نظام منح الجامعة الأمريكية

[FirstMan08]

بسم الله الرحمن الرحيم
ممكن لو في حد يعرف حاجة عن المنح اللي بتقدمها الجامعة الأمريكية لطلبة الثانوية العامة المتفوقين يقولها في أسرع وقت وبيتكون عبارة عن ايه بالظبط مع العلم إني جبت 99.88% في مجموع السنتين وأنا علمي رياضة و ايه هي الأقسام الليس موجودة في كلية الهندسة بالجامعة
شكراااا

[karimadel7]

معلوماتي ان نظام المنح صعب جداً في الامريكية و عمرها مبتكون كاملة
ماعدا مسابقة بيعملوها سنويا بين طلاب مدارس الحكومة فيخدوا 2 من كل محافظة

أنا انصحك بالجامعة الالمانية
جامعة محترمة جداً جداً و بمجموعك ده هيعملولك خصم محترم و لو تفوقت فيها هيبعتوك المانيا تدرب و تكمل دراستك

أنا طالع تالته و ده هدفي اللي نحاول اعمله

[soskadoll]

اكيد قدمت فى الادارة ولا ايه؟؟؟

اصل النشرة جت فى المدرسة واحنا فى اواخر السنادى واللى كان عايز كان بيقدم فى الادارة عشان يدخل امتحان على مستوى الجمهورية لاختيار الافضل على مستوى الجمهورية والامتحان سيكون فى شهر 8

[FirstMan08]

ولا حد جاب لنا سيرة
يعني كده التقديمات راحت
الحمدلله مش مشكلة
النصيب بقي )

[a_el7attab_n]

انا جايب 99.5 فى تانية و نفسى بجد اخشها لو جبت مجموع حلو فى تالتة ان شاء الله

ياريت توضيح اكتر

[FirstMan08]

روح اسأل في الإدارة التابع ليها مدرستك و خليك متابع أول بأول بقي

[a_el7attab_n]

ايه موضوع الادارة دا مش فاهم اول مرة اعرفه ؟؟!!

[jorden]

طيب يا جماعة انا جايبة 411 يعني 100.25% في منح ليا ؟ و المنح دي كاملة ولا لازم اشارك في المصاريف؟

[a_ayman93]

بسم الله الرحمن الرحيم
انا ليا واحد صاحبي جايب 99 (ما شاء الله) وقدم في المنحة قبل امتحانات تالته وكلموه وامتحن امتحان انجليزي ونجح فيه الحمد لله ومفروض عنده انترفيو بكره ادعوله بقى

[mega man166]

طيب هوا بيبقا فى منح لطلاب الدبلومة الامريكيه المتفوقين؟

[ROMEOOOO]

أنا زيكم بردو بس مقدم في الجامعة من يوم 24 مارس مقدم عادي و أنا علمي رياضة جايب 94% المهم و مجموعي قل السنادي عشان كنت رايح ج علي الجامعة و امتحانات و كده لحد قبل امتحان العربي بخمس ايام و عموما لو عاوزين تقدمو في الجامعة روحو الجامعة بنفسكم و حاتو بيان النجاح من الادارة اللي انتم تابعين ليها أو المديرية بعدها روحو الجامعة و المطلوب


1- شهادة طبية عامة من أي مركز طبي تأبع لجامع أو كنيسة أو مستشفي أو أي حاجة ان انتم تسطيعو مؤهلين بدنيا و نفسيا و ذهنيا للدراسة و ديه من عند دكتور الباطنة

2 - للولاد بطاقة عسكرية 2 من التجنيد ده بنص جنيه اشترو نسختين و بتودوها فاضية

3- 3 صور زي بتوع ثانوية مكتوب عليهم من ورا أسمائكم بالانجليزي بخط اليد

4- ملا استمارة الانضمام للجامعة و ده اللينك بتعها للطباعة
http://www.aucegypt.edu/admissions/u...e-3%5B1%5D.pdf

