مئات المعلمين يكسرون بوابة "التعليم" ويتظاهرون أمام مكتب الوزير

[ahmedsaid263]

مئات المعلمين يكسرون بوابة "التعليم" ويتظاهرون أمام مكتب الوزير

قطع مئات المعلمين المحتجين منذ الصباح أمام وزارة التربية والتعليم شارع الفلكى، ومنعوا السيارات من المرور فيه لمدة 15 دقيقة، ثم فتحوا الشارع لسيارة إسعاف، وقرروا دخول بوابة الوزارة وخلعوا الأقفال الحديدية، وأصبحوا على قرابة أمتار من مكتب الدكتور أحمد جمال الدين موسى وزير التربية والتعليم.

وهتف المعلمون "المعلم يريد إسقاط الوزير"، "هم بياخدوا مليارات ..والمعلم بقا شحات"، "يا جمال يا وزير ..المعلم مش أجير"، وأكد المعلمون المحتجون أنهم لن يتفاوضوا مع أحد، وسيبدأون اعتصاما داخل ديوان الوزارة لحين تحقيق مطالبهم، وهى إقالة جمال الدين وصرف حافز إفادة للمعلمين بنسبة 200% بخلاف الكادر، ومكافأة الامتحانات، واعتبروا أن مظاهرة اليوم تعد بداية لسلسلة احتجاجات للمعلمين تستمر حتى مطلع العام الدراسى.

وتوافد على مقر الوزارة معلمون من محافظات كفر الشيخ والدقهلية والقليوبية والإسماعيلية وبنى سويف والشرقية وبورسعيد والمنوفية والفيوم إلى جانب معلمين من القاهرة والجيزة، كما شارك فى التظاهرة أعضاء مكتب النقابة المستقلة للمعلمين وممثلى اللجنة النقابية لمعلمى مصر بالجيزة.
المصدر : اليوم السابع

[أبلة ناهد]

اضراب حتى تتحقق جميع مطالب المعلمين

[mfa1]

لو الدنيا ماشيه صح كان أعلى راتب يكون راتب المعلم لأنه تتخرج من تحت يديه كل عناصر المجتمع

[abdoyaser]

اطالب المعلمين بالتوحد واتخاذ موقف حاد من الحكومة الفاشلة بقيادة شرف

[telmasrawy]

ان شاء بالاصرار على مطالبنا المشروعة حتحقق

[د.عبدالله محمود]

الله الموفق والمستعان

[د.عبدالله محمود]

المشاركة الأصلية كتبت بواسطة أبلة ناهد

اضراب حتى تتحقق جميع مطالب المعلمين

أكيدددددد صح

[seryo]

يارب نمضى فى هذا حتى يعود للمعلم حقه

[Mr: E.Elshair]

معكم بكل ما تطلبونه وهذا كان المفروض أن يحدث منذ فترة حتى يشعر المجتمع بنا رغم أننا من نبني هذا المجتمع الذى يسلبنا أبسط حقوقنا ( اعتصام اعتصام لا دراسة هذا العام )

[مرفت77]

ربنا يهدى الحكومة على المعلمين

[شريف ذكى]

كل فئات المجتمع استفادوا من الثورة ما عدا احنا بين اننا ملناش حظ مع الحكومة الفاسدة ولا الصالحة احنا بندور على 200 % يا بلاش العاملين فى الشهر العقارى زاد كل واحد منهم 1200 جنيه مرة واحدة لما عمل اضراب رغم انهم على المكاتب وتحت المراوح والببلاوى بيقول انه مش عارف مرتبه كام وده معناه انه بيصدق على الشعب أو مش عارف يعد المرتب من كتره يا جماعة لازم نقف لحد ما المعلم يأخذ زى غيره وسيبكم من 200 % دى وما حدش يقولى يا عم بس تجى هى دى السلبيه المثل بقول ان سرقت اسرق جمل واحنا مش بنسرق ده حقنا

[foash002002]

انا من رأيي ان وجود الوزير الفاسد ده دليل علي وجود اجندات خارجية وهي مستمرة من ايام حسيم كامل بهاء الدين الي يومنا ده لانه الوحيد المتضرر من عوز المدرسين هو مش المدرسين بس ولكن المجتمع ككل والكلام ده عن دراسة وتصورات اجريتها

[wahsh2008]

لا إله إلا أنت سبحانك إنى كنت من الظالمين

[خالدبركات]

نفسي وزير التعليم يشوف العامل في هيئة الصرف الصحي بياخد مرتب كام ويقارنه بالمعلم المتعين معاه في نفس تاريخ التعين ونشوف هيقول ايه يا معلمين يا تربويين ياجامعيين وسلملي علي وزير التعليم......!

[Computer_2007]

المشاركة الأصلية كتبت بواسطة mfa1

لو الدنيا ماشيه صح كان أعلى راتب يكون راتب المعلم لأنه تتخرج من تحت يديه كل عناصر المجتمع

هو ده الكلام المضبوط اللى لازم يتنفذ
و بإذن الله ينال المعلم حقه فى مرتب محترم و تقدير أدبى لائق