ممكن قبل ما نفكر نعمل اعتصام نفكر شويه

مصطفى اسماعيل عبد الله · #1 22-07-2011, 03:45 PM

اناا عايز اقول لكل الناس اللى نازله تعمل اعتصامات دى هل بالله عليك هدفك من الاعتصام ده تحقيق مصلحه عامه ولا مصلحه خاصه وبعد كده تخرب شوف الاول ترتيك كام على الجمهوريه ولو حسيت انك ليك حق وما خدتوش يبقى تتكلم اما غير كده فيبقى انت وسامحنى انى اقولها ما بتحبش مصر لازم المصلحه العامه مصلحه بلدنا مصر

!KIMO! · #2 22-07-2011, 03:48 PM

المصلحة مصلحة مشتركة يا مصطفى

انتا جايب كام ؟؟

hamada966 · #3 22-07-2011, 03:54 PM

ايوه وادينا شايفين ان الضغط جاب نتيجه فعلا واهه الخبر من جريدة الوفد

Zeinab Elshazly · #4 22-07-2011, 04:47 PM

مهما كانت النتيجه الكل فرحان بالاعتصام ارحمو مصر والله ما تستاهل مننا كل ده
اعرفوا شئ واحد اللي ربنا كتبهولك هتاخده لا بالذياده ولا النقص ارحمونا وربي اتخنقت من عمايل المصريين
وفي الاخر ربنا يسطرها ويارب اكرم مصر واهدينا واكرمنا واحنا بنعمرها يا رب العالمين

Nitro Of LoVe · #5 22-07-2011, 04:53 PM

يا جماعة لو حد له حد معتصم هناك يقولوله يطالبلنا بالانتساب

الانتســـــــــــــــــــــاب

star-55 · #6 22-07-2011, 06:13 PM

بسم الله الرحمن الرحيم

السلام عليكم

الاعتصام دة للمصلحة العامة

بنعوض الفراغ بتاع سنة الفراغ دة

البلد محتاجة دكاترة عشان المستشفيات بتاعت الارياف

بقا احنا نرضا بالهم والهم ميرضاش بينا

الناس تتزاكر وتتحمل وتبقا حلمها تدخل الطب رغم كل عيوبها من تشريح جثث و تعيين ف الارياف وهما يقولولنا بلاش اعتصام عشان بسكلتة الانتاج

احنا مبنعملش جريمة لمصر احنا بنساهم ف تطوير الصحة ف مصر

مصر عايزة ايه مننا اكتر من كدة؟؟؟؟

مالها عمايل المصريين ؟؟؟

اصلا ايه معنى كلمة عمايل المصريين ؟؟؟؟

اعتبروها عمايل اسرائيليين ونفذوا مطالبهم طالما المصريين كخة

اللى منزلش ينزل ياجماعة

مصطفى اسماعيل عبد الله · #7 22-07-2011, 09:18 PM

يا ريس يعنى ايه انت شفت ترتيبك كام لو حسيت ان اعداد الطب بتاخد اكتر من ترتيبك يبقى ليك الحق لكن علشان خاطرى ده نصيب وبعدين احنا لازم لو هنعمل كده نعمل كده لقدام