5- كتابة مقال أو بالانجليزية essay صفحتين أو 3 عن ليه انتم داخلين الجامعة الأمريكية و ازاي تقدرو تستفيدو من الدراسة في الجامعة و الكتابة بالانجليزي و أنا لما عملتها بدعت اقصى ما عندي فنصيحتي لكم ان انم تبدعو اقصى أبداع عندكم زي كده المقال بتاع الانجليزي المستوى الرفيع ثانوية عامة يعني طلع اللي في قلبك و عبر عن الكلام ده و نفسك تبقى إيه و كده و مطلوب الابداع في المقال ده بكل ما اوتيت من امكانيات

6- النقطة السادسة ليست الزامية و لكنه جيد جدا سيساعد موقفك في القبول نسبيا و لكن مش شرط أنا مش عملتها مثلا و هي اختيارية و هي عبارة عن توصية reference من 2 مدرسين من اللي خدتم معاهم في الثانوية عن كل المواد اللي اختوها في السنتين اللي فاتو و تتعمل بنانجليزي

7- النقطة السابعة ديه تفرق لو انت ولد أو بنت لو بنت يبقي تقدمي صورة من شهادة الميلاد أو شهادة ميلاد كومبيوتر أما لو ولد مطلوب شهادة ميلاد كومبيوتر و صورة وش و دهر للبطاقة و نموزج 2 جند تسلمه فاضي

8- هتمتحنو امتحان انجليزي عالمي يسمي TOEFL ibt ده امتحان امريكي الامتحان عبارة عن قراءة و كتابة و استماع و تحدث

نبدا بالقراءة القراءة عبارة عن من ثلاث اللي خمس قطع كبار يعني كل واحدة صفحة كبيرة و كل قطعة عليها 14 سؤال كلهم اختر الاجابة الصحيحة ماعدا سؤال واحد بيبقى رتب الاحداث أو وصل و كل قطعة ليك تلت ساعة عشان تخلصها و لازم تلت لأن على الكومبيوتر و لو اتاخرت الكومبيوتر مالوش دعوة عشان كده لازم لما تجاوبو مثلا ليك علي القطعة تلت ساعة تقرا القطعة سريعا بدون فهم متعمق بسرعة في دقيقتين و بعدها تجيب السؤال الاول و تشوف اجابتو من القطعة و تدي كل سؤال من ال 14 سؤال دقيقة عشان تلحق و تركز هو بيبقى القطعة بتتكلم عن معلومات من مجالات مختلفة مثلا احياء أو كيمياء أو فيزياء أو جيولوجيا أو تاريخ أو فلسفة أو منطق أو ادارة أعمال أو اقتصاد أو سياسة أو شئون و مواقف دخل الحرم الجامعي و بيعتمد علي قدرتك في الاستيعاب و التحليل و زي ما قلت سؤال القراءة من ثلاث إلى خمس قطع

بعدها ندخل على سؤال الاستماع سؤال الاستماع عبارة عن 6 اسئلة و الاسئلة ديه متنوعة مثلا في السؤال الاول هيجيلك جملة من أي مجال دراسي من اللي ذكرتهم من سطرين و تتكلم في مدة 45 ثانية و بـيسألك من 4إلى 6 اسئلة جوه كل محاضرة أو هي 6 محاضرات كل واحدة جواها ,من 4 إلى 6 اسئلة اختر في مجالات مختلفة عن بعض و بتبقى مثلا 3 محاضرات مدرس بس بيشرح لوحده او محاضرة مدرس بيتكلم و طلاب بيسالو و ممكن سؤال الطالب يبقي مستغرب من كلام الدكتور اللي بيشرح زي التفاعل بتاعنا كده في الفصول و يسألك عن حاجة اتقالت أو وجهة نظر أو انت بتفضل انهي راي و للعلم لما تسمع محاضرة سجل الخيوط العريضة و النقاط المهمة في ورقة عشان اسهل

و بعد السؤال ده بتاخد break لمدة 10 دقائق و تعمل أي حاجة

و بعدها ترجع قبل ما ال عشر دقائق يخلصو هتدخل على سؤال التحدث ده بيتكون من 6 اسئلة مثلا السؤال الاول و التاني عبارة عن جملة بتظهر علي الشاشة و تقول رايك فيها في مدة 45 ثانية لكل سؤال أما السؤال الثالث فهو عبارة عن أنك تقرا قطعة 3 سطور في دقيقة و نصف و بعدها هيجيلك زي محاضرة 3 دقائق بتختلف مع راي القطعة اللي قبليها و كل واحد من اللي كان بيقول المحاضرة أو القطعة بيقول السبب و اسانيدو و الحاجات اللي باني عليها افكاره و كده بعدها يسألك انت مع انهي راي فيهم و ليه أو مثلا ما هو راي الشخص اللي كان بيتكلم بعد لما الست جزئيات يخلصو


