لكل اللى جابو 50 فى الاحياء

[مكعبات]

يارييت يا جماعه اللى جابو درجات حلوه فى الاحياء
يقول ذاكرها ازاى
و شكرا

[ArabianPDA]

أنا صحيح مجبتش 50 بس جبت 49.5
بس بمذاكره جربانه جربانه يعني + ماده تيت كنت بكرهها اصلاً

فبص شخصياً في الاحياء كنت بحب حته الحفظ بصوت عالي يقترب ان الشارع ممكن يسمع كل حرف معاك
ايون اصل بص الاحياء دي ماده معفنه اصلاً(ع الاقل معايا) فكنت لازم اخلي كذا عضو يركز فيها يعني صوت علي قرايه علي شويه تركيز وكانت بتمشي
احنا خلصنا المنهج في نص 3

وكنت بذاكر من الامتحان شرح اصل بص كتاب المدرسه فيه لك كتيييييييير كله في الامتحان بس علي نضافه
وكنت بحل في الامتحان اسئله +شويه في النفيس "بجد النفيس تقيل جاااااااامد في الاحياء"
وربنا معاك

[مكعبات]

( بص) و (ربنا معاك)
على فكره انا بنت مش ولد
ما علينا
مرسى يا عم ع النصيحه

سلام

[asmaa ezz]

السلام عليكم اهلا مكعبات وشكراا على الموضوع لانى كنت بجد محتاجه
نصيحه حد مجرب الاحياء .............
ربنا معانا السنه دى

[NeVeR CoMe BacK]

الاحياء دى عايزة واحد دماغه سليمه
يفضل يحفظ ويدش 49 ساعة ياسااااااااتر مادة كئييييييبة
ربنا يستر

[*moon*]

طيب ينفع اللى جاب49
المادة دى اكترر مادة كانت مجننانى
مكنتش بحبها وكنت بذاكرها بالعافية
عشان المدرس بتاعنا كان بيحرج الى مش بيذاكر وخصوصا انه كان عارفنى بقى
بس مش عارفة ده غباء منى انى مش متقبلة المادة دى ولا غباء من المادة نفسها((اكيد المادة))
مش بخوفك طبعا لا بطلع الكبت اللى جوايا منها
..........................
اكيد الاحياء هتفيدك اوى
انا كنت بذاكر من كتاب المدرسة
والحل من الامتحان والدليل مهم طبعااا وكان معايا كشكول الاول مراجعة
بس اهم حاجة المذاكرة والمراجعة باستمرار
ربنا يعينك عليها وان شاء الله تجيبى ال50اللى انا معرفتش اجيبها
واى استفسار انا تحت امرك

[مكعبات]

المشاركة الأصلية كتبت بواسطة *dew drops*

طيب ينفع اللى جاب49
المادة دى اكترر مادة كانت مجننانى
مكنتش بحبها وكنت بذاكرها بالعافية
عشان المدرس بتاعنا كان بيحرج الى مش بيذاكر وخصوصا انه كان عارفنى بقى
بس مش عارفة ده غباء منى انى مش متقبلة المادة دى ولا غباء من المادة نفسها((اكيد المادة))
مش بخوفك طبعا لا بطلع الكبت اللى جوايا منها
..........................
اكيد الاحياء هتفيدك اوى
انا كنت بذاكر من كتاب المدرسة
والحل من الامتحان والدليل مهم طبعااا وكان معايا كشكول الاول مراجعة
بس اهم حاجة المذاكرة والمراجعة باستمرار
ربنا يعينك عليها وان شاء الله تجيبى ال50اللى انا معرفتش اجيبها
واى استفسار انا تحت امرك

ربنا يخليكى
بس لنا هسألك سؤال
انتى ابتديتى تحلى ف دليل التقويم امتى

[مكعبات]

المشاركة الأصلية كتبت بواسطة just imagine

الاحياء دى عايزة واحد دماغه سليمه
يفضل يحفظ ويدش 49 ساعة ياسااااااااتر مادة كئييييييبة
ربنا يستر

ربنا يطمنك

[نور يوسر]

