الرائعة داخل الفصل بالفعل انا اتعامل بشكل قريب من ايمان لا اضرب الفصل الاساسى اللى انا رائدته بس للاسف عندما اعطى مادة اضافية خارج المجموع اجد شوية ظرف من الاولاد مش فى كل الاحيان باضطر اخرج العصا اذا جبت اخرى وده نادر علشان باتبع اسلوب صداقة تلاميذ الصفوف العليا واتعامل معهم على انهم كبار
|
|
#4
06-09-2011, 07:39 PM
|
||||
|
||||
|
تحياتى ليك يا احمد على الفكرة وطرح الموضوع للنقاش
طبعا ايمان ابدعت فى سرد الطريقه اللى انا كمان هاعمل بيها عجبتنى حكاية ان العصاية للحيوان  وهاعملها معاهم طبعا انا دايما باقول انى مش باضرب الاولاد عشان مصلحتهم وكتير مننا بيعملو كده للاسف بنضرب العيال عشان يبطلو دوشة وعشان اعرف اشرح واعمل اللى عليا طبعا ضربى مش بيكون شديد لانه اصلا بياثر على نمو الاطراف للعيال وخاصة للصفوف الاولى وضربى دايما بيكون عنيف لو فى حد استخدم لفظ خارج او قل ادبة على المدرس او اتريق وده من حقى لانها تربيه قبل تعليم بس باوضح للفصل كله ان ده تصرف وحش وبدايقنى وعيب لما نعمل كده صراحة بيتفهمو وبيقولو فعلا غلطان ولازم يضرب حلوة حكاية انك تاخد رايهم فى العقاب وكمان حكاية التشجيع دى تحفه بجد والله انا بافرح اكتر من العيال لما باديهم هدايا وهاغير طريقتى وهاعتمد على التشجيع مش بس المعنوى زى ماكونت باعمل هاجرب المادى
__________________
ان صمتي لا يعني جهلي بما يدور حولي |
|
#5
09-09-2011, 02:55 PM
|
|||
|
|||
|
اقتباس:
|
|
#7
15-09-2011, 10:17 PM
|
||||
|
||||
|
معرفش أنا مش أستاذ
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:14 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