هتدخل علي الكتابة و ده بيكون سؤالين السؤال الاول عبارة عن قطعة كبيرة اد صفحة كبيرة تقراها في دقيقتين أو 3 دقائق و بعدها تسمع محاضرة 3 دقائق و تكتب الفرق بين الرأيين و الحلو في السؤال ده ان و انت بتكتب بتشوف القطعة جمبك لكن المحاضرة بتسمعها مرة واحدة عشان كده لازم تسجل الخطوة العريضة و الافكار أما بتبقى فهمت فكرة اللي بيتكلم أو بتسجل النقط و لازم تسجل افكار المحاضرة اللي قالها في ورقة فاضية و بعدها بتكتب قطعة من 180 كلمة في تلت ساعة و بعدها السؤال الثاني بيوريك مقولة و يقولك انت تتفق أو تختلف معاها و ليه و بعدها تكتب قطعة 300 كلمة في تلت ساعة

و كده يبقي الامتحان خلص و هو بياخد 4 ساعات و نص و هو امتحان مجهد و هو بيقيس مستواك في الانجليزي و مش المطلوب انه يتقفل لأن ملهوش منهج أو حاجة ثابتة و مالوش درجة نجاح كل جامعة أو مؤسسة بتحدد حد ادني و توزيع الدرجات كالتالي هو من 120 كل جزئية من الغ جزئيات عليه 30 درجة أو نقطة لو جبت أكل من 48 هيبقى ممنوع تدخل لو جبت من 48 لحاجة و ستين حتاخد انجليزي مكثف لمدة سنة و نص و لو من حاجة و ستين ل 75 هتاخد برده انجليزي مكثف بس أقل شوية في الكم و من 76 ل 82 هتاخد انجليزي عام كده بيبقى عبارة عن استخدام اللغة في كافة المجالات الدراسية و ده لمدة تيرم و بتاخد معاه كورسات المنهج عادي أما لو اعلى من 82 لحد 100 تبقي عديت و هتاخد كورسات طبيعي أما لو اعلى من 100 يبقي في بعد الكورسات مش هتاخدها زي ازاي تكتب حاجات رسمية و كده و ازاي تعبر عن نفسك و كده هتتشال لأن الشخص بيبقي مش محتاج لانه متمكن و الامتحان ده عن امكانياتك اللغوية و قدرتك علي الاستيعاب و التحليل و ممكن ناس لغتهم الاولى انجليزي و مش يجيبو جامدة قوي في الامتحان لانه بيعرف يتكلم لغة الشارع لكن معرفش اتلم و يحلل و يفهم مواد دراسية و كده لانه امتحان اكاديمي و ده بتراجع قبل الامتحان بالحل علي الكومبيوتر بتنزل امتحانات من النت لكن مفيهوش مذاكرة و الامتحان كله علي الكومبيوتر في الجامعة أو مكان للامتحان بيقولولك عليه و الاجابات بتصحح في امريكا و النتيجة بتظهر بعد اسبوعين علي الأكثر أو اقل علي النت أنا ظهرت عندي بعد 8 أيام و مفيهوش ظلم تصحيح لأن في سؤال القراءة و الاستماع الكومبيوتر هو اللي بيصحح لأن الاجابات علي سؤال اختر و كده أما سؤال التحدث و الكتابة ده بصححو لجنة من 6 خبراء مع بعد تفاديا للاخطاء التقيمية أو التصحيحية

