بكيت من قلبى

[رجاء فكرى ابراهيم]

عندما وجدت زميل لنا بعد عمل لاكثر من ربع قرن يتقاضى معاش زهيد جدا - - هى دى كرامة المعام يا وزارة

[رجاء فكرى ابراهيم]

ياناس مش كل المعلمين بيدوا دروس او مستواهم المادى قوى - - في ناس كثيرة بتنتحر فى اعمال اخرى بقية اليوم

[رجاء فكرى ابراهيم]

لما يلاقى مدير مدرسه بعد اكثر من خمسه و تلاتون عاما عمل و بعد كده يطله ياخد 700 جنيها معاش يعمل بيهم ايه

[رجاء فكرى ابراهيم]

علشان كده بنحنى بكل احترام لكل الاخوه الذين يحاولون ياخدوا حق المعلمين بعد سنوات من السلبيه و مفيش فايده و الخوف المسيطر على القلوب و العقول

[رجاء فكرى ابراهيم]

اذا كان مظاهرات المعلمين بس علشان المعاش والله دا هدف كريم و على فكره فيه سيدات كثيرة تحب تطلع على المعاش او تسوى معاشهاقبل سن المعاش و لكن يا حسرة وجدوا انهم هياخدوا معاش ضئيل جدا

[رجاء فكرى ابراهيم]

الى شاف برنامج احمد ادم فى تركيا و يشوف المدارس و المدرس هناك او اى بلد محترم فى العالم لكن المدرس فى مصر غلبان كل يوم سياسه جديده على حسب الوزير الجديد و المطلوب من المعلم ان يتاقلم مع ه\ه السياسه المنقوله من الخارج مش مهم بقى المدرس له مكان محترم فى المدرسة يقعد فيه يعرف باسم غرفة المعلمين \ى زمان - - - لكن المهم هو المظهر الخارجى الامتياز المدرسى ملفات ورق و علشان المدرسه تنقوم بهايبقى اكيد اهمال للحصص خلينا صرحاء و نفس الحال الجودة

[رجاء فكرى ابراهيم]

مصر دى عمرها ما هتتغير الا لو اتغير الانسان نفسه و الشىء الوحيد الى هيغير الانسان هو التعليم - - و اهم عنصر فى التعليم هو الانسان المعلم و ليس المقصود هنا المعلم وحده لكن كل المنظومه الى بتشكل مجتمع المدرسه دول المفروض بحق ربنا يكونوا احسن فئه من ناحية كل حاجه لازم يكون شبعان وواثق فى نفسه و مش خايف من المستقبل انه هياخد معاش يدوبك ياكله عيش حاف

[رجاء فكرى ابراهيم]

طول عمرنا و على مر العصور كنا نجد العظماء و الحكام ينحنوا باحترام امام معلميهم و لكن الحكومات السابقه ضيعت المعلم و جعلت ه\ا الانسان العظيم يتحول الى اله يلهث ليلا و نهارا من اجل لقمة العيش و فضاع العلم و التعليم و قبلهم المواطن المصرى ال\ى حرم من التعليم بحق عندما كان اى طالب يجد معلمه يقف بكل ادب يسلم عليه - - و لو شفنا اى قصه لاى زعيم و انسان مهم تجد المعلم شىء هام فى حياته

[فاطمة الزهراءمحمد]

المعلم مهان من زماااااااااااان من ساعة ما صوروه فى مسرحيات فؤاد المهندس ببنطلونه القصير ومظهره المتسول
وبعد كدة سمحوا باهانته والتعدى عليه فى مدرسة المشاغبين
المعلم المصرى بقى بيخجل من مهنته لان مرتبه لا يكفيه عيش حاف مش كدة وبس لا ده غير البهدلة وقلة القيمة من اولياء الامور اذا استجرأ معلم وعاقب تلميذه يتجرجر عالقسم ويتعمل له محضر و بعد كدة المدرس يبوس ايد ورجل ولى الامر عشان يتنازل عن المحضر الذى يكون كيدى فى اغلب الاحيان
احنا كمعلمين مش عايزين مجرد زيادة المرتبات لنعيش حياة كريمة احنا عايزين منظومة التعليم كلها يعاد هيكلتها لتخرج مصر من دائرة الدول الفقيرة التى تنتظر المعونات من أى مكان وبأى مقابل الى الدول المتقدمة المتطورة بعقول ابنائها