يعنى هو حفظ فقط يعنى مش فهم واستنباط ياجماعه فهمونى

[ArabianPDA]

المشاركة الأصلية كتبت بواسطة يارا علام

يعنى هو حفظ فقط يعنى مش فهم واستنباط ياجماعه فهمونى

لا فيها كتيير
يعني حته تخليق البروتين والله ما حفظتها فهمتها بس ولحد الان فاكرها نصاً
يعني فيه حاجات في الاحياء ممكن تمشيها فهم وتخليها زي القصه
وسؤال الagaag كان فهم ولو انه الغبي يحله صح بس وقع ناس كتير عندنا

[PrinCeSs MeRaMar]

بصي انت لازم تذاكري بصوت
و تذاكريها كل شويه يعني تذاكري اول فصل و لازم لازم تمتحني عليه و علي كل فصل تخلصي اول 4 فصول تراجعيهم و بعدين تمتحني عليهم وبعدين 8 فصول وهكذا
و الرسومات فيها حاجه مهمه اوي
تجيبي كشكول رسم كبير جدا و كل رسمه ترسميها فيه
ولازم تتضربي علي الرسم كتير
و بعدين بقي لما تخلصي وتقعدي تراجعي الفصول كلها و بعدين تحلي النموذج
وبعدين بقي تحلي الامتحانات كلللللللللللها
وباذن الله كده هتبقي ضمنتي 50 باذن الله

[*moon*]

المشاركة الأصلية كتبت بواسطة مكعبات

ربنا يخليكى
بس لنا هسألك سؤال
انتى ابتديتى تحلى ف دليل التقويم امتى

احنا المدرس بتاعنا حله معانا كله
بعد ماخلصنا المنهج تقريبا على نص 4 كده او خمسة
بس كان المدرس بيجيبلنا منه اسئلة ف وسط الشرح او فى الامتحانات اللى كان بيعملها على كل 4فصول
متقلقيش كل شىء بيبقى سهل بالتدريب والحل والمذاكرة
وربنا يوفقك

[أجمل زهرة]

جزاكم الله خيراً

فعلاً نصائح رائعة

يا رب كلنا نقفل الاحيااااء

آآآآميــــــــــــن

[sad nono]

السلام عليكم ..
بصي انا في تانية ثانوي وواخدة احياء يعني زيي زيك محتاجة نصييحة
انا خلصت اول فصل اللي هو التغذية والهضم ونص الفصل التاني
للاسف حصلتلي ظروف ومعرفتش اذاكر النص اللي اخدته من الفصل التاني ادعيييييلي اعرف اخلصه
لكن كل اللي اقدر انصحك بييه هو ذاكري كل يوووووم احياااء ومتسيبيش يومين ورا بعض منغير احياااء
لاني بجد الشهر اللي فات دا جربت طرق كتييير جدا في المذاكرة وكنت بحس ان المعلومة بتتحفظ وبتطير زي السبيرتووو
لغايت ما حد نصحني وقالي الاحياء تتذاكر كل يووووووم حتى لو حافظة كويس راجعي اللي انتي حافظاه واي وقت فاضي عندك (( لو فيه
طبعا)) ذاكري فيه احيااء وحاولي تلتزمي بقدر الامكان بنص الكتاب سواء المدرسة او الامتحان كلهم وااحد وطبعا الحل الكتيييير ولو عندك وقت حلي كتتاابة مش شفوي ولو مفيش زي معظم الوقت في حالاتي حلي شفوي والامر لله

يارب اكون افدتك
والسلام عليكم

[soda15]

الحمد لله انا جبت 50 فى الاحياء ونصيحتى ليكى كتاب المدرسة ثم كتاب المدرسة ثم كتاب المدرسة والحل طبعا من كتاب الامتحان والدليل فى فترة المراجعة اهم حاجة وربنا يوفقك وتجيبى 50 بس اخر نصيحة اوعى واللك الكتير فى الاجابة علشان ده ضيع صحابى كتير على الرغم ان الاجابة الصح كانت فى نص الاجابة بس كلها اتحسبت غلطت فارجوكى بلاش كتر اللف والدوران فى الاجابة (محمود عبد المقصود)