ارجوا الرد يا جماعه هل ممكن اقدم تربيه حلوان بعدين احول

[dodeman]

ارجوا الرد يا جماعه هل ممكن اقدم تربيه حلوان بعدين احول فى ناس بتقول ممكن وناس بتقول مش متأكده اني ممكن احول بـ 1500 جنيه بعد ما اقدم فى تربيه حلوان احول لجامعه اسكندريه الى يعرف يرد ياااااااااااااااااااريت فى اسرع وقت والى يعرف حد يفهم فى المواضيع ديه وعنده علم بيها ياريت يقولنا

[kadry]

اعتقد ان الكلام ده في الثانوي العام

بس في صنايع ميتهيليش فيه كليات انتساب

بس لو فيه ياريت ويقلولنا ازاي

[*sondos*]

لو في والله يبقى كويس جداً
ياريت لو عرفت تقولي علشان أشوف أنا كمان وأحول

[وليد غربية]

يا جماعه مفيش الى بتقلو عليه دة فى الصنايع القسم الى حضرتك داخلت فيه فى الكليه مش موجود فى كليه تانيه كليات التعليم الصناعى محدودة الأقسام حضرتكم مشوفتوش الكليات الى ليكم فى التنسيق لو كان ليكم غيرها كانت تبقى موجودة فى الرغبات

[dodeman]

طب انا محتار لحد دلوقتي مش عارف والمشكله كلها مادياً فى المصاريف الى يعرف يا جماعه مصاريف كليه تربيه حلوان بالسكن حتتكلف كام ياريت يقولنا

[*sondos*]

المشاركة الأصلية كتبت بواسطة dodeman

طب انا محتار لحد دلوقتي مش عارف والمشكله كلها مادياً فى المصاريف الى يعرف يا جماعه مصاريف كليه تربيه حلوان بالسكن حتتكلف كام ياريت يقولنا

آخر خبر قرأته إن رسوم سكن الطالب 300 جنية شهرياً
وباقي المصاريف الخاصة بخدمة الطالب بتكون على الدولة

[dodeman]

بقيت مصاريف ايه ده السكن 300 بدون الاكل ومصاريف الكليه عليكي والكتب غير المصاريف الشخصيه يبقي انت اكيد اكيد في مصر

[*sondos*]

المشاركة الأصلية كتبت بواسطة dodeman

بقيت مصاريف ايه ده السكن 300 بدون الاكل ومصاريف الكليه عليكي والكتب غير المصاريف الشخصيه يبقي انت اكيد اكيد في مصر

معلش بس هنعمل إيه
ممكن إنت لما تروح هناك تتعرف على شباب من بلدك أو آي حد مش هيقدر على السفر
وتاخدوا سكن منفصل لوحدكم بمبلغ بسيط شوية وربنا يحلها

[(نور الحياه)]

السكن الجامعى افضل على فكره
يعنى انت لماتكون ف سكن منفصل بتكون الواجبات عليك يعنى بتطلع من الكليه عاوز تطبخ
هتطبخ ولا هتذاكر ولا هتريح شويه
هتكون متعبه شويه مفيش فيها توفير ف الوقت
لكن ف السكن الجامعى ليك مواعيد للاكل فطار وغذا وعشا
يعنى فيها توفير ف الوقت شويه
بعيدا عن المصاريف لو حسبتها صح
هتلاقى السكن الجامعى افضل

[وليد غربية]

بص يا عم
1- مصاريف المدينة الجامعية بتدفع تامين 150 جنية فى البداية وكل شهر حوالى 60 جنية
مصاريف الكليه
بتدخل فى رنج 100 جنية
وبيخدو منك حوالى 150 جنية مقابل دورة حاسب الى
بص بقة
خبرة من واحد غلبان لو ربنا كرمك ودخلت فعلا كليه التربية بحلوان انت بتدفع التامين بتاع المدينة وتدفع أول شهر وبعد كدة تعمل بحث اجتماعى بيشيل ليك 6 شهور فى السكن
وممكن تعمل بحث اجتماعى للمصاريف
وعلى فكرة دة مش عيب لانه حق من حقوقك

[dodeman]

لو كده يا استاذنا يبقي ميه ميه فى حدود نقول السنه بــ 500 ولو عملت البحث يقل