|
#1
27-07-2011, 12:28 AM
|
|||
|
|||
شكر للجميع
بسم الله الرحمن الرحيم
اولا اريد ان اشكر منتديات بوابه الثانويه العامه على هذا المجهود الرائع فى جميع الاقسام ودائما تاتى بالجديد والمتميز والموضوعات المتميزه فى جميع الجوانب الاجتماعيه والدينيه التى تزيدنى معرفه واطلاع لذا فانا اود ان استشير الجميع واتمنى للجميع ان يساعدونى علشان انا مش عارفه بجد اعمل ايه ومحتاره وبصحى وبنام على التفكير فى الموضوع ده اخش بقا فى الموضوع عشان ماطولش عليكوا انا طالبه فى تالته ثانوى والحمد لله الواحد خلصها وارتاح انا جبت مجموع عام 93.5 ومش عارفه بجد هالحق ايه انا كنت فاكره نفسةى هالحق طب بيطرى فى اى اقليم قبل طبعا ماعرف ان الوزير ربنا يخليه لينا رفع الحد الادنى للقبول بالكليات وحتى كنت فاكره نفسى هالحق مرحله اولى بس لللاسف لا لحقت مرحله اولى ولا هخش طب بيطرى ومحتاره جدا اكتب فى الرغبات ايه وانا محتاره جدا بين علوم وتربيه انا مش عارفه اخش علبوم ولا تربيه وده طبعا عشان كل واحده فيهم فيها حاجه تشجعنى وحاجه تانيه تخلينى افكر تانى واتمنى من اى حد يشاركنى ويقولى رايه ولو بكلمه واحده عشان محتاره بجد اولا علوم فى ناس تقولى علوم دراستها صعبه جدا واصعب من طب وكل حاجه فيها بلانجليزى وده حاجه مش مهمه مش فارقه يعنى اوى معابا وبعدين انا شوفت تنسيق 2009 لقيت علوم واخده من 76 فى الميه وانا جايبه 93.5 وزعلانه يعنى على الفرق الكبير ده شويه يعنى على العلم ان دى علوم الزقازيق اما بقا اللى مشجعنى شويه على علوم انا اصلا بحب الكليات لعلميه وبحب الفيزياء والكيمياء اوى اكتر من الادبى بكتير وانا نفسى حابه علوم عن تربيه وبعدين اعرف عنى ان علوم ليها وظائف بعد التخرج كتيره ومختلفه بس دى طبعا حاجه مش واثقه فيها والله اعلم اما بالنسبه لكليه تربيه انا لما فتحت تنسيق 2009 لاقيت تربيه واخده تقريبا من مجموعى وده شجعنى عليها وككمان كل المواد او معظمها مواد ادبيه وانا الادبى جاجه سهله وتافهه بالنسبه اللى عشان انا عندى الحفظ كويس وده مشجعنى انى ادخلها ويبقى سهل بالنسبه اللى ادخل معيده اما بالنسبه لعلوم فمش عارفه هيقى سهل انى ابقى معيده ولا لا وفى نفس الوقت بقول ان انا لو لقدر الله دخلت تربيه ومتعينتش معيده هبقى ايه يعنى غير مدرسه تتنقل بين مدرسه ومدرسه مره بالعقد ومره طيارى وانا اصلا مش اجتماعيه ومش باخد على الناس بسهوله وكمان مهنه المدرس وانى اشرح للتلاميذ دى مش حباها اوى اتمنى الجميع يدونى رايهم عشان انا مش عارفه اعمل ايه ومحتاره جدا ومش عارفه ايه اللى هيبقى كويس ليا ولو فى معلومه خاطئه انا كتباها ياريت حد يقولى الصح 
|
|
#3
27-07-2011, 12:55 AM
|
||||
|
||||
الله انتى عبرتى عن كل اللى نفسى اقوله والله انا كمان نفس اللى انتى بتتكلمى فيه بالظبط بس انا 90 % علمى رياضه ..
