مدني و لا عمارة ... ارجو الافادة

[oooabdooooooo]

ايه الفرق بين قسم مدني و عمارة و انهي احسن في الدراسة و الشغل؟؟؟؟؟

و مثلاا معهد عالي هندسة معمارية 6 اكتوبر ... ده بيبقى مش فيه اعدادي و التخصص من اول سنة و لا ايه ؟

[oooabdooooooo]

لو سمحتو يا جماعة لو اى حد يعرف يفيديني يبقى كتر خيره

ايه رايكم في تخصص معماري ؟؟؟؟؟؟؟و في المعهد العالي للهندسة المعمارية 6 اكتوبر لو حد يعرف عنه حاجة يقولي ضروري

ربنا يوفقنا كلنا

[ENG.HAGAR]

السلام عليكم ....
بالنسبة للسؤال الاول اللى هو المفروض اختيار حضرتك يا باش مهندس
اختيار رغبتك فىمدنى او عمارة بترجع لحضرتك .
بس معروف ان قسم عمارة غالبيته بنات .
لكن انا لو كنت فى مكان حضرتك كنت اخترت مدنى قسم شغاال ما شاء الله جدا وله شغل فى مصر وبرا مصر كمان .
الهندسة المدنية فيها انشاءات ونزول مواقع وشغل يليق بالشباب اكتر من البنات .
تقسيمه المواد فى عمارة مختلف خاالص عن مدنى .
عمارة بيهتموا بالرسم الهندسى والاسقاط والتصميمات الهندسية .وغيره ...
مدنى بيتكلموا عن الخرسانة والقواعد بتاعة الابنية وكمان ظروف التربة وملائمتها للبناء وهكذا ,,,

بالنسبة للمعهد بتاع 6 اكتوبر والله انا ماعنديش اى فكرة عنه يا باش مهندس خااالص .

[oooabdooooooo]

شكرا يا بشمهندسة على ردك

لكن انا خلاص هقدم ان شاء الله هندسة معمارية

و في المعهد ده 3 شعب منهم بناء و ادارة المشروعات و ده في شوية مدني

ربنا يوفقنا

[oooabdooooooo]

لو في حد يعرف اكتر عن معهد الهندسة المعمارية 6 اكتوبر يا ريت يفيدني يا جماعة

ربنا يوفقنا كلنا كلنااااااااا

[elmohandesa]

السلام عليكم

اولا الفرق بين معمارى ومدنى طبعا زى ما قالت الباش مهندسة

ومن حيث الشغل ده طبعا توفيق من عند ربنا لكن مدنى غالبا بيبقى شغله احسن خاصة للولاد لانك بتاخد فلوس كل ما تنزل موقع لكن الدراسة فيه نظرية اكتر ما هى عملية لانك بتتعمق اكتر فى المبانى والاحمال

انما معمارى الدراسة عملية فيه لان فيه ماكيتات ومشاريع كتيرة حتى من سنة اولى وبيعتمد على الابداع والابتكار وبتقضى فيه وقت اكتر فى الكلية عشان الرسومات وكدة

اما المعهد العالى للهندسة ب 6 اكتوبر اللى اعرفه ان مصاريفه فى السنة فى حدود 7 الاف
وطبعا معمارى بس لانه مفيهوش مدنى

انا مش عارفة تحب تعرف عن المعهد من ناحية ايه لكن ارجو اكون افادتك