فتيات الاسلام ساعدوني

[كيمو 5]

السلام عليكم ورحمة الله وبركاته
انا قررت اكتب لكم مشكلتي لاني حسيت بجد انكن اخواتي في الله وممكن تساعدوني
فلا تبخليوا علي بالمساعدة
اولا انا من اسرة من الصعيد متوسطة الطبقة والحمد لله وانهيت الثانوية العامة هذا العام
ولم يساعدني مجموعي في الالتحاق بالكلية التي ارغب بها مع العلم انني بذلت اقصي ما في وسعي لتحقيق رغبتي لذلك قرر ابي ان يدخلني جامعة خاصة وقد اختار لي جامعة من احسن الجامعات واغلاها لانه يخاف علي ويريد لي الافضل
المهم المشكلة هنا تمكن في انني عندما كنت اذهب للثانوية في بلدتي بالصعيد كنت اذهب بالعبايات السودا
الساترة للجسم والحمد لله ولم اتعود علي اللبس الذي تلبسه فتيات الجامعات الخاصة كما تعرفون ولا اريد التعود عليه ولا لبسه لانني اخاف الله
واريد ان اذهب الجامعة بالعباية ومفيش فتيات بالجامعة بتروح بالعباية ماذا افعل
مع العلم انني ساكون مغتربة عن اهلي لاننا نسكن باقصي الصعيد وجامعتي بالقاهرة
افتوني في امري اثابكم الله

[‏Dr.KaR!MaN]

وعليكم السلام ورحمة الله وبركاته
أولا حضرتك تقدري تروحي الجامعه بالعبيات واللبس الواسع عادي ..
ثانيا أنا كمان داخله جامعه خاصه ورحت جامعة 6 أكتوبر وفاروس والأتنين شفت فيهم بنات كتيره لبسه عبيات عادي خالص
فامتقلقيش خالص من الحكايه دي وربنا يوفقك.

[كيمو 5]

المشاركة الأصلية كتبت بواسطة karimanmagdy

وعليكم السلام ورحمة الله وبركاته
أولا حضرتك تقدري تروحي الجامعه بالعبيات واللبس الواسع عادي ..
ثانيا أنا كمان داخله جامعه خاصه ورحت جامعة 6 أكتوبر وفاروس والأتنين شفت فيهم بنات كتيره لبسه عبيات عادي خالص
فامتقلقيش خالص من الحكايه دي وربنا يوفقك.

الله يكرمك يا رب
طيب وبالنسبة لجامعة المستقبل اقدر اجد حد من الطالبات لابس عبايات

[سعادتي في عبادتي]

في عبايات ستايلش جميلة و شكلها أحلا كمان من اللبس العادي

[alea2009]

تقدرى تلبسى العبايات ولا تهتمى بأى حد يقولك انها مش حلوة بالعكس العبايات واسعة ومحترمة وأحسن من لبس كتير موجود حاليا وربنا يزيدك ايمان وتقوى ويثبتك.

[‏Dr.KaR!MaN]

المشاركة الأصلية كتبت بواسطة كيمو 5

الله يكرمك يا رب
طيب وبالنسبة لجامعة المستقبل اقدر اجد حد من الطالبات لابس عبايات

والله أنا مارحتش جامعة المستقبل بس أكيد فيها ولو مافيهاش مش عيب إنك تكوني الأولي اللي تلبس عبيات هناك بالعكس دا شرف ليكي ..‏‎
‎

[Aya Abdelrahman]

بصي أنا عندي حل تضربي بيه عصفورين بحجر

في عبايات دلوقتي حلوة اوي حتى البنات اللي مش محجبين اصلا بيلبسوها لأنها موضة حاليا بألوانها واشكالها
انتي طبعا مش تلبسي ألوان فاقعة اوي لافتة للنظر بس في ألوان هادية وجميلة اوي