أما لو امتحنتو الامتحان البريطاني اللي اسمه IELTS اللي هو تابع لجامعة كمبريدج و المركز الثقافي البريطاني ده قريب من الامريكاني قوي الفرق بس ان في سؤال التحدث بتتكلم مع واحد بشر مش زي التاني الكومبيوتر بيسجل و كمان الامتحان الامريكي في اسئلة التحدث و الكتابة بيهتمو أكتر بالسياق و مضمون الكلام و قوة العبارات و جمال الاسلوب و الافكار اكثر من الجرامر و كده لكن الامتحان البريطاني بيهتم بالكلمات و الجرامر و كده أكتر و برده مفيش سؤال في الامتحنين عن الجرامر بلوحدها أو معاني الكلمات لوحدها يعني مش زي أي امتحان انجليزي خدته قبل كده بمعني ان في الامتحان الأمريكي و البريطاني الجرامر و معني الكلمات جوه الكلام بتاعك عند التحدث و الكتابة و برده النطق يفرق في التحدث لكن مفيش سؤال جرامر لوحده أو معني كلمات لوحدها لأن الامتحانات ديه بتقيس القدرة علي استخدام اللغة عمليا في الجامعة

و عموما أنا جبت في 76/120 و ده كويس بالنسبة للمقبولين و أنا هاخد أول تيرم كورس انجليزي في مواد متنوعة من تاريخ لفلسفة لسياسة لفيزياء و معاه المنهج الدراسي و أنا عموما علمي رياضة

أما عن المنح و المصاريف و الكلام ده احب اطمن اللي جيبين فوق 99% في ثانوية ممكن يخدو منح مالية رهيبة هقولكم إزاي لو واحد ليه نشاط ثقافي جامد ياخد تخفيض و ده صعب لأن الأنشطة الثقافية نادرة في المدارس في مصر لكن فيه تخفيض للمتفوقين 30% و أنا إن شاء الله هتخدو + حاجة اسمها ال financial aid المساعدات و الدعم المالي ده استمارة بتستلموها من الجامعة و تملوها في البيت بتشوف الايرادات و الدخل و الانفاقات و كده و برده بيحطه في الحسبان مستوى الطالب و الظروف المادية و كده و ده ممكن واحد مش ياخدو أو واحد ياخد تخفيض 70% مع تخفيض التفوق ال 30% يبقي خد 100% و برده في تخفيضات رياضية للحاصلين علي بطولات في أندية 15%و أنا قدمت استمارة الدعم المالي و مستني اشوف هيقولو إيه لكن بتاخد معاك بيانات مرتب و الاستمارة ديه فيها تفاصيل كتير جدا هي 4 صفحات لازم كل واحد مع والده أو والدته أو الشخص المسئول عن الطالب اللي هو ولي الامر و في النهاية احب اقول ان الجامعة الأمريكية أحسن جامعة في مصر في مجالات معينة زي الاقتصاد و ادارة الاعمال و علم التأمينات و علم النفس و الثقافة و الاجتماع و السياسة و الصحافة و الاعلام و شبه معظم الاعلاميين الناجحين اللي اتخرجو من جامعة القاهرة أو عين شمس عملو دراسات عليَّا و ماجستير في الاعلام في الجامعة الأمريكية و فيها علم المصريات يعني خريج جامعة امريكية علم مصريات أحسن من 100 خريج كلية اثار بالنسبة للحاجات الفرعونية و فيه الفسلفة و التنمية البشرية و ديه بياخدها كل طلبة الجامعة ايا كان تخصصهم و بالنسبة للدراسات العليا هي عندها أحسن ماجستير في النانو تكنولوجي في مصر و كمان واخدة في ترتيب الجامعات علي مستوي العالم في آخر واحد 2010 تاني أحسن جامعة في مصر ككل و رقم 550 و كمان واخدة المركز 209 علي مستوي العالم في تخصص علوم الحياة و أحسن جامعة في الشرق الأوسط و قارة افريقيا في مجال ادارة الاعمال و الاقتصاد و المالية متفوقة علي جامعات السعودية و الامارات و الكويت و اسرائيل و لبنان و جنوب افريقيا و ..............الخ
و هي أول جامعة مصرية فيها بكالريوس علوم في علم التأمينات و ده بيدرس رياضة رهيبة و معاها احصاء و مالية و كده و الطلب علي خريجين القسم ده علي جدا في مصر يعني في نقص جامد في مصر في عدد الموظفين اللي متخصصين في علم التأمينات و في الاخر في مصر بييلجاو لخريجين اقتصاد و علوم سياسية أو تجارة انجليزي و لكن ده مش شغل الكليات ده بس السبب عدم وجود القسم ده فيه شبه كل جامعات مصر

