سؤال بعد اذنكم

omar-st · #1 25-07-2011, 10:09 AM

سلام عليكم

يا جماعة بعد اذنكم عايز اخد رأيكم لأن انا احترت خلاص و دماغي لفت

دلوقتي انا هدفي ان شاء الله اني ابقى مهندس معماري

يعني كده كده اي كلية هندسة هدخلها هبقى عايز ادخل قسم عمارة

دلوقتي انا كتبت هندسة عين شمس و بعدين القاهرة و بعدين شبرا و بعدين فنون جميلة قسم عمارة ( و انا نجحت في امتحان القدرات )
عايز اعرف هل من الافضل اني اخلي فنون جميلة عمارة رغبة تالته , بحيث ان انا هبقى ضامن العمارة من اول سنة و في نفس الوقت الدكاترة و المدرسين هناك افضل ولا اخلي شبرا زي ما هي

و حاجة تانيه , هل افضل ان انا احط فنون جميلة عمارة اول رغبة لأن انا مضمنش في السنة الاعدادي اجيب تقدير عالي ادخل بيه العمارة , العب في المضمون يعني

و اللي محيرني اكتر و اكتر الناس بتقول ان ساعة الشغل بيبصوا لخريج عين شمس او القاهرة الاول فالحكاية دي مخلياني متردد في موضوع الفنون الجميلة عمارة

يا جماعة عايز اسمع رأيكم

salma 93 · #2 25-07-2011, 10:38 AM

حضرتك انا مش مدرسه انا زميله ليك فى تالته ثانوى ولما كنت باخد عماره مع المستر كان بيقولنا ان المهندس المعمارى الى خارج من فنون جميله بيكون احسن ومطلوب لانه بياخد الخمس سنين معمارى لكن الى بيتخرج من هندسه بيكون واخد خمسه بس ده الى المستر قاله وممكن سوال حضرتك عرفت انك نجحت ازاى فى امتحان قدرات عماره لان قالوا هتطلع على النت وناس بتقول لا من الكليه

rehab rehab · #3 25-07-2011, 06:17 PM

كل الاقسام فى عين شمس بتاخد من مقبول مش مخاطرة اوى يعنى

omar-st · #4 26-07-2011, 01:54 AM

اقتباس:

المشاركة الأصلية كتبت بواسطة salma 93

حضرتك انا مش مدرسه انا زميله ليك فى تالته ثانوى ولما كنت باخد عماره مع المستر كان بيقولنا ان المهندس المعمارى الى خارج من فنون جميله بيكون احسن ومطلوب لانه بياخد الخمس سنين معمارى لكن الى بيتخرج من هندسه بيكون واخد خمسه بس ده الى المستر قاله وممكن سوال حضرتك عرفت انك نجحت ازاى فى امتحان قدرات عماره لان قالوا هتطلع على النت وناس بتقول لا من الكليه

انا اسمع برضه عن الحكاية دي
و قريت عنها في المنتدى بيقولوا ان بتاع الفنون الجميلة بيبقى له لمسة فنية عن بتاع العمارة اللي بيبقى رسمه معماري بحت , غير فعلاً موضوع الدراسة 5 سنين و اربع سنين ده
بس انا عرفت انهم بيدرسوا نفس المواد هي هي
انا عرفت اني نجحت في امتحان القدرات عن طريق واحد معرفه شغال في الكلية عرف يجيبلي النتيجة
لكن هي ظهرت فين , اعتقد هتظهر في الكلية لأن موقع الكلية مبينزلش عليه اي حاجة

omar-st · #5 26-07-2011, 01:57 AM

اقتباس:

المشاركة الأصلية كتبت بواسطة rehab rehab

كل الاقسام فى عين شمس بتاخد من مقبول مش مخاطرة اوى يعنى

اه انا عرفت كده
ربنا يطمنك

خلاص هخليها عين شمس الاول و يارب تيجي

salma 93 · #6 26-07-2011, 10:19 AM

ربنا يوفقك وان شاء الرحمن تبقى مهندس معمارى زى ما بتحلم وان شاء الله نكون زمله انا برضه كتبت هندسه عين شمس و بعدين القاهره و شبرا ان شاء اللع خير