رايكوا فى امتحان المتفوقين

[General Ahmed]

ياجماعه ياريت تقولوا رايكوا هنا عن الامتحان بتاع المتفوقين

انا من وجهة نظرى ان الامتحان الحمد لله كان الى حد ما حلو وسهل

وان شاء الله تكونوا حليتوا كويس وتدخلوا فصول المتفوقين

وشكرااااااااااااااااااااااا

[ali_reda]

الحمد لله كان امتحان اكثر من رائع و يحتاج الي سرعة بديهية
.....
بس ايه اخبار النتيجة

:0 49gc0:

[*(amera)*]

الامتحان جميل وسهل اوى انا بجد كنت متخيلاه هيبقى معقد وصعب
هو الصعب اللى فيه حكاية الاشكال دى هو كان اخر شكلين مش واضحين اوى بس حليتهم
وكان جميل ولذيذ وعجبنى اوى
وسالنا المدرسين على النتيجة قالوا هى مش هتبقى بارقام هيتقال باين لائق او غير لائق لكن ما عرفتشش امتى بالظبط نعرف

[!! Dark Man !!]

ده كان امتحان عبيط خالص وتافه ومفهوش اى اسئلة رياضة ولا غيره
ومشكلة سعاد واضف اقتراحات الى الساعة
بس السؤال الاول بتاع الاشكال كان صعب بصراحة وكان 4 صفحات
انا حليت اول صحفتين والباقى حليته اى كلام عشان الوقت كان 10 دقايق ملحثتش
والباقى الحمد لله حليته كله مسبتش سؤال وخلصت اول واحد فى الفصل

[lovely car]

الحمد لله الامتحان كان سهل ماعدا اخر مسالتين من المكعبات انا كنت فكرة انه هيكون تعجيزى بس الحمدلله الامتحان
تافه بس انا عايزة اسال سوال النهاردة كنا 23 وهما قالوا ان الفصل المفروض يكون 30

[تسنيم العسل]

فعلا يا جماعة المكعبات اللى كانت فى اخر صفحة كانت صعبة اوى لدرجة ان انا عينى وجعتنى ومبقتش عارفة هل فى فراغ ولا لأ وكمان السؤال بتاع سعاد انا كتبت خمس اقتراحات ويا رب يوفقنا جميعاً بس الامتحان كان تافه جدا انا كنت رايحة متخيلة الاسئلة ذكاء وكدة يعنى لكن طلع ولا ذكاء ولا حاجة ولا فية اى حاجة صعبة الحمد لله

[Eng. Ahmed Hekal]

الامتحان كان سهل جدا
ماكانش فيه اي ذكاء ولا رياضيات الا بس بتاع المكعبات الي في الاول

بس بتاعت تنطبق ولا لا تنطبق او تنطبق بدرجة متوسطة اوقليلة ده كان بايخ وكان فيه منه كتير جدا
والسؤال بتاع الشكلين واختار شكل ده اهبل ومش فاهم نختار على اساس ايه
ده في الورقة الثالثة

[FLURAG]

el emt7an kan sahl ah .. bs el 2shkal elle kant f el2a7'er de kant resla shwaya ... lkn el7mdlleah

[General Ahmed]

فعلا يا جماعه المكبعات كان رخم شويه وبالذااااااااااااات الشكل التاسع والعاشر
الحمد لله خلصنا من الامتحان ده انا كنت خايف منه
بس انا مش عارف ازاى هناخد النتيجه يا ريت لو فى حد يعرف يقولنا ؟؟؟؟

[مصطفى مزيد]

ياجماعة انا عايز اشوف الامتحان ممكن حد يرفعوا على النت

[آية عثمان]

الامتحان كان سهل وحلو بس عيبه ان مش هيقيم المتفوقين بجد بجد وخاصة انه كان واخد من 255 تقريب نص الاعدادية معدية المجموع ده وبصراحة المفروض تبقي في فصول للمتفوقين في من 3 ابتدائي عشان يتم تميزهم

[General Ahmed]

المشاركة الأصلية كتبت بواسطة آية عثمان

الامتحان كان سهل وحلو بس عيبه ان مش هيقيم المتفوقين بجد بجد وخاصة انه كان واخد من 255 تقريب نص الاعدادية معدية المجموع ده وبصراحة المفروض تبقي في فصول للمتفوقين في من 3 ابتدائي عشان يتم تميزهم

الامتحان فعلا مش بيقيك مستوى التفوق بس الامتحان اه واخد من 255 بس نتيجة الامتحان دى بتضاف على المجموع الاساسى يعنى لو كلنا حلينا اللى جايب مجموع عالى فرصته اكبر انه يدخل

[داليا رمضان]

كان سهل الحمد لله ومافيش حاجه محتاجه ابداع اوى
الا مشكله سعاد وتحسينات الساعه دى
بس هو كان حلو

[الاحترام]

المشاركة الأصلية كتبت بواسطة مصطفى مزيد

ياجماعة انا عايز اشوف الامتحان ممكن حد يرفعوا على النت

الإمتحان كان فى نفس الورقة
وكان سهل جداً الحمد لله