و هي الجامعة الوحيدة في مصر اللي الهندسة بتاعتها معترف بيها في جامعات و شركات امريكا و بره ادارة الاعمال و الاقتصاد و كده معترف بيها عالميا يعني معظم الخريجين المتفوقين بيعملو الماجستير و الدكتوراة في جامعات زي هارفارد و ستانفورد و MIT و caltech اللي فيها زويل و جامعة كولومبيا و برينستون و يال و بنسيلفينية و أوكسفورد و كامبريدج و جامعة كاليفورنيا فرع لوس انجلوس و بركلي و .....................الخ يعني خريجيها بيدخلو الكلام ده بس المتفوقين بس أكيد يعني بيتقبلو في الجامعة الحاصلة علي اعلي 20 مركز في ترتيب الجامعات علي مستوى العالم أما لو خريج عين شمس أو قاهرة لازم يمتحن انجليزي و يجيب أعلى من 115/120 و ده مستحيل و لازم معدلة الشهادة و مواويل لكن الجامعة الأمريكية لغة أولى انجليزي فبتقبل منغير الكلام ده و بسبب الاعتراف بيها في منظمة عالمية كتير و هي أول جامعة في مصر تاخد اعترف من هيئة ضمن جودة التعليم التابعة للحكومة و هاي منظمة معمولة علي مستوي علمي لمنافسة المنظمات الأمريكية و الأوروبية في القوة و قبلت فقط الجامعة الأمريكية في مصر الكلام ده من 4 شهور

آه الدراسة فيها في اول سنة ده بتدخل اما بتختار مواد علمية أو مواد غير علمية و بتبقي سنة اعدادي بتختار كورسات معينة علي حسب الحاجة اللي إنت عاوز تخشها يعني مثلا مطلوب الفيزياء و الكيمياء و الرياضة لازم مثلا عشان تدخل هندسة ميكانيكا تجيب في أول سنة في الكورسات ديه 94% و متغيرة لأن كل تخصص ليه تنسيق و بيتحدد المجموع علي حسب الاقبال علي كل قسم يعني لو كله اختار يدخل قسم الفيزياء للحصول علي بكالريوس العلوم في الفيزياء يبقي فيزياء تبقي اعلى من ميكانيكا لأن الحوار عرض و طلب لكن في مصر طبعا أي حاجة فيها كلمة هندسة بيبقى الاقبال عليها أعلى حاجة في علمي رياضة و نظام الكورسات بحاجة اسمها الساعات المعتمدة

طبعا هي مفيهاش طب لكن في النظام الأمريكي اللي عاوز يدخل طب مش بيدخل بعد ثانوي لأ ده بيدخل 4 أو 5 سنين ياخد بكالريوس احياء و فيزياء و بعدها بيمتحن امتحانات كتير و بيتقبل المدمرين اللي من طراز رفيع بس في طب يعني في امريكا بتخرج في السنة 12 ألف دكتور طب بشري من ال l-300 مليون م واطن يعني بعد اخذ البكالريوس في الاحياء و الفيزياء بتعد تمتحن امتحانات طبية و بعدها بتدخل كلية طب كدراسات عليَّا سنتين أو 3 سنين عشان تدخل النقابة هناك و تاخد رخصة مزاولة المهنة عكس النظام الاوروبي اللي هو بتدخل طب علطول بعد ثانوي .و النظام الأمريكي كويس في انه بيديك اختيارات كتير يعني لو متقبلتش طب تدخل صيدلة أو بيوتكنولوجي اللي هي تطوير الفيراسات أو تدميرها أو التحكم في الكلام ده زي الجمرة الخبيثة و كده و طبعا الكلام ده يستخدم في الخير أو الشر اللي هو البيوتكنولوجي و مجالات تانية زي قسم حاسبات طبية و ده بيشتغل في برمجة الأجهزة الطبية أو هندسة طبية و ده بيشتغل في تصنيع و صيانة الأجهزة الطبية