منها تباني بمنظر حلو في الكلية ومنها ممكن بنات يشوفوكي بيها وتعجبيهم ويبقوا عاوزين يلبسوا زيك والموضوع ده انا جربته في الخمار كنت بلبس عليه حاجات تحليه ومش تخليه ملفت وبنات كتير اوي اعجبوا بيه عليا وقلدوا

عموما ربنا يحميكي ويكرمك

[حارسة السفينة]

بداية مرحا مرحا بك اختنا

ثانيا مبارك نجاحك يا حبيبة واعلمي ان ربنا له حكم في ذلك وان تعبك مرحش هدر لا لان ربنا لا يضيع اجر من احسن عملا فحتى لو لم تأخذي حقق على المذاكرة دلوقت اعرفي ان ربنا اكيد سيعوضك في شيء اخر او في الاخرة .

نيجي بقى للبسك يا جميل :

ربنا يبارك فيكي ويثبتك على اللي انتي فيه وكونك بتسألي ونفسك تعرفي ه معناه انك عايزة الصح وبتحبي ربنا طيب مش هطول عليكي بالنسبة للبس حبيبتي انتي تذهبي للجامعه عاااااااااااادي جدا باللبس اللي يرضي ربنا واذا وجدت فيه بنات تلبس زيك خير طيب ولو لقيتي نفسك لوحدك !!!!!!!!!!!!!!!
ااااااااه هنا بقى المشكلة هتثبتي ازاي وانتي الوحيدة اللي هتبقي في وسط البنات كلها والجامعة مختلطة وممكن تلاقي تريقة من بنات كتير ومش بعيد تحسي نفسك من كوكب اخر وووووووووووووووو

ايه اللي يجبرك على كل ده ايه يعني لو لبست زي البنات ومحترم برده زي ما بيقولوا مش هبقى متبرجة بس هلبس يعني وسط ايه المشكلة


اقولك حبيبتي المشكلة انك هتتنازلي عن حجابك اللي انتي تعودتي عليه اللي هو الصح وبعد كده هتلاقي الشيطان ماشي معاكي واحدة واحدة انتي عارفة الشيطان لما يحب الانسان يكفر عمره ما هيقوله اكفر لالالالالالالالا ده بيستدرجه علشان كده اوووووووووعي تسمعي له ولو في خطوة صغيرة لان التنازل بيبدأ بخطوة

طيب يعني اعمل ايه دلوقت وانتي قولتي فيع تريقة وووو
الحل بسيط استعيني بالله واعلمي قدر حجابك وكوني انتي القدوة تخيلي نفسك ثبتي على الحجاب ده اكيد فيه بنات فيه خير كثير زيك كده ومحتاجين اللي ياخد بايدهم ويثبتهم فلما يشوفوا بنت عسولة زيك وثابتة على حجابها ومحترمة وذات خلق اكيد هيحبوكي وهيقلدوكي وتكوني انتي الاولى وكل من تاتي بعد تكون وفي ميزان حسناتك ان شاء الله الموضوع مش سهل وبرده مش صعب اذا استعنت بالله وطول ما انتي هناك ممكن تتواصلي معانا على الايميل وباذن الله هتلاقي صحبة صالحة
ادعي ربنا كثيييييييييييير وقولي يا رب ثبتني واهدي اهدي بي واجعلني سببا لمن اهتدى

انا طولت عليكي معلش لكن بجد بحبك في الله لانك فعلا بنت عايزة ترفع شعار دينها في اي مكان اللهم بارك
لو عايزة اي حاجة قول وباذن الله ربنا يقدرني واقدر اساعدك

[كيمو 5]

جزاكم الله خيرا اخواتي في الله علي هذه المساندة والمساعدة الطيبة
وبالنسبة للملابس فانا هفضل زي مانا بلبس العبايات وان شاء الله ربنا يكرمني
بوجود صحبة صالحة مثلكم في كليتي
شكرا جزيلا لكن جميعا وارجو من الله ان يوفقنا لما يرضاه
دمتن سالمات