شوفوا الاشتغالات ..."التعليم": رفع حوافز المعلمين لتتراوح من 235% وحتى 335%

[اشرف بيك]

أعلنت وزارة التربية والتعليم صباح اليوم الثلاثاء أن النسبة الإجمالية لما سيتقاضاه المعلمون من حوافز، بعد تطبيق مشروع حافز أداء شاغلى الوظائف التعليمية، ستتراوح من 235 % من أساسى الراتب كحد أدنى للمعلم المساعد إلى 335% لوظيفة كبير معلمين، واعتبرت الوزارة أن هذه النسب تعكس ارتفاع الدخل الإجمالى للمعلمين مقارنة بباقى موظفى الجهاز الإدارى للدولة.

وأصدرت الوزارة بياناً رسمياً أكدت فيه أن الدكتور أحمد جمال الدين موسى ضغط على الحكومة من أجل زيادة حوافز المعلمين ونجح فى الحصول على موافقتها على صرف حافز أداء لهم اعتباراً من 1 يوليو من العام الجارى بنسبة 75 % للمعلم المساعد، و50 % للمعلم و25 % للمعلم الأول والمعلم الأول "أ" والمعلم الخبير وكبير المعلمين، أما الإداريين فسترفع الدولة حافز إثابة 570 ألف إدارى بنسبة 90 % من الراتب الأساسى.

وأضاف البيان "المعلمون يتقاضون حالياً حوافز بنسبة 25 % وبدل معلم ثابت 50 % ومكافأة امتحانات تعادل 85% بإجمالى 160 % من الراتب الأساسى، فإذا أضفنا بدل الاعتماد المقرر لدرجات الكادر ستصل النسبة إلى 210 % لوظيفة معلم ثم تزيد لتصل إلى 310 % لوظيفة كبير معلمين، وبإضافة النسب الجديد المتعلقة بحافز الأداء يرتفع الإجمالى إلى 235 % للمعلم المساعد و335% لوظيفة كبير معلمين".

وأشارت "التعليم" إلى أن تحرك الوزير لزيادة حافز المعلمين والإداريين جاءت بعدما اعتبرت الدولة أن مكافآت الامتحانات تدخل ضمن الدخل الإجمالى لشاغلى الوظائف التعليمية.

المصدر

http://www.youm7.com/News.asp?NewsID=470773

[توفيق رفعت عجيز]

تصدق الواحد عاوز يضحك بس ماليش نفس بيقولك الوزير تحرك لزيادة حافز المعلمين والاداريين بعد احتساب المكافأة لو كان بيعمل حاجة كان علي الاقل ساب المكافأة بعيد عن الحافز

[same3]

والاداريين مش بياخدوا مكافاة الامتحانات ولا اية

[اشرف بيك]

قال ... وبيقولك الوزير ضغط علي الحكومة

ههههههههه ضحكوني وانا ماليش نفس

[waelfarouk]

حرام والله كدة

[محمد حسين الشربينى]

الموعد غداً أمام الوزارة بالقاهرة

[توفيق رفعت عجيز]

المشاركة الأصلية كتبت بواسطة same3

والاداريين مش بياخدوا مكافاة الامتحانات ولا اية

بياخدوا طبعا مكافأة بس دخلت الحسبه يعني تم احتساب المكافأة لهم 83.5 + 25 حافز من 200 يبقي الباقي لهم 91.5

[Minamira]

صوتنا اتسمع

[لوساندا]

الراجل كتر خيره ضغط على الحكومة علشان خاطرنا واخيرا سوف يتعطف علينا ويعطينا 25% وكام واحد فى المدرسة كبير معلمين وازاى ياخدوا 335% الراجل دا مش بيعرف يحسب ال150%عدد محدود على الاصابع بياخدها فى المدرسة مثل المدير فقط ونحسبها150%+50%+25%+85% مكافاة=310 مش 335

[ziyad ashraf]

لا بديل عن الاضراب وكمان يدون وعود حتى نرى فلوسنا فى اينا اخر شهر 9
الاضراب
الاضراب
الاضراب
الاضراب
الاضراب

[محمدرخا]

بيضحكوا علينا بالكلام كالعادة

[thany2000]

بحق صيامي هذا ان شاء الله الوزير يغور في داهية بلا رجعة

[اشرف بيك]

المشاركة الأصلية كتبت بواسطة thany2000

بحق صيامي هذا ان شاء الله الوزير يغور في داهية بلا رجعة

يسمع منك ربنا ... ويارب غير حالنا الي احسن حال

[ahmedsabri77]

اللهم اصلح امورنا و بارك لنا في اموالنا و اولادنا و صحتنا

[newir_1f]

والله الوزير ده ناوى يجيب لنا نقطة