يا جماعه انا جايب 395.5 و القاهره 396 .. ( مساعده بليز لاخوكم )

[mahmoud atiya]

يا جماعه انا كان امنيه حياتى ادخل هندســــــــه القاهره واخدت من 396 وانا مجموعى 395.5 !

انا موش عارف اعمل ايه حاسس انى كل احلامى ضاعت حاسس انى مجهودى كله راح ومكئتب وبعيط من يوم النتيجه 24 ساعه

موش عارف اعمل ايه انا جالى عين شمس وانا موش بحبها و مينفعش احول منها للقاهره حتى لو جبت امتياز (دا لو جبتها واظن فى عين شمس مستحيل )

انا مستعد اعمل اى حاجه مستعد ادفع اى فلووس عازينا منى مستعد اروح للوزير دا .. مسعد اعمل اعداده تصحيح تظلم فى جميع المواد من تانى .. انا عملت الفيزياء ولسه هشوف الورقه .. وموش ضامن يجيلى نصف درجه منها ..


انا عايز نصف درجه بس ودا اللى هيموتنى انا حاسس انى كدا انتهيت وفاشل

ومفيش حد يقنعنى ان عيش شمس كويسه انا عارف انها كويسه فى نظر كله بس انا كنت هموت على القاهره وتعبت اوى السنتين دول وحاطط ادامى القاهره هيا هدفى ..

يا رب حد يساعدانى حد يعرف اى حاجه اعملها انا ممكن اموت نفسى وربنا انا بعيط 24 ساعه وموش عارف اعمل اي

كل زميلى دخلوا القاهره وزميلى انتيمى جاب 396 وقبلى فى الترتيب ب 20 واحد هوا دخل قاهره وانا عين شمس !! .. وانا الوحيد اللى فى مديتنى دخلت عين شمس ..

يعنى هقعد 4 سنين لوحدى .. والله حرام والله حرام

اى حد يفيدنى حتى لو ينفع اشترى النصف درجه دى لو ب 10000 جنيه هشتريها موش مهم بس اعمل دا فين

ولو وسطه برده اعمل ايه

انا موش عارف الدنيا ليه بتبخل عليا بأكبر حلم ليا .. دا كله علشان نصف درجه !! نصف درجه !!

[delly]

انا بجد ما اعرفش اي حاجة عن الكليات انا لسه في الثانوي انا حبيت بس ارد عليك لاني شايفك مغمقها قوي وعلى فكرة مش المشكلة انك تكون لوحدك او مع غيرك المهم هما وصلوا لايه وانت وصلت لايه جايز يكون ربنا رايد لك حاجة احسن وتبقى احسن منهم كلهم فانت تريد وانا اريد والله يفعل ما يريد المهم انك تكون عارف في قراره نفسك انا ما قصرتش في حاجة وربنا يوفقك

[sersan]

أولا : لازم تحمد ربنا على كل شي ء فالخيرة فيما اختاره الله .

ثانيا : هندسة عين شمس أقوى بكثير من هندسة القاهرة و أفضل في مجال العمل و دي عن تجربة لأحد قرايبي بجد ، و أعتقد إنها لو قافلة معاك تقدر تحول بعد سنة بس تكون جايب تقدير . والله أعلم

[mah_333]

سبحان الله !!! فعلا عين شمس في مجال الهندسة اقوي من القاهرة بكتير و بعدين هما الاتنين اسمهم هندسة وانته لا جربت الدراسه لا في ده و لا في ده يبقي ازاي تحكم و ايه اللي يمنع يعني من الدراسة في عين شمس غيرك بيتمني يروحها و ايه المميز في القاهرة عن عين شمس يعني بس لغيرك من اللي راحوا المنيا او اتبهدلوا بعيد و انته ترضي بحالك

[mahmoud atiya]

يا جماعه والله عارف ان عيييييييييين شمس اقوى هندسه ( واقوى طب ) .. وبرستيج اكتر من القاهره بمراحل

بسسسسس فى اسباب كتييييييييييير والله ممكن اشهر فيها سنه ..


حد يعرف حاجه عن الالتماس على نصف الدرجه وادفع فلوس ( زى ما يكون ) ؟

المشكله ان عين شمس فيها 60 واحد بس جايبين 395.5 .. ( والباقى اعلى .. يعنى 395.5 حد ادنى ) ... يعنى كان فيها ايه لو ضموهم ل هندسه القاهره !!!!!!!!!!!!!!!!!!!!!!

[-abdallah-]

بص انا جبت زيك كدا برضو 395.5 و جاتلي عين شمس وكان نفسي اخش القاهرة و اغلب صحابي في القاهرة و الباقي في حلوان و معرفش اي حد معايا
بس لازم تبقي عارف انك متعرفش الخير فين و ايه اللي هيبقي احسن ليك فالحمد لله دا اهم حاجة و انتا لو فكرت بطريقة تانية في النص درجة دي يعني لو جبت 395 كان زمانك دلوقتي في حلوان و طبعا عين شمس احسن من حلوان
بالنسبة للتحويل هو انتا ممكن تحول للقاهرة بس تكون جايب تقدير جيد جدا في اعدادي و تروح قسم مش موجود في عين شمس زي مثلا: طيران وفضاء او طبية او بترول او كميائية
وبالنسبة للاصحاب عادي يعني مش معني ان انتا مش معاهم انك هتقطع علاقتك بيهم الصداقة الحقيقية بتستمر
و هتتعرف علي ناس جديدة يعني الدنيا واسعة جدا بس فا متحبطش نفسك علي الفاضي دي هندسة و دي هندسة ولا مجهودك راح ولا حاجة ولازم تعرف ان الحاجات دي قدر من عند ربنا
و ان شاء الله لما تروح الكلية هتعرف ان انتا كونت مزعل نفسك علي الفاضي
وانا بالنسبة ليا كنت زعلان بس دلوقتي عجبتني عين شمس لما عرفت مستواها
و رمضان كريم

