بعد إذنكم اريد من الساده المعلمين والطلاب الكرام ان يساعدونى ضرورى ضرورى

[Eslam shawky(teto--semo) o]

بعد إذنكم اريد من الساده المعلمين والطلاب الكرام ان يساعدونى ضرورى ضرورى
السلام عليكم
انا اسلام
انا طالب كنت فى 2 ثانوى وجبت 98.8 %
202.5 / 205
عاوز اسال سوال
اكمل علمى علوم ام رياضه
انا قررت رياضه وكتبت فى الموقع موضوعات اسئله عن الرياضيات سهله ام لا
ولكن انا قريبى مدرس رياضيات لما شرحلى انى اجرب يعنى
حسيت اننى هقصر فى الدراسه فى مذاكره باقى المواد
حيث انها طويله ولازم حل كتير يعنى كلو حل حل .......... وممكن المجموع يضيع
بس انا يعنى عادى مش هتفرق معايا علوم ام رياضه
انا بس عاوز نصيحتكم
انا عارف ان الرياضه ثقيله 6 فروع فى 3 كتب
ولكن الاحياء فرع واحد و كتاب واحد
بس مش هتفرق معايا
ولكن الى هيفرق معايا انى ادرس شىء واستفيد به ولكننى لم ارضى ان ادرس شىء ولم استفيد به واجلس عاطل
بس انا عاوز المصلحه من ناحيه فرص العمل طب او صيدله........... ام هندسه
انا عاوز نصيحتكم بس وبرضو من حيث الافضل ولكن انا لا يفرق معايا دراسه رياضه ام احياء
ولكن المصلحه بالنسبه المجموع اولا
والفرص فى المستقبل ثانيا
واشكركم

[Analyzer.Mn3m55]

بص يا باشا ما شاء الله اولا على مجموعك ربنا يكرمك ان شاء الله فى المكان الكويس
ثانيا بالنسبه انك تكمل ايه انت المجالين مفتوحين قدامك علمى او رياضه
الاهم تشوف انت بتحب ايه اصل متدورش على الحاجة اللى هتشتغل بيها اعرف ناس دخلت طب و كان نفسها فى حقوق والله بس عشان مستخسر المجموع فى حقوق مع انه بيحبها ده مثال على اللى عاوز اوضحه
بعد كده نيجى لموضوع الرياضه ولا الاحياء
والله الاحياء مش كبيره و مش معنى ده انها صغيره و سهله لا دى ماده زيها زى الرياضه 2 و عاوزه مذاكره كتير و حل كتير انما انا مش بحبها لسبب ان فيها حفظ شوية بردو انما الرياضه اغلبها فهم وقوانين و بجد ماده لذيذه هى اه كبيره بس لما تذاكر الدرس فى وقته و تحل عليه كتاب المدرسه و النماذج و يا سلام امتحانات سنين قبل كده مع واجب الدرس و متقولش دول كتير لان غيرك هيعمل كده و اكتر و هيدخل الهندسه يعنى والله ماده لذيذه جداا و انا نفسى السنه دى نقصت فيها درجة واحده ! الحمد لله و كان ممكن منقصش بس اتلخبت فى اشاره جوه الامتحان ما علينا من الموضوع ده
نيجى لنقطة تانيه لو كملت علوم هيبقى قدامك طب و اسنان و صيدلة و دول عاوزينك فى سنه 3 متقلش عن 98 %
طب نيجى لهندسه و حاسبات ممكن تدخلهم ب 95 % يعنى فى تالته مش محتاج لمجموع فوق الفظيع و مش معنى كده انك لو كملت رياضه تبقى متذاكرش بنفس مجهود تانيه وتقول مجموعى حلو لالالالالالالالالالالالا اعرف كتير ريحواا و جت النتايخ مخيبه ومش بحبطك والله بس عاوزك تشد حيلك اكتر عشان متضيعش مجموعك و اتمنى اكون وصلتلك اللى بفكر فيه و اى حاجة الكل موجود معاك بعد ربنا و اسألك الدعاء

[Eslam shawky(teto--semo) o]

اشكرك اخى وربنا يكرمك

[dr /nada]

هو انت ما شاء الله لودخلت اي قسم ان شاء الله هتلحق حاجه كويسه بس شد حيلك ولو قررت انك تدخل رياضه خلي هدفك على بترول عشان ده يكون حافز ليك انك تجيب مجموع اكبر

[Nora_T93]

لعلمك رياضة مش صعبة نهائي بس انت تركز فيها
و حكاية انها هتاخد من وقتك
فهي فعلا بتاخد وقت بس هيكون قدامك وقت كبير اوي تذاكر باقي المواد بنفس المقدار
و أحياء مش اسهل لأنها كتاب واحد ولا حاجة
بس انت ركز و ان شاء الله تجيب مجموع ف اي مجال تختاروا
و اتوكل على ربنا و ان شاء الله خير