عـآمـل تـحـويـل ورقـي , تـقـدم ولآ مـآ تـقـدمـش هـنـآ هـنـعـرف

[issac-newton]

آلـسـلآم عـلـيـكـم و رحـمـه آلـلـه و بـركـآتـه .

آلـمـصـدر : - آحـد آلـمـحـولـيـن ورقـي .

شـوفـوآ يـآ شـبـآب هـقـيـس عـلـى صـآحـبـي .

جــآتـلـوآ هـنـدسـة بـورسـعـيـد , و كـآن عـآيـز يـحـول آلـمـنـصـورة
و قـدم فـي آلـتـحـويـل آلـورقـي .

قـآلـي : - لـمـآ آلـتـقـديـم بـدآ نـزـلـت قـدمـت فـي هـنـدسـة بـورسـعـيـد عـآديـ , , , و لـمـآ بـدآت آلـدرآسـة و آنـآ لـسـآ مـعـرفـش نـتـيـجـة آلـتـحـويـل كـنـت بـحـضـر فـي آلـمـنـصـورة و مـن وقـت لآخـر كـنـت بـسـآل فـي آلـشـئـون عـن نـتـيـجـة آلـتـحـويـل . و لـمـآ بـآنـت و آتـقـبـلـت ورقـي رآح آتـومـآتـيـك لـهـنـدسـة آلـمـنـصـورة .

تـمـآم ؟

[issac-newton]

عآيز آضيف آنو و هو بيقدم في بورسعيد قآلهم على فكرآ آنآ عآمل تحويل للمنصورة .

[Black memory]

طب معلش اعتبرنا اغبيه و قول عمل ايه بالظبط علشان انا خلاص كرهت التحويل للجامعه لليوم اللى فكرت اكتب فيه هندسه فى الرغبات

[Mona Sarhan]

انا اعرف حد كدا بالظبط قدم طلب تحويل من هندسة بورسعيد للمنصورة وقالوا ان نتيجة التحويل هتبان اول الدراسة انا عاوزة اعرف هوا كدا كدا التحويل مضمون انه يتقبل ولا لأ يعنى الطالب يحضر فى المنصورة عادى وكدا كدا هوا فيها ولا ممكن ميتقبلش بعد كدا وبالنسبة للمدينة الجامعية بتبقى متاحة ليه ولا لأ؟؟؟؟؟؟ ارجو الافادة....

[abduo93]

يعني الورق بتاعوا اتبعت من بورسعيد للمنصورة من غير ما يعمل اي حاجة ؟

[issac-newton]

شوفي يا بلاكو : - لما التقديم يفتح في الزقازيق هتنزلي تقدمي فيها عادي جدا و ابقي عرفيهم انك عاملة تحويل و في نفس الوقت هتابعي نتيجة التحويل بانت قبل الدراسة خير و بركة تابعي في شئون المنصورة بقا ورقك جه ولا لسا و هما هيجيبوه اتوماتيك من الزقازيق و مسئولين عنو , , , بانت بعد الدراسة اديكي بتحضري في المنصورة و بتسألي من وقت للتاني . بانت في اي وقت و ما اتقبلش هتحضري في الزقازيق . تمام ؟

منى سرحان

- بالنسبة للتحويل يحكمه
- التوفيق
- عدد المتقدمين للكلية + عدد الاماكن الشاغرة
- سرعة التقديم
- المجموع

عادي بيخلص ورقوا في الكلية الي جاتلو مدينة و كل حاجة و لو النتيجة اتأخرت ينزل يحضر في المنصورة و الله بان و اتقبل خير و بركة و رقوا هيروح المنصورة اوتوماتيك بان و اترفض يرجع يحضر في الحته الي جاتلو

عبدو : بالظبط كدا من غير ما يعمل اي حاجة الي عملوا انو قدم في بورسعيد و عرفهم انو عامل تحويل و حضر في المنصورة و سأل في الشئون عن النتيجة و الحمدلله اتقبل و قال نتيجتو بانت بعد الدراسة باسبوع و نص و المنصورة اعداد التحويل فيها لهندسة بتبقا كبيرة

[Black memory]

يعنى للاسف فهمت صح طب يعنى لو متقبلش هحضر فى الزقازيق اازاى و اللى فاتنى ده هيبقى مصيره ايه

[issac-newton]

سؤال يا بلاكو , , , هيفوتك ايه بس , , , اصلن هتكوني رحتي المنصورة و الي فاتك انتي خدتيه + ما تقلقيش الدراسة بتنتظم بعد اسبوع ولا حاجة و السكاشن بعد اسبوعين في الاول شوية محاضرات تمهيدية ما تقلقيش ربنا معانا . .

[Black memory]

ما اللى مقلقنى ان النتيجه تتاخر لشهر او اكتر و بيكون فيه اختلافات فى الدراسه ع حد علمى ربنا يستر و معانا فعلا

[issac-newton]

طالما عملاها بدري يبقا هتبان قريب باذن الله , , , اختلافات ايه بس دا انتي هتحضري في المنصورة يعني اقوى من الزقازيق لما تروحي الزقازيق و لقدر الله و ربنا ما يجبهاش مش هتلاقي اي حاجة اصعب من الي شوفتيه في منصورة

[Black memory]

برده القلق واجب مهما كان السهوله و لعلمك دفعات الزقازيق مش عيال اغبيه و لا حاجه ربنا يستر مهما كان

طب هو النتيجه بتبان مع بعضها و لا اللى تحويله اتشاف بيخلص مع نفسه ؟؟؟

[issac-newton]

مش القصد مش بقارن كدا بلاك انا بقارن بيين الدكاترة و المعيدين في المنصورة احسن طبعا مش حكاية طلبة و طلبة . . .
لاء كل كلية لازم يخلصوا مع بعض عشان ينزل الكشف , , ,
ربنا هيطمنك باذن الله لا تقلقي

[Black memory]

واخده بالى و اللى اقصده ان المعيدين دول مش هيبقو اغبيه برده و الحكايه سهله ده اعتقادى صحيح المنصورة احسن بكتير بس اكيد الزقازيق هتوصل فى مره تبقى كويسه مش زي ما احنا فاكرين اكيد و الاعتقاد ده بسبب اننا دفعه منحوسه حتى السهل هيصعب علينا

[eman rafat]

انا عاوزة اعرف ايه التحويل الورقى ده وده غير الى عالنت

[eman rafat]

حد يرد لانى اللى ع النت مقبلنيش ويقولى هو انتهى ولا لسه؟