و عموما الجامعة الأمريكية هاي الجامعة الأهلية الوحيدة في مصر يعني بتضر نفسها بنفسها يعني ملهاش مالك أو مساهمين أو اسهم لأ الجامعة اللي بتكسبو بتشتري به أجهزة و تحدث و تنمي ابحاث و تحس مرتبات و كده يعني رئيس الجامعة موظف وفيه حاجة ز البرلمان أو مجلس الشعب في الجامعة اسمه مجلس علمنا ده بيراقب أداء الادارة و بيتكوا من علماء و سفراء و رجال اقتصاد مصريين و عرب و اجانب اكثر من 4 أو 6 أشخاص منهم حاصلين علي جائزة نوبل في مجالهم المصريين زي زويل و البرادعي و نبيل العربي وزير الخارجية السابق و رئيس جامعة الدول العربية و السفر نبيل فهمي ابن وزير الخارجية اسماعيل فهمي اللي استقال بعد اتفاقية كمب ديفيد هو و كل الموظفين و الوزراء اللي في حكومته من ضمن مساعديه كان محمد البرادعي و كان موقف مشرف و ده بسبب رفض السلام المنفرد مع اسرائيل و الدكتور عمرو عزت سلامة وزير التعليم العالي السابق و زيهم كده اجانب و عرب أكتر من 30 عضو في مجلس الامناء

الكويس في الجامعة الأهلية انها مش زي الجامعة الخاصة العادية اللي بيبقي ليها مالك فبياخد معظم مكسب الجامعة في جيبه أو بيحولها شركة من شركته تانية فبتبقي فلوس قليلة للأبحاث و الكلام ده فمينفعش ان جامعة يبقي ليها مالك لأن بيبقي صاحبها كل همه هتجيب كام و كده أحسن حاجة الجامعات الحكومية و الأهلية المعتمدة علي التبرعات و المصاريف

و أتمنى في النهاية ان بعد الثورة مصر توصل لمكانة عالمية و جامعتها تبقي في مستوى افضل جامعات العالم

ده موقع الجامعة http://www.aucegypt.edu/Pages/default.aspx

و ده موقع مناهج و التخصصات في الجامعة http://catalog.aucegypt.edu/content....=15&navoid=475

[Eng / NOUR]

طيب هو ينفع اقدم دلوقتى ولا باب التقديم اتقفل

[ROMEOOOO]

بص غالبا اتقفل بس خش اللي هيجيلك في التنسيق العادي و قدم دلوقتي ورقك في الجامعة الأمريكية عشان spring semester اوالترم التاني لأن في النظام الأمريكي ميفرقش ترم أول عن تاني يعني ممكن تدخل متأخر ترم و تاخد في الترم التاني نفس اللي كنت هتخدو في الاول و في الحالة ديه بتتخرج بعد 4 أو 5 سنين في الترم التاني

[DR.NANCY]

فى لطلاب الثانوية العامة منحتين تقريبا للجامعه الامريكية 1-منحة الطلبة المتوفقين فالثانوية العامة ودى منحة للطلبة الجايبين لحد97 فالمية والمتقدمين بيمروا بامتحان ايلتس دة امتحان انجلش من المجلس البريطانى بعدة انترفيو فالمنحة دى بيختاروا 20طالب بس ومش بتبقا منحة كاملة يعنى الى اعرفوا بتدفع 10000جنية بدل 172000مصاريف الجامعه

اما2-منحة برنامج اعداد القادة الي هي lead دى انا مقدمة فيها دى منحة شاملة كل حاجة سكن وكتب ......الخ
ودى لطلبه الثانوية العامة وطلبه الفرقةالاولى برضة الطلبة الي بيقدموا بيمروا بامتحان ايلتس والي بينجح فية بيحددوا معاه مقابلة وبيصفوا ولد وبنت بس من كل محافظة

اما عن الاقسام الموجودة فالهندسة ففيها بترول وكمبيوتر ومعماري وتشييد وميكانيكا والكترونيات وتقريبا ديكور

[a_el7attab_n]

بجد الف شكر ع المعلومات دى

استفسار بسيط بس

انا جبت 99.5 فى تانية و داخل ع تالتة اهو و نفسى ف منحة كاملة

بس اسمع ان الكاملة دى للاوائل بس و المشكلة ان فيه 500 واحد جايبن 99.8 و 19 واحد جايبين 100% ف تانية يعنى تقريبا الامل راح ف الاوائل

ممكن الحق الكاملة ولا ايه

و اقدم ع المنحة دى امتى ان شاء الله انا داخل ع تالتة اهووو