المعلم الأول نال أكبر قدر من الظلم

[امير فهمى]

من المعروف أن جميع المعلمين مظلومين فى موضوع حافز الأداء لكن المعلم الأول بالذات هو الذى وقع عليه أكبر قدر من الظلم . لماذا ؟
لأنه أصبح مساوى للمعلم فى مجموع البدلات أو الحوافز حيث يتقاضى المعلم 260 % بدلات ( تشمل المكافأة والكادر والحوافز ) وهو نفس ما يسوف يحصل عليه المعلم الأول .
لذا نهيب بكل من هو على درجة معلم أول سرعة التحرك وعمل أى شىء لأن الوضع لو ظل على ذلك فسيكون فيه ظلم كبير .

[ابوعبدالله2000]

المشاركة الأصلية كتبت بواسطة امير فهمى

من المعروف أن جميع المعلمين مظلومين فى موضوع حافز الأداء لكن المعلم الأول بالذات هو الذى وقع عليه أكبر قدر من الظلم . لماذا ؟
لأنه أصبح مساوى للمعلم فى مجموع البدلات أو الحوافز حيث يتقاضى المعلم 260 % بدلات ( تشمل المكافأة والكادر والحوافز ) وهو نفس ما يسوف يحصل عليه المعلم الأول .
لذا نهيب بكل من هو على درجة معلم أول سرعة التحرك وعمل أى شىء لأن الوضع لو ظل على ذلك فسيكون فيه ظلم كبير .

وكمان الكادر على الاساسى القديم والحوافز على الاساسى الجديد

[ayman24279]

هو ده كل اللى همك يا أخى اتقى الله كلنا لنا طلبات واحدة مشروعة إن نفذت الكل سيستريح وستراعى الأقدميات المهدرة

وعلى ذلك لا داعى لتفريق الصف والطلب بأنانية لفءة واحدة


بمعنى كلنا فى مركب واحد والزيادات مش حقنا إحنا وبس لا ديه حق عيالنا وعلى هذا كلنا نساند الاعتصام والاضراب حتى تتحقق مطالبه فقط دون الاتفات لما تلقيه لنا الوزارة من عظم وكأننا .... أعزكم الله توحدوا فالنصر صبر ساعة

[شريف1968]

وزارة سمك لبن تمر هندي

[D.Ayman Hassan]

يعني ماهمكش ان المعلم اساسيه معدوم وبياخد اقل نسبة في الكادر ومعاه اكبر نصاب للحصص ، بتدور على نفسك بس

تصدق وتؤمن بالله انا مانزلتش المظاهرات دي لان الكل كان فرحان ومبسوط بالكادر مع انه كان ظالم في اول يوم تم تطبيقه ، لانه فرق بين المعلمين

[sammos]

والله العظيم انتوا راييقين خلاص فرحنا بحافز الاداء وبقينا نشوف مين اكتر من مين
مرتب المعلم ومرتب المعلم الاول ومرتب الخبير ومرتب الادارى حتى بعد 90% كل دول مالهمش لازمة ولا يعيشوا واحد لوحده
بدال مانقف مع بعض كلنا ونطالب بحقنا اننا نعيش عيشه كويسه هنفضل نقول ده اكتر وده اقل والادارى يتكلم على المعلمين والمعلمين يتكلموا على الاداريين والمعلمين هيبدأو يبصوا على بعض لدرجة ان معلم زميل مش عجبه ان مسئول التطوير بياخد 36 جنيه وفرحان انهم هيشلوها
هى دى فلوس اساسا ياجماعه شوفو اللى فى ديوان الوزارة اللى المفروض مرتباتهم تبقى زينا سيبنهم وماسكين فى فرق 20 و30 جنيه بينا وبين بعض

[eng_adonia]

بمعنى كلنا فى مركب واحد والزيادات مش حقنا إحنا وبس لا ديه حق عيالنا وعلى هذا كلنا نساند الاعتصام والاضراب حتى تتحقق مطالبه فقط دون الاتفات لما تلقيه لنا الوزارة من عظم وكأننا .... أعزكم الله توحدوا فالنصر صبر ساعة

[msh835]

كلنا فى مركب واحد ومصلحتنا واحدة معلم ـ معلم أول ـ خبير

[طارق احمد عبد السلام]

كلنا فى مركب واحد ومصلحتنا واحدة معلم ـ معلم أول ـ خبير


كلنا مظاليم

[mrhamdy89]

لا كبير ولا صغير كلنا فى الهم سواء . نحن نبحث عن حقوق المعلم بصفة عامة ايا كان مسماه او درجته فاتحدوا يا سادة واياكم والفرقة التى يريدونها لنا كما كان .هم يريدون منا ان نتفرق .فهل نفعل ؟