أي حد يرد عليا

[Sigma6]

أنا جبت 384.5 وسمعت في التوقعات بتاعت الجرايد إن هندسة من 94% يعني حوالي 385.5 وأن حسبت الأعداد اللي من 385.5 لحد 384.5 وكانوا حوالي 1300 يعني مش فاكر الرقم كويس هما ألف وثلاثمائة وحاجة وسبعين كده المهم وسمعت بقى إن طلبة المرحلة الأولى هيأخدوا كل الأماكن اللي في الكليات طيب أنا كده ألحق حاسبات لأني كان نفسي أدخلها وهو الناس كلها بتقولي أنت شكلك كده مش هينفع تدخلها
والله أنا زعلان جدا لأني بحب الكلية دي جدا ولما بقيت في 3 إعدادي وسمعت عن الكلية دي حبيتها وبقيت بحلم وأخطط لحياتي على أساس إني إن شاء الله داخلها أنا بس زعلان عشان حاجة واحدة بس
إن الناس اللي هتدخلها هيدخلوها عشان مش لاحقين هندسة أنت عارف لما بتحب حاجة أوي وبتتنرفز لما حد يكون حاططها استبن عشان لو مجتش معاه هندسة يكتب حاسبات قال يعني أقل أنا والله لو كل اللي هيدخلوا الكلية دي بيحبوها وبيحبوا دراستها زي ما أنا بحبها وهما فعلا عايزنها والله مش هزعل إنما أنا متضايق فعلا لأن شكلها كده الناس اللي هتدخل الكلية هيدخلوها عشان ملحقوش هندسة
وأنا كنت قرأت إن علوم قسم علوم حاسب بيدرسوا نفس الحاجات فهل فعلا بيدرسوا نفس الحاجات ؟
وقرأت إن لما هيعملوا نقابة هيمنعوا أي حد مش خريج حاسبات ومعلومات من مزاولة المهنة
طيب أنا على الكلام ده أدخل علوم قسم علوم حاسب لو ملحقتش حاسبات ولا أشوف أي حاجة تاني
وأرجو أي حد يرد عليا

[AHEDO]

لا انشاء الله انت هتلحقها بنسبه 98%
انا جايب 382 و للأسف كان نفسى ادخلها بس صعب

و كليه علوم حاسب نفس قسم علوم حاسب الى فى حاسبات و نفس الشهاده

[Sigma6]

طيب بالنسبة لبقية الأسئلة

[fuoozz]

علوم حاسب هى هى حاسبات الفرق الوحيد الاسامى متغيرة لاحاسبات هتلاحقها بنسبة كبيرة اوى