[max20051234]

على حسب التوزيع الجغرافى يعنى لو القاهرة اقرب عتحول من على النت عادى من غير فلوس لما التحويل يفتح

[mahmoud atiya]

المشاركة الأصلية كتبت بواسطة -abdallah-

بص انا جبت زيك كدا برضو 395.5 و جاتلي عين شمس وكان نفسي اخش القاهرة و اغلب صحابي في القاهرة و الباقي في حلوان و معرفش اي حد معايا
بس لازم تبقي عارف انك متعرفش الخير فين و ايه اللي هيبقي احسن ليك فالحمد لله دا اهم حاجة و انتا لو فكرت بطريقة تانية في النص درجة دي يعني لو جبت 395 كان زمانك دلوقتي في حلوان و طبعا عين شمس احسن من حلوان
بالنسبة للتحويل هو انتا ممكن تحول للقاهرة بس تكون جايب تقدير جيد جدا في اعدادي و تروح قسم مش موجود في عين شمس زي مثلا: طيران وفضاء او طبية او بترول او كميائية
وبالنسبة للاصحاب عادي يعني مش معني ان انتا مش معاهم انك هتقطع علاقتك بيهم الصداقة الحقيقية بتستمر
و هتتعرف علي ناس جديدة يعني الدنيا واسعة جدا بس فا متحبطش نفسك علي الفاضي دي هندسة و دي هندسة ولا مجهودك راح ولا حاجة ولازم تعرف ان الحاجات دي قدر من عند ربنا
و ان شاء الله لما تروح الكلية هتعرف ان انتا كونت مزعل نفسك علي الفاضي
وانا بالنسبة ليا كنت زعلان بس دلوقتي عجبتني عين شمس لما عرفت مستواها
و رمضان كريم

انت كمان زيى .. لنا الله يا اخى

انت اكيد حاسس باللى انا حاسس بيه ناو انا عندى احباط شديد جدا بجد حاسس ان انا صفر فى الحظ .. علشان نصف درجه ( 0.125 % ) مدخلش الكليه اللى انا عايزها

طيب انا عملت تظلم فى الفيزياء فى امل ؟ انا هعمل اللى عليا للنهايه .. وهحاول تانى وتالت ورابع


ولو رسيت على عيش شمس ان شاء الله هنبقى اصحاب .. اتمنى كدا انا نفسى اكون اصحاب احسن انا حاسس انى هكون وحيد ل 4 سنين .. ويا رب اجيب تقدير وادخل بترول يا رب

 		 		على حسب التوزيع الجغرافى يعنى لو القاهرة اقرب عتحول من على النت عادى من غير فلوس لما التحويل يفتح

لا مينفعش تحول للقاهره او عين شمس ... مطريه وحلوان بس ! ( هما كلهم اسمهم القاهره الكبرى .. يعنى نفس التوزيع الجغرافى )

[بيشوى هانى]

لا مينفعش تحول للقاهره او عين شمس ... مطريه وحلوان بس ! ( هما كلهم اسمهم القاهره الكبرى .. يعنى نفس التوزيع الجغرافى )[/quote]

يعنى ينفع بتاع حلوان يحول القاهرة ولو ينفع ازاى ؟؟؟؟

[issac-newton]

يا باشا انت مش خسران حاجة لما يجي التحويل ادخل و جرب تحول ,,
اديك تبقا حاولت حتى
و يارب يحققلك حلمك , و تدخل المكان الي نفسك فيه ,
ما تخفش داعيلك في رمضان والساعة تلاته الا ربع .,,
ادعيلي بقا اعرف احول انا كمان القاهرة

[mahmoud atiya]

المشاركة الأصلية كتبت بواسطة issac-newton

يا باشا انت مش خسران حاجة لما يجي التحويل ادخل و جرب تحول ,,
اديك تبقا حاولت حتى
و يارب يحققلك حلمك , و تدخل المكان الي نفسك فيه ,
ما تخفش داعيلك في رمضان والساعة تلاته الا ربع .,,
ادعيلي بقا اعرف احول انا كمان القاهرة

تصدق انا كنت ناسى التوبيك ..

قلبت عليا المواجع ..

ان شاء الله هعمل الحركه دى ( مع انها متنفعش ) .. بس نحاول

واللى يجيبه ربنا راضى بيه

[سعادتي في عبادتي]

الخيرة فيما أختاره الله يمكن كنت تدخل جامعة القاهرة بس متجبش تقدير و يمكن تجيب تقدير بجامعة عين شمس أنت ليه متشائم؟؟؟؟؟؟؟

[Engineer ..]

روح افتح ورقك كله ب 500 جنية وان شاء الله تاخد نص درجة

وربنا يوفقك

[ASSESANS]

السلاااااااام عليكم ورحمة الله وبركاته انا عمرو مصطفى من القناطر وجايب قدك بالظبط 395.5 والتوزيع الاقليمى جالى شبراا وبصراحة انا نفسى فى القاهرة وهحول السنة اللى جايه وكمان انا معايا اقامة فى عين شمس بس بصراحة انا مش عاوزها معقدة معقدة بمعنى الكلمة وربنا معاك يا أخى