التلفيزيون هيوصل رأينا .. ادخلوا وقولولي مين جاي

[Touty Potter]

ركزوا معايا لحظات بليز
واحدة صاحبتي كلمتني دلوقتي
وهي قبلت في اداب القاهرة
وعايزة تدخل اسباني بس الشروط
ما مشيتش عليها في القاهرة
فكانت عايزة تحول لحلوان
لأن الشروط هناك تمشي عليها
وانتوا عارفين حوار انه ماينفعش وكده
فقابلت صحفية بالصدفة
بنتها عندها نفس المشكلة
فقالت ان اللي عنده مشكلة
او اللي واجهته اي مشكلة
بخصوص التنسيق والتحويل
والدنيا دي كلها
يتجمع بكره الساعة 11
قدام وزارة البحث العلمي
وقناة الحياة هتيجي تصور
وتعمل لقاءات وحوارات مع اللي جاي
عشان توصل صوتنا ورأينا للوزير
بس العدد لازم يكون اكتر من 40
عشان يرضوا يصوروا معانا
فيا جماعة اللي عايز يجي يعرفني
عشان ابلغها بالعدد اللي جاي من طرفي
وياريت لو كلمة بسيطة بس
اعرف مين مشكلته ايه
عشان احاول اخلي الدنيا منظمة شوية

بيانات الوزارة تجيبوها من هنا
http://www.egypt.gov.eg/arabic/guide/directory.aspx

[Touty Potter]

محدش جاي ولا ايه؟

[mjunior93]

هى فين وزارة البحث العلمى طيب ؟؟

[فارسة صغيرة]

افضل مكان مكتب التنسيق الى فى القاهرة لو عايز تعمل وقفه
لان فيه اصلا واقف اكتر من 100 من غير اتفاقيات ولا حاجة

[issac-newton]

يا جماعة مكتب التنسيق طمن الجميع انو هيكون في تحويلات ورقية باذن الله

[لوجينا م]

والله فكره حلوه انا موفقه بس يا ريت تكون الاعداد كبيره علشان ده مستقبل و فعلا الشروط صعبه اوى

[لوجينا م]

ايه هو مفيش حد ناوي يروح ولا ايه وياريت تنقلى موضوعك يا touty فى كليه اداب افضل لان كلهم اداب ويهمهم الامر اكتر

[Touty Potter]

اللي عايز العنوان
يدوس علي الرابط
ويختار اسم الوزارة من القائمة
هتطلع المعلومات اللي هتبقوا محتاجينها

وان شاء الله العدد يبقي كبير
اللي عايز يروح يبلغنييييييييييي
وقولوا لكل اللي تعرفوهم عشان العدد
يبقي اكتر لأن اقل من 40 واحد مش هينفع

[لوجينا م]

ان شاء الله العدد هيكون كبير وياريت الكل يروح

[Touty Potter]

دي آخر مرة هرفع الموضوع ده لفوق
حد تاني ناوي يجي ولا خلاص كده؟

[واحده من الناس]

انا هسألهم فى البيت المشوار بالنسبالى سفر طويل
ربنا يسهل