مع احترامى لقدامى المعلمين

[سامى عبد الكريم1]

مع احترامى لقدامى المعلمين احب ان اخبركم انكم السبب لما وصل اليه حال المعلم لانهم سلبين جدا وبيرضوا باى شى ولا يحركون ساكنا لحال المعلم اهم شى مصلحتهم الشخصية وبس ,عمرنا ما سمعنا انهم اعترضوا على حاجة
حال المدرس بيدهور قدام عينهم واحدة واحدة وهما لا يتحركون ابدا حتى الان الحال يتدهور وهم صامتين ساكتين كان شى لم يكن وتيجى تقولهم يا جماعة لازم نتحرك يقولك لا يا عم ملناش دعوة هوه انا ها اتحرك لوحدى انا طبعا لا اقصد كل المعلمين ولكن الاغلبية العظمى منهم . والغريبة انهم بيعملوا المدرسين الشباب معاملة كله حقد وغل ومش عارف ليه يقولك انت مدرس بالقلم الرصاص دا انت عقد ملكش لازمة ولو جات زيارة من الوزارة والا حتى من الادارة تلاقيهم خايفين وعمالين يروحوا هنا وهنا ايه يا جماعة فيه ايه ؟؟ يقول اصل فلان جاى من الوزارة ايه هوه جاى ياخد الارواح والا ايه ؟؟ ولو جانا زيادة فى المرتب بلوة سودة ازى مدرس بالعقد يزيدزينا . زى ام تقول عايزينا نفضل كدا علشان يحسوا انهم افضل مننا .اهو حاجة تحسسوهم ان فيه ناس اقل منهم لان انا بصراحة ما لقتش حال زى حالهم واكتشفت اخير ا ليه حال دكتور الجامعة له مكانة عن المعلم مع ان دا مدرس ودا مدرس عرفت ليه الاطباء وباقى المهن له كرامة والمعلم لا بصراحة والناس ممكن تزعل بس لازم نصارح نفسنا بالحقيقة ... الناس دى لازم تتحرك يوم زى النهاردة اغلبيتهم عنده مراقبة فى الثانوية راحوا عادى خاص وكان شى لم يكن , حتى لما نروح نعمل احتاج كله شباب ولا واحد قديم احب اقول للشباب لازم احنا اللى نتحرك الجماعة القدام دول ايدك منهم والقبر خلاص دول رضيوا بحلهم كدا لكن احنا لان نرضى بحالنا كدا ولازم نكافح للوصول الى كرامتنا معلش قدامى المعلمين ما يزعلوش منى ولو زعلت اسال نفسك انا كام مرة وقفت وطلبت بحقى كام مرة احتجيت على تدهور حال المعلم ؟؟؟