كل مـــا يخص المســــتوى الرفـــيع لغه عربيه ...والرد على كل استفساراتكم ..

[A7med Negm]

هو اولا دروس العربى فى المستوى 14 درس

ماتتخضش من الرقم ده عشان فى دروس صغيره جدااااا

المهم الامتحان عبارة عن ان بيجيلك درسين منهم

او ممكن تلاته ...عشان العدد بيتغير فى كل كام سنه كده معرفش ليه

بعد الدروس بيجيلك سؤال بلاغه ....سؤال عااادى جدا زى اللى بييجى فى الامتحان بالظبط

بعد كده بقى بيجيلك نصين شعر ودى حاجه اسمها موازنه شعريه

الموازنه دى عباره عن نصين شعر والاتنين بيتكلموا عن موضوع واااحد

ابيات الشعر الاولى اسمها النموذج الاول....والتانيه النموذج التانى

وهنا بقى بيطلب منك انك تطلع صور بيانيه ومحسنات من النموذجين

او هو يجيبلك كذا صوره وانت توضح نوعها ..

وفى سؤال بقى بييجى فى الموازنه لازم تدرب عليه كويس

اللى هو بيقول .. فيما اتفقا الشاعران وفيما اختلفا !!

يعنى الاتنين اتكلموا اهو عن موضوع معين....

وكل واحد عبر عن الموضوع ده

المطلوب منك بقى توضح اللى اختلف فيه الشاعران دول واتفقوا فيه

مثال كده :



وفهمك للنموذجين كويس ..ومساعدة مدرسك .....هو اللى هيعرفك التشابه والاختلاف بينهم

كده بقى فاضل سؤال النحو

والسؤال ده بيبقى متوزع على اجزاء من الامتحان

بمعنى...

فى سؤال البلاغه الاول بيحطلك خطوط تحت كلمات معينه

وفى سؤال الموازنه الشعريه بردو بيحطلك خطوط تحت كلمات معينه

زى الكلمات اللى فى النموذجين اللى انا جبتهم

بس ويبقى كده انت خلصت

والوقت بيقضى وبيفيض كماااااان

لو جيت بقى وسؤال مش عارف اجابته ماتعملش حاجتين ...

* ماتكتبش اغانى فى الاجابه عشان لو المصحح خد باله احتمال يشطبلك على السؤال كله

* متسبوش فااضى

امال تعمل ايييييه

لو انت مذاكر الدرس تكتب كل اللى انت عارفه عنه بحيث ان اجابتك ماتقلش عن 4 سطور

لو انت مش مذاكره ...انقل القطعه واكتب اى كلام من دماغك عشان الاجابه اصلا مابتتقريش

بس عشان تبقى فى السليم...ياريت اجابتك ماتقلش عن 4 سطور

واهم حااجه فى الامتحان هى النحو

يااريت تقرا النص كويس وماتتخدعش وتستعجل بسرعه وتعرب

فى 2011 جه قالك فى سؤال البلاغه :

هــمم الرجـــال مقيـــــسه بزمانهـــــا وســـعادة الاوطان فى عمـــــرانها

وكان عايز اعراب " سعادة"

ناس كتير عربتها معطوف ...ودى اجابه غلط اكيد

اقرا تانى وهتعرف انها مبتدأ

انا بس عايز اقولك ان النحو مابيجيش صعب ولا حاجه " مستوى عربى بقى وهاييجى صعب"

لا طبعاا ...النحو بييجى عادى جداااااااااااااا

وتوزيع الدرجات غى العربى مفيش احسن منه

* مميزات بقى المستوى الرفيع العربى انه بيخدمك اكتر من الانجلش او الرياضه

عشان مستوى رفيع انجلش استحااااااااااااااااااااااااااله تاخد الــ 10 درجات

اعلى واحد بياخد 9.5 ......واكيد لازم تعرف ان النص بينقلك من كليه لــ كليه تانيه

ومستوى الرياضه عايز واحد دماااغ

وبالتوفيق ان شاء الله يارب ليكوا

اه على فكره انا دفعت 2011

[أنين الأنين]