و بفكر فى علوم او تربيه .. بدأت اقتنع ان تربيه هدرس رياضه جااامد مثلا و هطلع مدرس انا اجتماعى شوية بس مش بحب مهنه التدريس ده انا مش بعرف اشرح لنفسى اقوم اشرح لعيال تانيه هههههههههههه ... اما علوم الناس تقولى صعبه جداا و ده من كلام واحد خريج القاهره قسم كيمياء منفرد .. جاب جيد جداا تقدير نهائى و بيشتغل فى شركه فى غير مجاااااله اصلا عشان ملقاش شغل ... قالى صعبه جدااا الصراحه و مجهودها قوى لو حاببها ادخل .. فا انا عمال افكرر و دماغى تعبت من التفكير و انا ليا قسم علوم الحاسب عشان علمى رياضه فا بفكر فيه اووى .. ربنا يكرمنا كلنا و يكرم الجميع يارب
|
|
#4
27-07-2011, 12:59 AM
|
||||
|
||||
|
Allal :
انتى شايفه كده ؟؟ انا مش عارف اقنع نفسى 100 % بعلوم يا جماااعه قلقان الناس قالتلى يبنى اللى اخدته فى ثانوى من كيمياء و فيزياء ميجيش 10 % من اللى هتاخده فيها .. ده احنا كنا بنذاكر بالعافيه مع الدرس و الدرس كان بيساعد ب 60 % كمان طب هناخد دروس فى الجامعه !! اكيد لآ ... طب و العمل نجاااازف ؟؟؟ و نتوكل على الله ... ولا احط تجارة انجلش قبلها ؟ اعتقد تجارة انجلش ليها شغل كويس و سهله بكتير .. ياريت تشاركونى الموضوع ده عشان اعصابى تعبت بجد من التفكير يا رب هون علينا
|
|
#7
27-07-2011, 01:23 AM
|
||||
|
||||
|
ربنا يخليكى .. احلى حاجة الحوار عشان نستفيد .. و على فكره علوم رياضه مش شرط احصائى او مدرس فى مجالات كتير .. علوم حاسب و تكنولوجيا معلومات مجال مهم جداا و شغله متوفر و فى اقسام تانى حلوه مش شرط مدرس .. اصل لو مدرس ادخل تربيه اسهل ههههههههههههههه
|
|
#8
27-07-2011, 01:26 AM
|
||||
|
||||
|
بس لو سمحتى انا كان عندى استفسار يعنى : انا علمى رياضه .. المهم لقيت علوم / رياضه المنيا 364 تقريبا
و علوم المنيا العاديه واخده 345 يعنى اقل المهم طيب انا واخد كيمياء و فيزياء زى العلمى علوم طب انا ممكن اكتب علوم المنيا اللى واخده 345 دى مثلا فى رغباتى ويبقى ليا قسم كيمياء فيزياء بس فيها ؟ يعنى اقدر ادخلها فى رغباتى .. ولا ايه
|
|
#10
29-07-2011, 02:23 AM
|
|||
|
|||
|
اقتباس:
بس انا اعتقد ان مجموعك يدخلك حاسبات ومعلومات لو انت علمى رياضه وطبعا لو دخل حاسبات ومعلومات هيبقى احسن بكتير ده انا كان نفسى وندمت انى مختش كيمياء فى تانيه للاسف خدت احياء وقطعت على نفسى كل السبل عالفكره ممكن تلحق حاسبات ومعلومات اقاليم
|
|
#11
29-07-2011, 02:28 AM
|
|||
|
|||
|
اقتباس:
انا خلاص قررت الحمد لله هخش علوم باذن الله عشان الاقى مجالات كتيره قدامى احسن ماخش تربيه واطله الاقى نفسى مدرسه وانا مش حابه مهنة التدريس اساسا وبصراحه انا عهدت على نفسى باذن الله انى هجتهد فى كليه علوم احسن من الثانويه العامه اللى انا اتهاونت فيها شويه وبالنسبه ليك لو انت هتذاكر وهتمشيها بجد خش علوم رياضه بس لازم تعرف ايه مجالات العمل ليها ولو عايز تسهل على نفسك ومش عايز تذاكر وتتعب نفسك اوى خش تجاره هتبقى محاسب ودى شغله كويسه للرجاله واعتقد ان نصاغلب الناس فى المجتمع محاسبين وربنا يوفقك
|
|
#12
29-07-2011, 05:30 PM
|
|||
|
|||
|
انا ان شاء اله قررت ادخل علوم
بس مش عارفه اكتب بعدها ايه ماما عايزانى اكتب تمريض لسه مش عارفه وانا هكتب تجارة انجليش وربنا يسهل وكمان بيقولوا الحد الادنى هيقل اخر خبر نزل فى جريدة الدستور ربنا يسهل الحال وحلمنا يتحقق
|
|
#13
29-07-2011, 08:28 PM
|
|||
|
|||
|
تجارة انجلش أحسن من الاتنين ,,,, بس لو على الاتنين دووووول يبقى تربية يا حاجه
|
|
#14
30-07-2011, 07:57 PM
|
|||
|
|||
|
شيشانا ممكن اعرف انتي بس جبتي منين علوم الزقازيق 2009 76% لاني دورت في التنسيق كله مالقتش الكلام ده واقل علوم كانت اسيوط من 333 ما يعادل 81.2 تقريبا
|
|
#15
30-07-2011, 09:17 PM
|
|||
|
|||
|
شكرا علي الاضافات
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:35 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
