ممكن نكلم بعض كويس

[zatoon]

راجعوا كدة مواضيع حافز الاثابة تلاقوا معظم دعوات اخواننا المتحمسين للاعتصام والاضراب لا تخلو من اهانة لزملائهم مثلا بعضهة وصفنا بالجبناء...والبعض قال مفيش رجالة...وشوية شايفنا نص نص فقالوا " استرجل "
ممكن بقى بهدوء نسمع بعض؟
أولا لما تنصح حد انصحة بالراحة و باحترام...ربنا أرسل لموسى وهارون"اللي هما أكيد أحسن منك" لفرعون "اللي إحنا أكيد أحسن منه"فقال لهم " فقولا له قولا لينا لعله يتذكر أو يخشى"
ثانيا:الاعتصام والاضراب مفيدان مفيش شك لكن أنتو مش معايا انه لحد دلوقتي مش باين اذا كنا فعلا ضمن الحد الادنى او لأ؟ولو كنا ضمنه فالنسبة كام؟
مش واجب الأول نفهم؟
ثالثا:ماتيجي نعمل من المنتدى ده مجموعة من كل محافظة(خمسة مثلا) ونتفق عل جتماع في كل محافظة ونعمل ورقة موحدة بصيغة جميلة نجمع عليها توقيعات نسخة من كل إدارة في كل محافظة تتضمن الآتي:استعلام عن موقف المعلمين من الحد الأدنى - مطلب المعلمين بتحييد الكادر والمكافأة - التحذير من عواقب تجاهل المطالب دي بتحديد يو من الإضراب الرمزي(أثناء اجازة الصيف)ثم يوم من الاضراب الحقيقي(أول يوم دراسة)ثم اعتصام أمام النقابة ثم الوزارة ثم عصيان مدني عام
الورقة دي ترسل الى رئاسة الوزراء ووسائل الإعلام(لتكوين رأي عام ضاغط)ويتم تكوين لجنة لإدارة الأزمة من كبار المعلمين العاملين بالفصول للتفاوض على حقوقنا
انا شايف كدة لكن دعوة لاتصام بطريقة عنتر شايل سيفه بدون نظرة لقدام وتجهيز فعل و رد فعل مش هينفع
لو كلامي معقول نبدأ حالا ولو عاوز تعديل نسمع ونتفق

[malakdarsh]

اللهي استحي ان اسالك وانا انا ولكني لما لا اسالك وانت انت ان لم اكن اهلا لبلوغ رحمتك فرحمتك اهلا لان تبلغني انت القائل وقولك الحق ورحمتي وسعت كل شئ وانا شئ فارحمني برحمتك يا ارحم الرحمين

[صفوت حمادة]

المفروض اننا معلمين فيجب ان تكون لغة الحوار بيننا اكثر تهذبا ولطفا

[mos3d]

كنت أتمنى يا أستاذ zatoon أن تكون متحليا بما تنادى به

أليست هذه مشاركاتك ؟؟
http://www.thanwya.com/vb/showthread...47#post3762347

لا تنه عن خلقٍ وتأتي مثله ... عارٌ عليك إذا فعلت عظيم
ابدأ بنفسك وانهها عن غيها ... فإذا انتهت عنه فأنت حكيم
فهناك يقبل ما وعظت ويقتدى ... بالعلم منك وينفع التعليم


على العموم كلنا هنا أخوة و عفا الله عما سلف و ربنا يسامحك و يسامحنى و يسامح صاحب الموضوع الذى قال كلمة جبناء

و مين عارف يمكن تكون ( ما محبة إلا بعد عداوة ) ربنا ما يجيب عداوة بنا إن شاء الله

و بهذه المناسبة .. هذا موضوع لعله بذرة للتفاهم بين المدرسين
http://www.thanwya.com/vb/showthread...52#post3767752
ستجد فيه أشياء خطوات جادة إن شاء الله

[طارق احمد عبد السلام]

للأسف اصبحت هذه سمة جديدة

[zatoon]

المشاركة الأصلية كتبت بواسطة mos3d

كنت أتمنى يا أستاذ zatoon أن تكون متحليا بما تنادى به

أليست هذه مشاركاتك ؟؟
http://www.thanwya.com/vb/showthread...47#post3762347

لا تنه عن خلقٍ وتأتي مثله ... عارٌ عليك إذا فعلت عظيم
ابدأ بنفسك وانهها عن غيها ... فإذا انتهت عنه فأنت حكيم
فهناك يقبل ما وعظت ويقتدى ... بالعلم منك وينفع التعليم


على العموم كلنا هنا أخوة و عفا الله عما سلف و ربنا يسامحك و يسامحنى و يسامح صاحب الموضوع الذى قال كلمة جبناء

و مين عارف يمكن تكون ( ما محبة إلا بعد عداوة ) ربنا ما يجيب عداوة بنا إن شاء الله

و بهذه المناسبة .. هذا موضوع لعله بذرة للتفاهم بين المدرسين
http://www.thanwya.com/vb/showthread...52#post3767752
ستجد فيه أشياء خطوات جادة إن شاء الله

وأنا معاك أبرأ إلى الله من كل إساءة مني عن علم أو جهل
ومحدش يزعل مني.....وسلام