جزااك الله خيرا على الافادة وربنا يوفقك فى كليتك
ممكن حضرتك تقولنا نبدأ مذااكرة المستوى من امتى
وشكراا لك

[A7med Negm]

ويوفقك فى دراستك انت كمان يارب
مقدرش احددلك معاد محدد تذاكره فيه
ده بيبقى حسب ظروفك ومقدرتك
بس ياريت تبأ مذاكرته قبل شهر 3
ومتذاكروش مره واحده وتقفله على كده عشان ماتنسهوش
وربنا يوفقك

[ranmory]

شكرااااااااااااااااا بس ف الموازنه الشعريه دى هذاكرها ازى لازم مدرس معايا و لا ايه

[*moon*]

شكرا على الافادة
والله استفدت كتير من شرح حضرتك

[A7med Negm]

المشاركة الأصلية كتبت بواسطة ranmory

شكرااااااااااااااااا بس ف الموازنه الشعريه دى هذاكرها ازى لازم مدرس معايا و لا ايه

هو بس المدرس يشرحها مره ويدربك عليها وعلى اسألتها بعد كده مش هتحتاجى لحد معاكى ان شاء الله

بس لازم المدرس يديكى فكره عنها الاول وبعد كده ممكن تذاكريها انتى لوحدك

[بنت المعتصم]

طيب انا عايزة اسال سؤال
انا اخترت انجلش وعايزة احول عربى
التحويل بيبقى عند بداية السنة الدراسية ولاقبل كده؟؟

[A7med Negm]

المشاركة الأصلية كتبت بواسطة بنت المعتصم

طيب انا عايزة اسال سؤال
انا اخترت انجلش وعايزة احول عربى
التحويل بيبقى عند بداية السنة الدراسية ولاقبل كده؟؟

معرفش والله بس تقريبا اما السنه تبتدى

وممكن تحولى فى اى وقت خلال السنه

[نورة أ]

شكرا لك نصائح مفيدة جدا

[ahmedhasan540]

والمستوي دة بيخلص في كام حصة ؟

[mostafa.hares]

هو مستوى العربى ولا الجغرافيا ولا الفلسفة افضل ........... ولو العربى ممكن يخلص فى كام حصة

[محمد الحوت 1]

شكرااااااااااااا يا برنس وربنا يكرمنا وقف معانا

[محمد عبد النبي 2010]

طب ممكن تقولنا نزاكر منين ؟؟ مزكرات ولا كتب ؟؟ ارجو الرد

[A7med Negm]

المشاركة الأصلية كتبت بواسطة ahmedhasan540

والمستوي دة بيخلص في كام حصة ؟

مفيش عدد محدد يا احمد
ممكن المدرس يخلصه فى 5 او 6 حصص
او ممكن يعدى 10 حصص

المشاركة الأصلية كتبت بواسطة mostafa.hares

هو مستوى العربى ولا الجغرافيا ولا الفلسفة افضل ........... ولو العربى ممكن يخلص فى كام حصة

لا ادام حضرتك ادبى
يبقى انا افضل الجغرافيا او الفسفه عن العربى
بس الحقيقه مقدرش اقولك انهى الاسهل جغرافيا او فلسفه عشان ماشفتش الاتنين :D

المشاركة الأصلية كتبت بواسطة محمد عبد النبي 2010

طب ممكن تقولنا نزاكر منين ؟؟ مزكرات ولا كتب ؟؟ ارجو الرد

لا الافضل انك تبعد عن الكتاب عشان بيبقى فيه رغى على الفاضى ..انما المذكرات بتبقى مجمعه الدنيا احسن

[Ƹ̴Ӂ̴Ʒ EsLaM MaSHaL Ƹ̴Ӂ̴Ʒ]

تسلم يغالي انا استفدت منك كتير

وطمنتني ... انا كنت قلقان من المستوي جامد

انت عملت ايه في تانيه؟؟

ودخلت كلية ايه؟؟