اخيرا التثبيت للحصة

محمد احمدعطية · #1 19-08-2011, 05:13 AM

الحكومة توافق على تغيير الشكل التعاقدى لمعلمى الحصة

الخميس، 18 أغسطس 2011 - 14:50

الدكتور أحمد جمال الدين وزير التعليم
كتب حاتم سالم

أكدت وزارة التربية والتعليم أن مجلس الوزراء وافق على تعديل الشكل التعاقدى لمعلمى الحصة من بند 10/3 مكافآت تدريس، إلى تعاقد سنوى على بند 2/3 أجور موسميين، وكذلك القائمين على العملية التعليمية أو من لم يمض عليه 3 سنوات.

ووافق مجلس الوزراء بعد عدة اجتماعات بوزارة التخطيط والتعاون الدولى على تعيين شاغلى الوظائف التعليمية المتعاقد معهم بالمكافأة بند 3/2- مؤهل متوسط وفوق متوسط- والموجودون على رأس العمل فى وظيفة دائمة – فنى تعليم رابع - حين يمر على تعاقدهم 3 سنوات على الأقل، وتعيين المعلمين المتعاقد معهم بالمكافأة أو بالحصة أو على بدل إجازة بدون مرتب أو بدل معار أو بدل مجند والموجودون على رأس العمل بعد تاريخ قانون 155/2007 على درجات دائمة فى وظيفة مدرس ثالث طالما مضى على تعيينهم 3 سنوات، وتثبيت المعلمين المتعاقدين بالحصة أو بالمكافأة الموجودين على رأس العمل بوظيفة معلم مساعد أو تعيينهم على درجات دائمة فى وظيفة مدرس ثالث وتتخذ حقا إجراءات دخولهم لكادر المعلمين.

يذكر أن وزارة التربية والتعليم قد أصدرت القرار رقم 75 لسنة 2011 بالموافقة على تثبيت المتعاقد معهم بالحصة أو بالمكافأة الموجودين على رأس العمل طالما مضى على تعيينهم 3 سنوات على الباب الأول، وذلك بعد التشاور مع وزارة المالية والجهاز المركزى للتنظيم والإدارة.

محمد السويركى · #2 19-08-2011, 05:17 AM

ياله بشرة خير

marwa elminia · #3 19-08-2011, 05:27 AM

خبر حلو اوى يعنى اللى ماكملش 3 سنوات هايتثبت والله فرحت ليهم ويارب الخير للجميع

ايهاب90 · #4 19-08-2011, 05:30 AM

اقتباس:

المشاركة الأصلية كتبت بواسطة marwa elminia

خبر حلو اوى يعنى اللى ماكملش 3 سنوات هايتثبت والله فرحت ليهم ويارب الخير للجميع

مش هأيتثبت يا مروه هأيتعمله عقد

محمد السويركى · #5 19-08-2011, 05:32 AM

اقتباس:

المشاركة الأصلية كتبت بواسطة ايهاب90

مش هأيتثبت يا مروه هأيتعمله عقد

اهو كده انت ممتاز يا ايهاب
وشكلنا عاملين انت وانا سبق فى المشاركات النهاردة

ايهاب90 · #6 19-08-2011, 05:37 AM

اقتباس:

المشاركة الأصلية كتبت بواسطة محمد السويركى

اهو كده انت ممتاز يا ايهاب
وشكلنا عاملين انت وانا سبق فى المشاركات النهاردة

شكرا يا استاذ محمد

محمد السويركى · #7 19-08-2011, 05:42 AM

اقتباس:

المشاركة الأصلية كتبت بواسطة ايهاب90

شكرا يا استاذ محمد

يا سيدى لا شكر على واجب
احنا بندور على الناس المحترمة

marwa elminia · #8 19-08-2011, 05:51 AM

اقتباس:

المشاركة الأصلية كتبت بواسطة ايهاب90

مش هأيتثبت يا مروه هأيتعمله عقد

عقد عقد مميز يعنى؟ ويقبضوه زينا وربنا مضايقه عشانهم ويارب يكون خيييييييييير ليهم

ايهاب90 · #9 19-08-2011, 05:53 AM

اقتباس:

المشاركة الأصلية كتبت بواسطة marwa elminia

عقد عقد مميز يعنى؟ ويقبضوه زينا وربنا مضايقه عشانهم ويارب يكون خيييييييييير ليهم

ولا عقد مميز كمان ده عقد مكافأة شاملة

marwa elminia · #10 19-08-2011, 06:02 AM

اقتباس:

المشاركة الأصلية كتبت بواسطة ايهاب90

ولا عقد مميز كمان ده عقد مكافأة شاملة

يانهار ابيض عقد شامل ربنا معاهم

الزمرانى · #11 19-08-2011, 09:59 AM

يعنى اية غيروا العقد ازاى طب محنا عقود 105 حيعملوا اية

سلمى عبدالله الشيخ · #12 19-08-2011, 01:53 PM

طيب ما احنا اصلا عقد 2/3 مفيش جديد يعنى معملولناش حاجة

أحمد سعيد عبد العظيم · #13 19-08-2011, 03:16 PM

يا جماعة اهدوا دول ثيتوكم علي الورق علشان الأمور تمشي

ليس لكم رقم تأميني ولا إجازات ولا معاشات

ده احنا في الأزهر منذ 2005

مسابقة - تقديرات عالية أنا الحمد لله جيد جدا

مافيش حزب واطي اتوسط لنا ولا حاجة

تربويين - نجحنا في الكادر

ورغم كل ده لسه التثبيت ما خلصش من الزفت التظيم والادارة

خدوا الأمور بعقلانية

لسه أمامكم دبلومات تربوية لغير التربويين

وكادر لازم تنجحوا فيه

وما فيش فلوس - الخزانة فاضية بسبب أبوكم حسني واعوانه
يعني حكاية 3 سنين تاني وربنا يسهل

احمد طايع · #14 19-08-2011, 05:08 PM

ياجماعه عايز افهم حاجه ( بعد تاريخ قانون 155/2007 على درجات دائمة فى وظيفة مدرس ثالث )
يعنى اللى اشتغل بالحصه فى سنه كام
وفى جزء فى الخبر بيقول فى تاريخ قانون 155 لسنه 2007
برضه يعنى ايه

صلاح محمد على سلامة · #15 20-08-2011, 12:54 AM

وفى جزء فى الخبر بيقول فى تاريخ قانون 155 لسنه 2007
برضه يعنى ايه